Jesaea 58:1 - সান্তালী বাইবেল

¹ Probhu Isore meneda, “Kajakte hohoeme, amakʼ goṭa daṛete hohoeme; sakwa saḍe leka ãṭ aṛaṅte hohoeme. Ińren hoṛko ṭhen onkoakʼ bedhorom reakʼ katha ar Jakobren bõsko ṭhen onkoakʼ ghạṭ akatʼ reakʼ katha baḍae ocokom.

Jesaea 58:1 Referans Kwoze

Titus lạgitʼ Pạul Apostolakʼ ciṭhi 2:15

Onate am do purạ ektiạri salakʼ noako reaṅ sikhạu paṛhaokom, sopolha emakom ar dosko udukʼakome. Ar am do okoe hõ alo jemonko neṅghaome.

Hosea 8:1

“Am do siṅgạ oroṅme. Probhu Isorren hoṛko upạrte bạiri do pajhaṛ cẽṛẽ lekae hijukʼkana, ente hoṛko do iń emakʼ bondobos reakʼko bebatao akada ar ińakʼ ạn-ạri upạrteko hul akada.

Jeheskel 20:4

“E manwa hopon, am do cetʼ onkom bicạrkoa? Enḍekhan onkoren hapṛamkoakʼ bạṛicʼ colon reakʼ katha baṛe baḍae ocokome.

Jeheskel 22:2

“E manwa hopon, am do cetʼ bicạr lạgitʼem sapṛaogea? Enḍekhan mãyãme joro ocoakatʼ niạ nagraha reakʼ baṛe bicạrme. Am do uniyakʼ sanam hirkhạwakʼ kạmiko reakʼ katha baḍae ocoyem.

Jesaea 56:10

Israelren pahradarko doko kãṛãgea, onko do cetʼge bako baḍaea. Onko do guṅgạ seta lekanako, bako bhokʼ daṛeakʼa. Onko do giticʼkateko kukmũya ar jạpitʼko kusiyakʼa.

Jesaea 40:6

Mitʼ hoṛakʼ aṛaṅe meneda, “Hohoeme” Ińiń menkeda, ‘Cetʼ menteń hohoea?” “Manwako do ghãs leka kanako, onkoakʼ ṭhonoktetʼ do ṭạnḍi reakʼ bahako lekage.

Johan sodor 1:10

Probhu Isorakʼ dinre iń do Jiureń tahẽkana. Ar un jokhecʼ iń tayomre siṅgạ saḍe leka mitʼ hoṛakʼ aṛaṅiń ańjomkeda.

Johan sodor 4:1

Noa tayom iń do serma reakʼ mitʼṭecʼ duạr jhicʼ akatʼiń ńelkeda. Ar siṅgạ reakʼ saḍe leka okoeyakʼ aṛaṅ coń ańjomkeda uni doe metadińạ, “Am do nonḍe rakapʼ hijukʼme. Ar noako tayom oka hoyokʼ lạgidokʼkan onań udukʼama.”

Jesaea 27:13

Enhilokʼ maraṅ mitʼṭecʼ sakwa do oroṅokʼa. Unre Ạsur disạmre okoe do atʼko tahẽkan ar Misorte okoeko laga ńir ocolen onkoko ruạṛ hijukʼa ar Jerusalem reakʼ sonot burure Probhu Isorko sewawaea.

Jesaea 2:5

E Jakob bõsrenko, dela hijukʼpe; dela, Probhu Isorakʼ marsalre bon dãṛãnma.

Jesaea 43:27

Amren pạhil ạpum doe kạikeda; amren mańjha mańjhi hoṛ do iń reaṅko ghạṭkeda.

Jesaea 50:1

Probhu Isore meneda, “Eṅgamakʼ bapag dolel do okare menakʼa, one okaṭakʼteń bạgikede? Ińren mahajonko modre okoe ṭheniń ạkhriń akatʼpea? Apeakʼ kại iạtege ape dope ạkhriń akana; apeakʼ behokakʼ lạgitʼge aperen eṅgam doe bạgi ocoakana.

Jesaea 57:12

Ńitokʼ do ińge dhoromiń sodortama; ar amakʼ kạmiko hõ; onako do cetʼ porhowanakʼge baṅ hoyokʼtama.

Jesaea 59:12

E Probhu Isor, amakʼ mẽtʼre alaeakʼ behokakʼ do ḍhergetalea; aleakʼ kại do ale upạrte gohae emetʼkana. Aleakʼ bedhoromtetʼ do ale sãorege menakʼa ar aleakʼ ghạṭko reaṅ dole baḍaekangea.

Jirimiạ 6:17

Ape cetanre pahradarko bahalkateń metatʼkoa, ‘sakwa reakʼ saḍe moneyakʼpe.’ Menkhan apepe meneda, ‘ale do bale moneyakʼa.’

Rak̕joṅ 2:14

Amren nạbikoakʼ dorson do ạuṛiyakʼgea ar eṛeyakʼkana; amakʼ bondi dosa jemon sạṅgińokʼtam onate onko do amakʼ ghạṭko bako udukʼ akawatʼmea. Nạbi lekate okako lạiyakatʼ ona do eṛegea; ona do bhul horteye idiakatʼpea.

Jeheskel 16:2

“E manwa hopon, Jerusalem do acʼakʼ hirkhạwakʼko kạmi reaṅ baḍae ocoyem.

Jeheskel 23:36

Inạ tayom Probhu Isor do ińe metadińạ, “E manwa hopon, am do cetʼ Ohola ar Oholiba tạkin bicạrkin lạgitʼem sapṛaogea? Enḍekhan unkinakʼ hirkhạwanakʼ kạmiko reakʼ katha baṛe baḍae ocokinme.

Jeheskel 33:3

ar uni do ona disạm upạrte tarwaṛe hijukʼkan ńelte hoṛko sontorko lạgitʼ sakwae oroṅ,

Jirimiạ 36:9

Josiạ hopon Jihudạren raj Jehoyakimakʼ rajokʼ mõṛẽakʼ bochor reakʼ areakʼ candore Jerusalemren sanam hoṛko ar Jihudạ nagrahako khon hecʼakan hoṛko lạgitʼ Probhu Isor samaṅre upạs reakʼ kathae lại jạhirkeda.

Jeheskel 11:4

Onate E manwa hopon, am do noko upạrte nạbi lekate katha roṛme, hẽ, nạbi lekatege baṛe katha roṛme.”