Jesaea 57:19 - সান্তালী বাইবেল

¹⁹ Onko do onateko mena, ‘sor ar sạṅgińren sanamko lạgitʼge suluk baṛe hoyokʼma.’ Iń Probhugeń meneda, onko do ińgeń bogekoa.”

Jesaea 57:19 Referans Kwoze

Ibriko 13:15

Onate delabon, Mạsi hotete Isor ṭhen sarhao reakʼ samaṅokʼakʼ jaoge bon samaṅma, metakʼme Isorren hoṛ mente okoe apnarteko aṅgocetʼkan onko do akoakʼ mocate Isorko gun manao joharae ma.

Aposkạmi 2:39

Ape lạgitʼ, aperen gidrạ lạgitʼ ar okoe do sạṅgińre menakʼko, metakʼme aboren Probhu Isor do okoeko acʼren hoṛ hoyokʼ lạgitʼe hohowako, onko sanamko lạgitʼ noa gokʼakʼ do emakana.”

Ephesiko lạgitʼ Pạul Apostolakʼ ciṭhi 6:19

Iń lạgitʼ hõ koejoṅpe jemon kathań roṛre Isor do nonkan pạrsiye emạń jemon dil salakʼ uniyakʼ bhage sombat reakʼ sạri okoakʼkoń porcar daṛeakʼ.

Aposkạmi 10:36

Isor do Israelko ṭhen noa bhage sombate kolletʼ tahẽkana je, Jisu Mạsi, one okoe do sanamkoren Probhu Isorkan, uni hotetege suluk do ńamokʼa mente.

Luk 2:14

“Sermare Isorakʼ ṭhonok dhạrtire suluk, manwakore kusi.”

Luk 21:15

ente iń do nonkan katha ar nonkan akeliń emapea, onape roṛ ruạṛakore aperen bạiriko do cetʼhõ bako roṛ daṛeakʼa, ar onahõ bako baṅ daṛeakʼa.

Mark 16:15

Jisui metatʼkoa, “Ape do dhạrti reakʼ sanam jaegate calakʼpe ar sanam hoṛko ṭhen Isorakʼ bhage sombat porcarpe.

Mathae 10:13

Jodi ona oṛakʼ lekgepe bujhạu enḍekhan apeakʼ suluk do ona oṛakʼre paṛaokʼma. Menkhan ona oṛakʼ lek leka bape bujhạu enḍekhan apeakʼ suluk do aperege ruạṛ hijukʼma.

Jesaea 6:7

Ar ona aṅgra do ińakʼ mocare jakʼketʼteye menkeda, “Ńelme, noa do amakʼ luṭikine joṭetʼkeda; amakʼ behokakʼko do sạṅgiń akana ar amakʼ kại do ikạyentama.”

Hosea 14:2

Ape do Probhu Isor ṭhen ruạṛ hijukʼpe ar uni metaepe, “Aleakʼ sanam kạiko ikạitaleme ar aleakʼ oka bhageakʼkan ona ataṅme jemon ale do damkom samaṅokʼakʼ leka aleakʼ luṭitele sarhaome.

Ephesiko lạgitʼ Pạul Apostolakʼ ciṭhi 2:13

Mitʼ jokhecʼ ape do sạṅgińrepe tahẽkana, menkhan Mạsi Jisurepe kolom mitʼakante ńitokʼ do uniyakʼ mãyãm ṭhenpe ạgu ocoakana.

Jesaea 26:3

Okoeyakʼ mon amre tahẽ uricʼ akan uni do purạ suluktem dohoyedekana, ente uni do am cetanreye bhorsakʼ kana.

Jesaea 26:12

E Probhu Isor, suluk baṛe teṅgo aleme; ente okale ceka daṛeakatʼ ona sanamakʼge am do ale lạgitʼem kạmi akatʼa.

Jesaea 32:17

Ar dhorom do suluk reakʼ jo hoyokʼa, ar ona iạte jaejug lạgitʼ khạtirjoma ar bhorsage hijukʼa.

Jesaea 50:4

Probhu Isor do sikhnạt reakʼ alaṅgeye em akawadińạ jemon katha hotete laṅga akan hoṛkoń goṛo daṛeako. Uni do dinạm hilokʼ setakʼ jokhecʼe ebhen edeńkana ar ińakʼ luture cetao ocoyetʼtińạ jemon mitʼṭen cela lekań ańjomtae.

Jesaea 51:16

Ińakʼ kathako do apeakʼ mocareń emakada ar ińakʼ ti reakʼ umulreń danaṅ akatʼpea. Serma do acʼakʼ jaegareń dohoakada ar dhạrti do rehetʼ iń bạisạu akada. Ar Sion doń men akawadea, ‘am dom ińren hoṛ kana.’ ”

Jesaea 59:21

Onko lạgitʼ ińakʼ bondobos do noage: ińren Jiu okoe do apere menae ar ińakʼ okako katha apeakʼ mocareń emakatʼ ona do ape, aperen hoponko ar onkoren hoponkoakʼ moca khon baṅ adokʼa; ona do ńit khon jaejug hạbicʼ tahẽ akae tahena. Iń Probhu Isorge noa katha doń meneda.”

Sephaniạ 3:9

Ar ona tayom do jạt jạtrenko napae alaṅiń emakoa jemon jotokoge ińko sewawạń ar jotoko mitʼ jomokteko dewa sewa daṛeạń.

Sakariạ 9:10

Iń Ephrayimge rãt gạḍi ar Jerusalemren lạṛhại sadom jotogeń maraokoa ar lạṛhại reakʼ akʼ iń rạputʼ giḍikatakoa. Uni do jạt jạtrenko ṭhen suluke lại sodora. Uniyakʼ ḍanṭao do doreão khon doreão hạbicʼ, Phurạt gaḍa khon dhạrti reakʼ ses simạnako hạbicʼ hoyokʼtaea.

Jirimiạ 30:17

menkhan enhõ iń do amakʼ hoṛmoń ruạṛkakʼa ar amakʼ ghaokoń bogeytama.’ ”

Jirimiạ 33:6

“Enhõ iń do napae hoṛmoteń dohoya ariń ran bogea; ińren hoṛkoń ran bogekoa ar sạriyakʼ reakʼ asambheṛ suluk nirại ar khạtirjoma iń khulạuakoa.

Hosea 14:5

Israel ṭhen do sisir dakʼ lekageń hoyokʼa; uni do Kiyạ baha lekae bahakʼa. Lebanon reakʼ debdạru dare leka uni do acʼakʼ rehetʼko latar secʼe pheḍtaea.