Jesaea 57:18 - সান্তালী বাইবেল

¹⁸ Manwakoakʼ hor doń ńelakatʼgea, ar enhõ onko doń bogekoa. Iń do onkoń ạyurkoa ar hirdạukʼkanko hõ jiwi raṛecʼiń danakoa.

Jesaea 57:18 Referans Kwoze

Jirimiạ 33:6

“Enhõ iń do napae hoṛmoteń dohoya ariń ran bogea; ińren hoṛkoń ran bogekoa ar sạriyakʼ reakʼ asambheṛ suluk nirại ar khạtirjoma iń khulạuakoa.

Johan sodor 7:17

ente Bheḍa Hopon okoe do siṅghạsonre menae unige onkoren gupiyicʼe hoyokʼa. Ar jiwetʼ dakʼ reakʼ jharna ṭhene idikoa, ar Isor do onkoakʼ mẽtʼdakʼe jodtakoa.”

Jirimiạ 3:22

Probhu Isore meneda, “E bạṛicʼ horte sen akan hoponko, dela ruạṛ hijukʼpe; apeakʼ peṛta horte ghańjeṛ akan reakʼ ruạń cabaetapea.” Unre Israelkoko mena, “Hẽ, ale do am ṭhengele ruạṛ hijukʼa, ente am kangeam aleren Probhu Isor do.

Jirimiạ 31:3

Ona jokhecʼ Israelko doko menleda, Probhu Isor do sạṅgiń khon onko ṭhene ńel ocolena. Ar Probhu Isor do unre onkoe metatʼko tahẽkana, “Asambheṛ dayateń dulạṛ akatʼpea; ar asambheṛ mãyãtege iń ṭheniń or sorakatʼpea.”

Jirimiạ 13:17

Ar katha bape ańjom khan apeakʼ bạḍại iạte iń do danaṅreń raga, ạḍitetʼ geń raga ar ińakʼ mẽtʼ do mẽtʼ dakʼte perecʼjokʼtińạ, ente Probhu Isorren hoṛ do bondikateko idi ocokʼa.

Jesaea 57:15

Ente usulicʼ ar coṭicʼ, okoe do jaejug tahẽakane tahenkan, uni sonoticʼ doe meneda, “Iń do usulakʼ ar sonotakʼreń tahẽnkana, ar nindhạnicʼ ar talga tạuạkʼicʼ sãote hõń tahenkana jemon nindhạnicʼ ar talga tạuạkʼicʼ hoṛakʼ ontoriń jiwetʼ ruạr ocoytae.

Jesaea 49:10

Onko do baṅ reṅgecʼkoa, ar baṅ tetaṅkoa se hahaṅkar reakʼ lolo se siń cando reakʼ jharla jhạrli setoṅ hõ baṅ paṛaoakoa. Onko cetanre okoeye mãyãkʼkan unige hore udukʼakoa ar dakʼ jharna ṭhene ạyur idikoa.

Jesaea 30:26

Unre Probhu Isor do acʼren hoṛkoakʼ ghạlkoe bedhaotakoa ar ńẽtʼ ghaokoe bogeytakoa ar enhilokʼ ńindạ cando do siń cando leka marsale emokʼa, ar siń cando reakʼ marsal do eae dobṛa hoyokʼa.

Jesaea 12:1

Enhilokʼ am dom mena, “E Probhu Isor, iń do amiń sarhaomea, ente iń cetanre edrem sodorleda; menkhan ńitokʼ amakʼ edre do caba akana ar jiwi raṛecʼem emạń kana.

Jesaea 1:18

Probhu Isor do arhõe meneda, “Dela hijukʼpe, ńitokʼ bon galmarao phanḍaolege. Ente apeakʼ sanam kạiko sindur leka arakʼ akanre hõ enhõ ona do him leka ponḍokʼa; ar jeṅgetʼ arakʼ kanre hõ enhõ ona do bhiḍi upʼ leka ponḍokʼa.

Sosolhayic̕ 9:4

Jiwetʼ hoṛkoakʼ as do menakʼgea; ar gocʼicʼ dhạcri kul khon jiwetʼ setageye bhagea.

Sereńko 51:12

Amakʼ babańcao reakʼ rạskạ em ruạṛạńme, ar khaṛa jiute baṛe sambṛaoińme.

Sereńko 23:2

Uni do ạtiń ṭạnḍi reakʼ legecʼ ghãsreye aḍeńkana, ar jirạu joṅ reakʼ dakʼ ṭhene ạyuredeń kana.

Romiko lạgitʼ Pạul Apostolakʼ ciṭhi 5:20

Ạn-ạriko emena jemon behokakʼko ḍherokʼ, menkhan okare behokakʼ ḍherena onḍege Isorakʼ daya hõ artetʼge bạ̃ṛtiyena.

Luk 15:20

“Noa menkate uni doe beretʼente acʼ apat ṭhene calaoena. Ado sạṅgińreye tahẽkanrege uniren apattetʼ doe ńel ńamkedea ar ạḍi mãyã hecʼadea. Ar ńir senkate uniye hạṛupʼkedea are cokʼ cokʼadea.

Sereńko 94:19

Ińakʼ monre bạṛicʼ dạndiko tinre ḍherokʼ kana, unre amakʼ jiwi raṛecʼ reakʼ katha do ińakʼ ontore rạskạ ocoyetʼtińạ.

Jesaea 19:22

Ar Probhu Isor do Misorren hoṛkoe ńẽtʼkoa; uni doe ńẽtʼkoa ar boge hõe bogekoa. Onko do Probhu Isor secʼko ạcurokʼa, ar uni do onkoakʼ nehõre ańjomtakoa are bogekoa.

Jesaea 52:12

Menkhan usạrate do alope oḍok hijukʼa se alope dạṛ ạguiya, ente Probhu Isor do ape laha lahateye calakʼa; ar Israelkoren Isorgeye samṭao idipea.

Jesaea 53:5

Aboakʼ kại gunạkʼtege uni doe ghạl ocolena; aboakʼ ghạtko iạtege uni doe talga tạuạkʼ ocoyena. Okaṭakʼ sạjại hotete abore suluk hecʼakan ona sạjại do unigeye em ocoyena, ar uniyakʼ dal ur iạte abo do bon bogeyena.

Jesaea 58:11

Iń Probhuge Isorge sanam ghạṛicʼ iń ạyurpea; ar khaṅgoṭ jaegakoreń tirpit ocopea ar hoṛmore daṛeń danapea. Ape do dakʼ ńametʼkan bagwan lekape hoyokʼa ar nonkan dakʼ jharnakope hoyokʼa ona do baṅge ańjedokʼa.

Sakariạ 1:13

Unre okoeṭakʼ serma goḍet do iń sãoteye galmaraokan tahẽkan Probhu Isor do uni ḍher bhạlại ar jiwi raṛecʼ reakʼ kathae metadea.

Jesaea 30:18

Enhõ Probhu Isor do ape dayawape lạgitʼe koyokʼ horakada; uni do ape mãyãwape lạgitʼe sapṛao akana. Probhu doe dhoromren Isor kana; okoe uni lạgitʼ koyokʼ hor akaeko tahen onko doko bhạgangea.

Jesaea 51:12

Probhu Isore meneda, “Iń kangeạń apeakʼ jiwi rakʼṛecʼicʼ do. Manwa do cedakʼpe botorako kana? Onko doko gujukʼgea. Manwa hopon do ghãs baragge thoṛa okteko tahena.

Jirimiạ 30:17

menkhan enhõ iń do amakʼ hoṛmoń ruạṛkakʼa ar amakʼ ghaokoń bogeytama.’ ”