Biblia Todo Logo
Bib sou entènèt

- Piblisite -




Jesaea 57:15 - সান্তালী বাইবেল

15 Ente usulicʼ ar coṭicʼ, okoe do jaejug tahẽakane tahenkan, uni sonoticʼ doe meneda, “Iń do usulakʼ ar sonotakʼreń tahẽnkana, ar nindhạnicʼ ar talga tạuạkʼicʼ sãote hõń tahenkana jemon nindhạnicʼ ar talga tạuạkʼicʼ hoṛakʼ ontoriń jiwetʼ ruạr ocoytae.

Gade chapit la Kopi




Jesaea 57:15
72 Referans Kwoze  

Okoeyakʼ mon rạputʼ akantako Probhu Isor do onko ṭhengeye tahena; okoeyakʼ ontor talga tạwạkʼ akan onko doe bańcaokoa.


Probhu Isor do jotowakʼko cetanre menaere hõ enhõ uni do nindhạnkoe beṅgetʼakoa, menkhan bạḍạiko doe sạṅgiń khongeye baḍaekoa.


Rạputʼ monanko doe bogeyetʼkoa; ar onkoakʼ sanam ghaokoe tolkatako kana.


“E Probhu Isor, Debko modre am leka do okoe menakʼkoa? Okoe menakʼkoa am leka sonot ar ṭhonokanicʼ ar sarhao sereńkore botoranicʼ do? Ar hahaṛawakʼ kạkʼmiyicʼ hõ okoeyakʼ menakʼtaea?


Ona okte purạuen khan iń Nebukadnesar do serma secʼ iń beṅgetʼkeda ar ińakʼ bud do ruạṛ hecʼadińạ. Unre iń do Coṭ utạrricʼ iń sarhaokedea; okoe do jaejug jiwetʼ menae uniń ḍobokʼadea ariń sarhaokedea. Ińiń menkeda, “Isorakʼ rajosṭi do jaejug hạbicʼ reakʼ rajosṭikana; uniyakʼ rajosṭi do piṛhike piṛhi tahena.


Probhu Isore meneda, “Ńelpe, ińren guti doe jo bahakʼa. Uni doe rakapʼ ocokʼa ar ạḍitetʼe maraṅokʼa.


Aben do cetʼ baben baḍaea? Aben do cetʼ baben ańjomakada? Probhu Isor okoe doe jaejugren Isorkan, okoe do dhạrti reakʼ mucạtʼ simạko hõe benao akatʼ, uni do bae laṅgakʼa, ar bae nijorokʼa, uniyakʼ ạkil reakʼ khạndritetʼ do celehõ bako jokha daṛeakʼa.


Okoe doe jug hilokʼren Isorkan unige amren asarae do; acʼakʼ jaejug reakʼ tite uni do ame sapʼ dohokama. Am samaṅren sanam bạiriko uni doe laga ńirkoa; are mena, ‘noko mohor meṭaokom.’


Buru boṭkocʼ ạuri sirjạukʼre, dhạrti ar pirthimi ạuri sirjạukʼre, ona laha khon jaejug hạbicʼ am kangeam Isor do.


Menkhan Isorakʼ daya do arhõ ḍhergea. Onate sonot sostorre ol menakʼa, “Isor do phulạukʼkanko upạrteye teṅgona, menkhan mạ̃hirko doe bhorakoa.”


Jemonko baḍae daṛeakʼ, amakʼ ńutum do Probhu kana mente, hẽ, eken am kangeam goṭa dhạrtiren maraṅ Isor do.


‘niạ jaega ar onaren hoṛko upạrte okań menakatʼ ona ańjomkate amakʼ mon do kastao akantama ar iń samaṅrem nindhạn akana ar amakʼ kicricʼ oṛecʼkateyem rakʼ homor akada. Ar noakom nonka akatʼte iń Probhu Isor do amakʼ koejoṅiń ańjom akada.


Kaca kucạ ontorge Isorakʼ ataṅokʼakʼ dãṛẽ do; E Isor, nicạṛ ar mạ̃hir ontor do alom nihạ̃ttińạ.


Okoe doe jaejugren rajkan, okoe doe bin maraokʼicʼkan ar one okoe do bae ńelokʼkan, uni mitʼ Isorakʼ man ar ṭhonokge jug cetan jug hoyokʼtae ma. Amen.


Isorakʼ oka gun mẽtʼte baṅ ńelokʼkan, metakʼme uniyakʼ jaejug reakʼ daṛe ar uniyakʼ Isortetʼ do sirjon reakʼ etohopʼ khonge pusṭạute sodorgea. Uniyakʼ sirjon khonge manwa do bes okocʼte onako ńel oromeda arko bujhạu daṛeakʼkana. Niạ tayom manwakoakʼ ar jãhãn ạnḍuṅteakʼ do oho tahẽlena.


Pạhil khonge amakʼ siṅghạson do teṅgo ṭarhao akana; ar am do jaejug khonge menama.


“Philạḍelphiạ nagraha reakʼ manḍerren goḍet ṭhen noa katha olme: Okoe do sonot are sạriyicʼkan, ar okoe ṭhen Dạudakʼ choṛan menakʼ, one uniye jhicʼlere okoege bako siń daṛeakʼ are sińlere okoe hõ bako jhicʼ daṛeakʼ,


ente daṛeanicʼ Isor do iń lạgitʼ tinạkʼ maraṅakʼkoe kạmi akada. Uni doe sonotgea.


E Probhu Isor okoe baṅ am do bae botoram? Ar okoe baṅ amakʼ ńutum bae sarhaotam? Eken amge coṅ sonoticʼ ma. Sanam jạtrenko do am ṭhenko hijukʼa, ar jotoge amko sewawama; ente amakʼ dhorom bicạr do sodor akana.”


Menkhan Probhuge sạriyakʼren Isor kanae; uni doe jiwetʼgea ar jaejugren raj kanae. Uniyakʼ edrete dhạrti do thar tharaokʼa; jạt jạtrenko uniyakʼ edre do bako sahao daṛeakʼa.


Onkage E juạnko, ape do aperen murubbiko tabere tahenpe. Ar jotokoge nindhạn tahente mimitʼko sapʼ sopohotʼpe, ente sonot sostor reakʼ katha leka, “Isor do phulạukʼkankoe teṅgo darametʼkoa, menkhan nindhạnko doe dayawako kana.”


Isor do gujukʼ gobolren doe baṅkana. Uni do nonkan marsalreye tahenkana one okare okoe manwage bako sen daṛeakʼ. Ar okoe manwa hõ uni do tisge bako ńelakadea ar bako ńel daṛeaea; uniyakʼge man ar jaejug daṛe do. Amen.


Probhu Isore meneda, “Menkhan, E Bethlehem reakʼ Ephrata, am do Jihudạren hajarko modre huḍiń utạricʼ kanre hõm, enhõ am khon ińren nonkan mitʼ hoṛe oḍok hijukʼa okoe do Israelkoren cakʼaloicʼe hoyokʼ, uniyakʼ etohopʼ do ạd khon hecʼạguakana. Sedae jug khonakʼge.”


Onko do hohowateko menjoṅ kan tahẽkana, “Phạdkoren Probhu Isor doe sonot, sonot, sonotgea; Goṭa dhạrti do uniyakʼ ṭhonokte perecʼgea.


Pạhil khonge, dhạrti ạuri sirjạure, jaejug khon iń doń dohoakana.


E serma reakʼ siṅghạsonre duṛupʼ akanicʼ; iń do am secʼiń beṅgetʼ rakapʼeda.


Aboren Isor do sermare menaea; uni do acʼakʼ sana lekageye kạmikana.


E Probhu Isor, am do goṭa dhạrtiren maraṅ Isor kanam; sanam debotako cetanre am do menama.


Enḍekhan niạge jiwi raṛecʼ do hoyokʼtińạ, ar bin sahao haso talare hõ niạ rạskạge tahena, uni sonoticʼakʼ katha doń aṅgocgea.


Probhu Isor leka sonoticʼ do okoe hõ bạnugicʼan, ente am chaḍa ar cele Isorge bạnukʼkoa; aboren Isor leka asrae buru do ar cetʼge bạnukʼa.


Noko ponea jiwiyanko do hoṛo hoṛo turui goṭecʼkate phạ̃kṛạ̃kʼ ar sanam jaegakore mẽtʼkote perecʼ tahẽkantakoa. Onko do siń ńindạ mitʼ kathageko roṛetʼ tahẽkana, “Sanam daṛeanicʼ Probhu Isor, okoe doe tahẽkan, okoe do menaege, okoe doe hijukʼkan uni doe sonot, sonot, sonotgea.”


Menkhan okoe do jaejug sonot Jiu hotete Isor ṭhen acʼtetʼge niphuṭ dãṛẽ lekateye emen uni Jisuakʼ mãyãm do aboakʼ bibekre bin joanakʼ kạmi khon arhõ bạ̃ṛtiye sapha bona, jemon jiwetʼ Isor bon sewa daṛeae.


Menkhan Isor, one okoe do dukokʼkanko jiwi raṛecʼe emakokan, uni do Titusakʼ hijukʼ hotete jiwi raṛecʼe ematʼlea.


“Probhu Isorren Jiu doe decʼ akawạdińa, ente uni do ińe ojokʼ akadińạ jemon reṅgecʼ orecʼko bhage sombat iń porcarako. Uni doe kol akadińa, bondi akanko chaḍaoko lạgitʼ, kãṛã hoṛko ńeńel reakʼ katha lại pasnao lạgitʼ, ar talga tạuạkʼ akan hoṛ khalaskate bidạkako lạgitʼ.


Onate ape do nonka leka koejoṅpe; E aleren sermare menam Baba, amakʼ ńutum sonotokʼ ma.


E sanam manwako, ape do Probhu Isor samaṅre hape akan tahenpe, ente uni do bicạr lạgitʼ acʼakʼ sonot ṭhạ̃i khone oḍok hijukʼkana.


Acʼren hoṛko lạgitʼ uni do chakʼḍaoko reakʼ bondobose dohoakada; uni do hukumte jaejug hạbicʼ acʼakʼ bondobose dohoakada. Uni doe sonotgea; uni do botor ar bhoktiye janam ocoyeda.


Onko jạtrenko do uniko sarhaoema; uni do maraṅ ar botoranicʼ Isor kanae; uni doe sonotgea.


Aleakʼ joto duk ar haronre uni do jiwi raṛecʼe emalekana, jemon uni ṭhen khonle ńamakatʼ jiwi raṛecʼakʼ do eṭakʼkoakʼ duk ar santaorele emdaṛeako.


Iń do tinre amakʼ sanam behokakʼ iń ikại tama unre am do onako behok reakʼ katha disạitem lajaokʼa ar amakʼ bemanot iạte tishõ moca do bam jhijtama. Iń Probhu Isorge noa katha doń meneda.”


Uni doe metadea, “Am do Jerusalem nagraha talate parom calakʼme ar ona talare okako bạṛicʼakʼ kạmi hoyakan ar ona iạte okoeko kũhrạuetʼkan onkoakʼ moloṅre mitʼṭecʼ cinhạ emakom.”


Menkhan ńitokʼ do ikạkaepe ar jiwi raṛecʼ emaepe, jemon dukte aloe hadosokʼ.


Ape do uni sonoticʼ ar dhoromicʼpe baṅkedete mitʼṭen khũniạhi aṛakʼape lạgitʼpe khojleda.


“ ‘Noa hukum do hohorhokoakʼ niṭakʼ lekateakʼ kana, sonotkoakʼ kathatege noa khojgokʼ do, jemon jiwetʼko doko baḍae daṛeakʼ, Coṭ utạricʼ do manwakoakʼ rajosṭiye calaoeda mente; ar jãhãegeye kusiyaekan unige rajosṭi doe danae kana ar manwa talare sanam khon nicạṛicʼge cetanreye duṛupʼede kana.’


Oka bochor Usiạ raje gocʼen un bochor iń doń ńelkeda Probhu Isor do ạḍi usul reakʼ mitʼṭecʼ siṅghạsonreye duṛupʼ akana. Ar uniyakʼ raj kicricʼ reakʼ latar secʼakʼ hĩste mundil doe perecʼ akada.


“Menkhan Isor do cetʼ sạrige dhạrtiren manwako sãoteye girobasokʼa? Sermare, se coṭ serma reakʼ sanam jaegare hõ amakʼ okulạn hoyokʼkan khan ińakʼ benaoakʼ niạ oṛakʼre amakʼ jaega do cetʼ hoyokʼtama?


Abraham do Ber-Sebare Probhu Isor, metakʼme okoe do etohopʼ ar ses bạnukʼtae uni Isore sewawadea. Ar onḍe do mitʼṭecʼ jhão dareye rohoekeda.


E Probhu Isor, jaejug hạbicʼ amgem rajokʼa.”


Tinre iń do gạr talateń calakʼa unre ińakʼ jiwi do rukhiyại tińme; amakʼ ti tiạrte ińren bạirikoakʼ edre cabaetakome, ar amakʼ jojomtite rukhiyạyińme.


Bạḍạiko sãote luṭakʼ jinis hạṭiń joṅ khon mạ̃hir monte santao ocokʼko sãote tahenge bhagea.


Probhu Isor doe dayawạnicʼ kana! Uni do sermareye tahenkana; Sion do hok reakʼ bicạr ar dhoromteye perecʼ akada.


Maharaj okae khojkan ona do ạḍitetʼ muskilgea. Debotako chaḍa ar celege maharaj ṭhen ona do bako sodor daṛeakʼa, ar manwa talare onko ma bako girobasokʼ kan.”


Apeakʼ kicricʼ do baṅ menkhan ontor oṛejtape. Aperen Probhu Isor ṭhen ruạṛ hijukʼpe, ente uni do daya ar mãyãteye perecʼgea; uni do bae edre hodokʼa, uniyakʼ daya do asambheṛgetaea ar bạṛicʼakʼko iạteye kastaokʼkana.


E manwa, okaṭakʼ bhageakʼkan ona ma coṅ udukʼ akawatʼme. Hok reakʼem kạmi, dayam dulạṛ ar amren Isor tulucʼ nindhạntem taṛam chaḍa Probhu Isor do ar cetʼhõ coṅ am ṭhen khon ma bae khojkan.


“E Sion kuṛi, ma rạskạkʼme. E Jerusalem, hulạsokʼme. Ńelme amren raj do am ṭhene daraekana; uni doe dhoromgea ar uni ṭhen do bańcao menakʼa; uni doe mạ̃hirgea, ar gadha cetanre gadha hopon cetanreye decʼ hijukʼkana.


Amakʼ asambheṛ dulạṛtem chaḍao ạguketʼkoa ar amge onko dom ạyurkoa. Apnarakʼ daṛete amakʼ sonot oṛakʼre amgem ạyur ạgukoa.


Ona tayom rimil hecʼente ńapamokʼ tạmbui dapal esetʼkeda ar sekʼwa tạmbu do Probhu Isorakʼ ṭhonokte perecʼena.


Sekʼwa tạmbu, metakʼme ńapamokʼ tạmbu do rimilte dapal esetʼena ar Probhu Isorakʼ ṭhonok perecʼ tahẽkante Mose do onḍe bae bolo daṛeada.


Tinre am dom tumbutʼ ocokʼa unrem mena, ‘ińakʼ bạḍại iạtege noa do hoyakana’ amakʼ mạ̃hir iạtege Isor do ame bańcaomea.


Okoe dhorom horteye calakʼ uniyakʼ do muhinko ḍhergere hõ onako khon Probhu Isor doe bańcaoea.


Enḍekhan dhorom reakʼ dãṛẽkom bạsutakʼa, ar jeredokʼ samaṅakʼ ar goṭa jeredokʼ samaṅakʼkote; am dom rạskạkʼa, ar amakʼ pinḍ cetanre hoṛko do sanḍ ḍaṅgrako samaṅkoa.


Probhu Isor do ińe mitạń kana, “Iń do Sapha serma reakʼ jaratʼ jaratʼ setoṅ reakʼ dãk leka, lolo dinre phosol samṭao oktere kuṛhạ reakʼ rimil leka ińakʼ tahen ṭhạ̃i khon hape hapeteń beṅgeda.”


E Probhu Isor, serma khon, amakʼ sonot ar ṭhonokanakʼ tahen oṛakʼ khon beṅgetʼkate ńelme. Amakʼ ãṭ ar daṛe kạmiko do okayentama? Amakʼ mạ̃hir ar mãyã do ale ṭhen khonem ocokʼakada.


Dela, aboakʼ mon ar ti do sermaren Isor secʼ rakapʼkate bon menma,


Swiv nou:

Piblisite


Piblisite