Jesaea 57:14 - সান্তালী বাইবেল

¹⁴ Probhu Isore mena, “Sạriạupe, sạriạupe, hor tearpe. Ińren hoṛkoakʼ hor khon mitʼke mitʼ tokʼhotʼakʼko ocokʼ giḍikakʼpe.”

Jesaea 57:14 Referans Kwoze

Jesaea 62:10

Ape do lahakʼpe, ar phaṭok duạr secʼ sen idikʼpe, ar hoṛko lạgitʼ hor sạriạupe. Apeakʼ ḍaharko benaope, ar tearpe. Joto dhiriko ocokʼ giḍikakʼpe; ar jạtrenko lạgitʼ mitʼṭecʼ nisạn rakabtape.

Jesaea 40:3

Mitʼṭecʼ ãṛaṅ doe hohokana “Hahaṅkarre Probhu Isor reakʼ hor tearkataepe; khaṅkarre aboren Isor lạgitʼ mitʼṭecʼ ḍahar mitʼsãope.

Jesaea 35:8

Onḍe do ḍahar hoyokʼa, hẽ onḍe do mitʼṭecʼ horge hoyokʼa; ona do sonotakʼ horko metakʼa. Be sapha hoṛ do ona cetante bae taṛama; ona do sonot hoṛkoakʼ horge hoyokʼa. Lelha hoṛko hõ ona horte do bako calakʼa,

Jirimiạ 18:15

Menkhan ińren hoṛ do iń hiṛińkate ạuṛiyakʼren boṅga ṭhen dhupko jeretʼeda. Onko do akoakʼ ḍaharreko tohotʼ gurakana. Ar iń sabeń lạgitʼ khạyũkʼko la akada, ona sedae reakʼ soṛok korege. Onko do bhage hor bạgikate bạṛicʼ secʼko ghańjeṛ akana.

1 Korinthiko 8:13

Onate jomakʼte ińren boehae tạkijokʼ khan, enḍekhan iń do tis hõ jel do bạń joma, jemon ińren boeha aloe tạkijokʼ.

Romiko lạgitʼ Pạul Apostolakʼ ciṭhi 14:13

Onate abo do mimitʼ hoṛakʼ dosko alo bon sabtakoma, ar nonkanakʼ alo bon kạmima one ona ńelte jãhãe boeha monreye tạkijokʼ se kạireye ńur botecʼkokʼ.

Ibriko 12:13

Apeakʼ calakʼ hor sojhetape, jemon leḍha hoṛ do ar aloe mackaokʼ, bickome boge ruạṛokʼ.

2 Korinthiko 6:3

Mạsi lạgitʼ okaṭakʼle kạmikan ona jemon alo nisṛạu ocokʼ, onate nonkanakʼko bale kạmikana one okaṭakʼte jãhãeko tạkicʼ botecʼkokʼ.

1 Korinthiko 1:23

menkhan ale do kuruslen Jisu Mạsiyakʼ kathale porcareda. Ona katha Jihudiko ṭhen do mitʼṭecʼ tạkicʼakʼ kana ar boṅgan hoṛ jạtrenko ṭhen do lelhawakʼge,

1 Korinthiko 8:9

Menkhan, sontor akan tahenpe, jemon apeakʼ noa sạdhintetʼ do nijorkoakʼ tạkicʼakʼ aloe hoyocoe.

Sereńko 68:4

Isor lạgitʼ sereńpe, ar uni õṛhẽ sereńaepe; hahaṅkar talate okoe do rãt gạḍire decʼkateye hijukʼkan uni lạgitʼ usul hor tearpe; uniyakʼ ńutum do Probhu Isor, uni samaṅre hulạsokʼpe.

Jesaea 49:11

Ińakʼ sanam buruko do horiń hoeocoya; ar ińakʼ ḍaharko do sạriạukʼa.