Jesaea 56:7 - সান্তালী বাইবেল

⁷ 7 onko do ińakʼ sonot buruteń idikoa ar ińakʼ oṛakʼre, metakʼme koejoṅ oṛakʼre onkoń rạskạ ocokoa. Ińakʼ pinḍ cetanre onkoakʼ jeredokʼ ar eṭakʼ samaṅokʼakʼ koń ataṅtakoa. Onate ińakʼ oṛakʼ do sanam jạtrenkoakʼ koejoṅ oṛakʼ mente ńumogokʼa.”

Jesaea 56:7 Referans Kwoze

Mark 11:17

Ado cetʼako jokhecʼ onko hoṛkoe metatʼkoa, “Sostorre cetʼ nonka baṅ ol akana, ‘ińakʼ oṛakʼ do sanam jạtrenko lạgitʼ koejoṅ oṛakʼ ńumogokʼa mente?’ Menkhan ape do ḍạkukoakʼ danderpe hoyoco akada!”

Malaki 1:11

Purub khon pạchim hạbicʼ sanam jạtrenko talare ińakʼ ńutum do maraṅokʼa. Iń ńutumte sanam ṭhạ̃irege dhupko jeredokʼa ar samaṅokʼ lạgitʼ sapha jinisko ạgukʼa, ente sanam jạtrenko talare ińakʼ ńutum do maraṅokʼtińạ.

Luk 19:46

Uni do beparikoe metatʼkoa, “Sonot sostorre ol menakʼa, ‘ińakʼ oṛakʼ do koejoṅ oṛakʼ hoyokʼa,’ menkhan ape do ḍạkukoakʼ danderpe hoyocoakada.”

Mathae 21:13

“Sonot sostorte Isore menakada, ‘ińakʼ oṛakʼ do koejoṅ oṛakʼ ńumogokʼa,’ menkhan ape do ḍạkukoakʼ danderpe hoyocoakada.”

Romiko lạgitʼ Pạul Apostolakʼ ciṭhi 12:1

Enḍekhan E boehako, Isorakʼ noako daya iạtege iń do asokaeteń nehõrape kana, apeakʼ hoṛmo do jiwetʼ, sonot ar Isore kusiyakʼ dãṛẽ menkate uni ṭhen samaṅtape. Ar onage apeakʼ lek reakʼ sewa do hoyokʼa.

Sereńko 2:6

Probhu Isore meneda, “Okoe rajiń ojokʼ akade uni do ińakʼ sonot buru Sionreń duṛupʼ akadea.”

Ibriko 12:22

Ape do Sion buru ar jiwetʼ Isorakʼ nagraha ṭhenpe hecʼakana. Ona nagraha do hoyokʼ kana serma reakʼ Jerusalem. Ar hajar hajar serma goḍetkoakʼ rạskạ porob ṭhenpe hecʼakana;

Sakariạ 8:3

Iń do Sionte ruạṛ hecʼkate Jerusalemreń tahena. Unre Jerusalem do ‘sạriyakʼ reakʼ nagraha’ ar phạdkoren Probhu Isorakʼ buru do ‘sonot buru’ mente ńumogokʼa.

1 Patras 2:5

ar uni ṭhenpe hecʼakante jiwetʼ dhiri leka ape hotete Isorakʼ tahen oṛakʼ do benaokʼ kana. Onate naeke lekate Isor lạgitʼpe begar ocoakana, jemon nonkan sanam jiuanakʼ dãṛẽpe samaṅ one okaṭakʼ do Jisu Mạsi hotete Isorre kusiyakʼ leka hoyokʼ.

Ibriko 13:15

Onate delabon, Mạsi hotete Isor ṭhen sarhao reakʼ samaṅokʼakʼ jaoge bon samaṅma, metakʼme Isorren hoṛ mente okoe apnarteko aṅgocetʼkan onko do akoakʼ mocate Isorko gun manao joharae ma.

1Timothi 2:8

Ińakʼ monejoṅakʼ do noage, herel hopon do sanam jaegare edre se jhogṛa baṅkate sapha monte sonot ti tulkate jemonko koejoṅ.

Exodus 28:38

Noa do Aronakʼ cạndire tahena. Ar Israelko oka jinis samaṅ lạgitʼko ạgui ona reakʼ sanam dos bojha do Aronge gogokʼ hoyokʼtaea. Probhu Isor jemon onkoe ataṅko onate Aronakʼ cạndi cetanre noa sona reakʼ pat do jao okte tahena.

Jesaea 11:9

Ińakʼ sonot buru reakʼ jãhãn jaegare okoehõ bako hạhạna, ar bako nonosṭoa, ente jalapuri cetʼleka dakʼte perecʼge tahen onkage Probhu Isorakʼ ạkilte dhạrti hõ perecʼge tahena.

Jesaea 19:19

Enhilokʼ Misor disạm talare Probhu Isor ńutumte mitʼṭecʼ pinḍ ar ona reakʼ simạnare mitʼṭecʼ tham khunṭi tahena.

Jesaea 19:21

Nonkate Probhu Isor do Misorrenko ṭhen apnartetʼe sodorokʼa ar enhilokʼ onko do Probhu Isorko aṅgocea. Onko do janwarko samaṅkoa ar phosolko samaṅa arko sewawaea ar Probhu Isor ṭhen manotakʼko purạutakoa.

Jesaea 25:6

Phạdkoren Probhu Isor do niạ buru cetanre sanam jạtren hoṛko lạgitʼ bhage bhage jomakʼ ar mare darkha rasa reakʼ mitʼṭecʼ maraṅ bhoje emokʼa; onare joto khon bhageakʼ jel ar joto khon bhageakʼ darkha rasa hõ tahena.

Jesaea 56:5

enḍekhan onkoakʼ ńutum do hopon ar hoponerako khon hõ sorosge ińakʼ oṛakʼre ar ińakʼ pạcri bhitrireń bạisạukea mitʼṭecʼ cinhạ lekate. Ar jaejugakʼ ńutumgeń emkekoa oka do baṅ maraokʼ.

Jesaea 60:7

Kedarren pal bhiḍiko do am ṭhenko hecʼ jarwakʼa, Nebayotren bheḍako do amakʼ kạmireko lagaokʼa; ińakʼ pinḍre samaṅokʼakʼ lekate iń do onakoń ataṅa, ar ińakʼ ṭhonokʼ reakʼ oṛakʼ do artetʼgeń ṭhonok ocoya.

Jesaea 60:11

Amakʼ duạrko do jao okte jhicʼge tahena, siń ar ńindạ tishõ onako do baṅ siń tahena jemon boṅgan hoṛ jạtrenkoakʼ dhon am ṭhen ạgukʼ; ar onkoren rapajko hõ onako soṅgete.

Jesaea 61:10

Iń do Probhu Isore ạḍitetʼgeń kusikʼ kana; ińakʼ jiwi do Isorreye hulạsokʼa, ente jãwãe koṛa cetʼleka bohokʼre mạ̃ṛteye abhranokʼ ar bạhu kuṛi cetʼleka acʼakʼ gohnakoteye sajokʼ onkage uni do babańcao reakʼ kicricʼe horokʼ akawạdińa ar dhorom reakʼ oyon aṅgropteye oyo akadińạ.

Jesaea 65:25

Hunḍạr ar bhiḍi hopon do mitʼtekin ạtińa, dhạcri kul do ḍaṅgra leka busupʼe joma ar dhuṛi do bińakʼ jomakʼge hoyokʼa. Onko do ińakʼ sonot burure okare hõ bako hạhạna se bako nonosṭowa.

Jirimiạ 7:11

Ińakʼ oṛakʼ do cetʼ ape ṭhen ḍạkukoakʼ dander hoyakana? Iń Probhu Isorgeń meneda, iń do noakoń ńeletʼgea.

Jeheskel 20:40

Unre disạm talare ińakʼ sonot burure, Israel reakʼ usul burure, Israelren sanam hoṛ do ińko sewawạńạ ar iń do onḍe onkoń ataṅkoa. Onḍe iń do apeakʼ joto lekanakʼ sonot samaṅokʼakʼ, dan ar bhage bhage sandeskoń ataṅtapea.

Jeheskel 47:22

Okoe bidisiạko akoren hopon ar hoponerakoante ape talareko girobasokʼ kan onko lạgitʼ ar ape lạgitʼ disạm do sompotti lekatepe hạṭińjoṅa. Onko do disạmreko janam akan Israel menteko lekhakʼa. Ape sãote onko hõ Israel gusṭiko talare sompotti lekate jumi reakʼ hạṭińko ńama.

Joel 3:17

Probhu Isore meneda, “Unrepe baḍaea daṛeakʼa, ińkangeạń aperen Probhu Isor do; ińge Sionre, ińakʼ sonot burureń girobasokʼ kana. Jerusalem do sonotokʼa; ar bidisiạko hõ onḍe do tishõ bako calakʼa.

1 Rapajko 8:41

“Ona chaḍa amren Israel hoṛko baṅkan nonkan jãhãe upriạ hoṛ amakʼ maraṅ ńutum ar amakʼ daṛeanakʼ ti reakʼ katha ańjomte amakʼ mundil lạgitʼ sạṅgiń disạm khon hecʼkate niạ mundil secʼ samaṅkateye koejoṅ,

Jesaea 57:13

Goṛo ńam lạgitʼ tinrem raga unre amem jarwa akawan boṅga murhutʼkogeko rukhiyạ mema! Hoe do onkoe oṭaṅ idikoa; ar hisitʼ hoe doe idi tapʼkoa. Menkhan okoe hoṛ iń ṭhen asraye hatao uni do disạmre ar ińakʼ sonot burure ạidạriye ńama.”

Jesaea 65:11

Menkhan ape okoe do Probhu Isorpe bạgi akawadea ar ińakʼ sonot burupe hiṛiń akatʼ, ar okoe do bhạg lạgitʼ mejpe sajaoetʼ ar likhạ lạgitʼ bubulakʼkote bạṭikope perecʼetʼ,