Jesaea 56:3 - সান্তালী বাইবেল

³ Probhu Isore dewa sewawae kan bidisiạ hoṛ do aloe menma, “Probhu Isor do khạṭige acʼren hoṛko tala khone begarińạ.” Ar mạ̃yạ̃ṛi hõ aloe menma, “Iń do mitʼṭen rohoṛ dare kạnạń,”

Jesaea 56:3 Referans Kwoze

1 Korinthiko 6:17

Menkhan Probhu Isor tulucʼ mitʼakanicʼ do uni tulucʼe mitʼ Jiugea.

Ephesiko lạgitʼ Pạul Apostolakʼ ciṭhi 2:22

Ape do uni tulucʼgepe kolom mitʼakana ar onate ape hõ mitʼ sãotepe gathao rakapʼ ocokʼkana, jemon sonot Jiu hotete Isorakʼ mundilpe hoydaṛeakʼ.

Romiko lạgitʼ Pạul Apostolakʼ ciṭhi 15:16

Sonot Jiu hotete okoe Jihudikoko bachao doho ocoakan, onko do Isor ṭhen jemon samaṅokʼakʼko hoydaṛeakʼ ona iạte uniyakʼ bhage sombat lại pasnaore naeke kạmiyiń kạmikana.

Aposkạmi 17:4

Noa katha ańjomkate adom Jihudiko doko pạtiạuente Pạul ar Silạs tạkin sãoteko mitʼena. Ona chaḍa Isor botorae aema Junạniko ar bhodro maejiuko hõ unkin sãoteko mitʼena.

Aposkạmi 10:34

Unre Patras do roroṛe ehopʼena, “Iń do ńitokʼ sạrigeń bujhạu daṛeakʼ kana, Isorakʼ mẽtʼãhã samaṅre do jotogeko somangea.

Sephaniạ 2:11

Probhu Isor do unkin ṭhen maraṅ botoranicʼgeye hoyokʼa; uni do dhạrtiren sanam debotakoe nijor ocokoa. Unre sạṅgiń disạmren sanam jạtren hoṛ do apan ạpin disạm khon uniko sewawaea.

Jirimiạ 50:5

Onko do Sionte calakʼ reakʼ horko kukʼliya ar ona secʼ akoakʼ mẽtʼãhãko samaṅtakoa. Onko do hecʼkate Probhu Isor sãote nonkan mitʼṭecʼ bondobosko bandhaoa one ona do tishõ baṅ hiṛińokʼ.

Jesaea 56:5

enḍekhan onkoakʼ ńutum do hopon ar hoponerako khon hõ sorosge ińakʼ oṛakʼre ar ińakʼ pạcri bhitrireń bạisạukea mitʼṭecʼ cinhạ lekate. Ar jaejugakʼ ńutumgeń emkekoa oka do baṅ maraokʼ.

Jesaea 39:7

Amren adom bõsko, amren hoponko, okoe dom janam akatʼko onko do Babel rajakʼ oṛakʼre mạ̃yạ̃ṛi akae tahẽkate sapʼ sosor kạmiko kạmiya.”

Jesaea 14:1

Probhu Isor do Jakobe mãyãwaea; uni do arhõ Israele bachaoea ar onkoakʼ disạmreye duṛubea. Bidisiạ hoṛko do onko sãoteko seledokʼa ar onko do Jakobakʼ bõsrenko tulucʼko midokʼa.

Numeri 18:7

Menkhan naeke lekate eken am ar amren hoponge pinḍ ar orwal bhitri reakʼ kạmipe kạmi daṛeakʼa. Naekeakʼ hudạ do dan lekateń emape kana. Liwiko chaḍa ar jãhãege ona ńapamokʼ tạmbu reakʼ ṭhạ̃iteye hijukʼ enḍekhan uni doe gocʼ ocokʼa.”

Numeri 18:4

Onko do kạmireko goṛowama; ar ńapamokʼ tạmbu ńel jut reakʼ bhar, metakʼme tạmbu reakʼ sanam lekan kạmi reakʼ bhar do onko cetanre tahena. Menkhan Liwiko chaḍa ar okoehõ ape ṭhen do bako hecʼdaṛeakʼa.

1 Patras 1:1

Isorren bachao akan okoeko hoṛ do Pontus, Galatiạ, Kapadokiạ, Asiạ ar Bithuniạ Prodesre chirchạtur akan upriạ hoṛ lekako girạbasokʼ kan, onko ṭhen iń Jisu Mạsiren apostol Patras do noa ciṭhiń oleda.

Aposkạmi 18:7

Inạ tayom Pạul do sunạgogre bạgikate Titus Jusṭu ńutuman mitʼṭen hoṛakʼ oṛakʼteye boloyena. Uni hoṛakʼ oṛakʼ do sunạgog sorrege tahẽkana ar boṅgan hoṛ jạtrene tahẽkanre hõ uni do Isore sewawaekan tahẽkana.

Ephesiko lạgitʼ Pạul Apostolakʼ ciṭhi 2:12

Disạipe, lahate ape do Mạsi khon begargepe tahẽkana; jạtrenko lekate Israelkoakʼ oka ạidạri menakʼ ona ạidạri khon bahrerepe tahẽkana; Isor do Israel jạtrenko lạgitʼ okae gokʼ dohoakatʼ tahẽkan ona sãote apeakʼ jãhãn bondobos baṅ tahẽkana; ar noa dhạrtire ape do Isor chaḍagepe tahẽkana.

2 Bõsbudạ 6:32

“Ona chaḍa amren Israel hoṛko baṅkan nonkan jãhãe bidisiạ hoṛko amakʼ maraṅ ńutum ar amakʼ daṛeanakʼ ti reakʼ katha ańjomkate sạṅgiń disạm khon hecʼkate niạ koejoṅ oṛakʼ secʼ ạcurkateko koejoṅ,

Jesaea 56:6

Ona chaḍa okoe bidisiạko do iń sewawạń lạgitʼ ar iń dulạṛiń ar ińren golamko hoyokʼ lạgitʼ apnartetʼ iń ṭhenko emokʼ ar okoe do Jerusalem bako besonot bickom onako manao ar ińakʼ bondobos kajakteko sapʼ dohoy,

Levitikus 25:45

Ar ape talareko girobasokʼkan eṭakʼ jạtrenko khon ar ape bõsren okoe do ape disạmreko janam akan onko khon hõ ape lạgitʼ guti kạ̃ṛmĩpe hatao daṛeakoa.

Dosar Biboron 23:9

“Bạiriko upạrte lạṛhại senkate ḍera benao tayom sanam lekan besaphawakʼko khon pharak akaepe tahena.