Jesaea 56:11 - সান্তালী বাইবেল

¹¹ Onko do lebṛa seta lekanako, onko do bikʼ bako baḍaea. Onko do bebuj gukʼpiko lekanako; jotokoge apan ạpin horteko ruạṛ calao akana ar apnarakʼ lab reakʼko kurumuṭu kana.

Jesaea 56:11 Referans Kwoze

Mikạ 3:11

Onḍenko mukhiyạ do ghus jomkateko bicạra, ar naekeko do ṭakate cecetʼakʼko emokʼa ar nạbiko hõ ṭaka hataokateko nạbiya. Ar Probhu Isorakʼ gokʼṛo reakʼ as dohokateko mena, “Probhu Isor do cetʼ abo talare bạnuiya? Abo cetanre jãhãn muhin do baṅ hijukʼa.”

Jeheskel 13:19

Mitʼ bar cuputʼ jao ar mitʼ bar goṭecʼ piṭhạ lạgitʼ ape do ińren hoṛko samaṅre ińpe besonot akadińạ. Ińren hoṛko, okoe do eṛe kathako ańjometʼ, onko ṭhen eṛe katha roṛkate okoe do gujukʼ lekko baṅkan onkope gocʼ ocoakatʼkoa ar okoe jiwetʼ tahen lekko baṅkan onko do jiwetʼpe doho akatʼkoa.

Johan sodor 22:15

Setako lekan bạṛicʼ hoṛko, jạdu udukʼ baṛakanko, loṭghoṭiko, khũniạhiko, murhutʼ sewako, eṛeakʼ dulạṛko ar eṛeakʼ kạmikanko, onko sanamkoge bahrereko tahena.

Titus lạgitʼ Pạul Apostolakʼ ciṭhi 1:7

Isor ṭhen khon dạyike ńamakatʼ manḍer ạyuricʼ lekate nonka hoyokʼ jạruṛtaea jemon uni do okoe hõ aloko neṅghaoe. Uni do ḍhiṭanicʼ do alo, edre godokʼicʼ hõ alo, ńũ bulokʼicʼ hõ alo, dalalicʼ hõ alo, lalocikʼ hõ aloe hoyokʼma.

Johan 8:43

Cetʼ iạte ińakʼ kathako bape bujhạueda? Ente ape do ińakʼ roṛ bape sahao daṛeakʼ kana.

Jesaea 57:17

Onkoakʼ lob laloc reakʼ ghạṭ iạteń edre sạngińlena, ar onkoń sạjạiletʼkoa ar edre iạteń dea giḍiletʼkoa; enhõ onko do akoakʼ kusi leka calakʼko ehopʼena.

Jesaea 1:3

Ḍaṅgra do acʼren kisạ̃ṛe oromedea, gadha hõ acʼren mạlikakʼ nandware oromeda, menkhan Israel do acʼren mạlik bae baḍaeyede kana, ar ińren hoṛ hõ iń do bako bujhạu edeńkana.”

Jihudạwakʼ ciṭhi 1:16

Noko hoṛ do jaogeko karacʼ kurujokʼa, ar akoakʼ bhạgko dusiya ar ontor reakʼ bạṛicʼ sana lekako calakʼa. Onko do akoteko sarhaokʼa ar lab joṅ lạgitʼ hoṛko heṛemakoa.

Jihudạwakʼ ciṭhi 1:11

Hae onko hoṛ do! Onko do Kạin reakʼ horteko calao akana, ar lab lạgitʼ Biliamakʼ bulạureko khadle akana ar Koraho reakʼ ṭhokteko nosṭoyena.

2 Patras 2:3

Lalocte eṛeteakʼ katha menkate akoakʼ porho lạgitʼ onko do kạmireko lagaopea. Onkoakʼ sạjại do ḍher din khonge jhulạu akana, ar onkoakʼ nosṭokʼ do bae duṛupʼ thirakana.

1 Patras 5:2

Ape talare menakʼ Isorakʼ palren gupiko hoyokʼpe. Ńel todarotkope hoyokʼkante onkope ńelkoa ona do baṅ, bickom apnarakʼ monejoṅ lekatege gupikope, ente Isor do ape ṭhen onageye khojkana. Porho ńam lạgitʼ do alope kạmiya, menkhan gagoj monte kạmipe;

Titus lạgitʼ Pạul Apostolakʼ ciṭhi 1:11

Noko hoṛkoakʼ moca do tubetʼkatako jạruṛa, ente labjoṅ lạgitʼ baṅ ganokʼakʼko cetʼako kana; ar nonkate onko do gharońjkoko ạulạueda.

1Timothi 3:8

Onkage sapʼdapʼko hõ manot ocokʼ lek jemonko hoyokʼ ar bar mocawanko leka do alo. Onko do ńũ bulokʼko hõ jemon aloko hoyokʼma, ar laloc secʼ hõ alo jemonko ạwilokʼ.

1Timothi 3:3

Uni do ńũ bulokʼicʼ ar dadalicʼ aloe hoyokʼma, jhogṛayicʼ ar ṭaka-poesa lalocicʼ hõ alo, bickom mạ̃hiranicʼe hoyokʼma.

Philipiko lạgitʼ Pạul apostolakʼ ciṭhi 3:19

Onkoakʼ mucạtʼtetʼ do nosṭokʼge; lacʼgetako Isor do; ar oka do lajao paṛawakʼkan onatege onko doko sarhaokʼ kana; onko do eken dhạrti reakʼakʼgeko moneyakʼ kana.

2 Korinthiko 4:4

Bin pạtiạukʼ hoṛkoakʼ mon niạ jugren Deb doe kãṛã akatʼtakoa jemon onko do bhage sombat reakʼ marsal aloko ńelńam. Noa bhage sombatre do Mạsiyakʼ ṭhonok bamberokʼ kana, ar nui Mạsi kangeae Isorakʼ muṭhạn reakʼ sodorokʼtetʼ.

Aposkạmi 20:33

Jãhãekoakʼ sona, rupạ se kicricʼ khạnḍwạkʼ cetanre iń do bạń laloc akana.

Aposkạmi 20:29

Ińiń baḍaea je, iń sen tayom hoṛko do hunḍạr leka ape talareko hijukʼa ar palren bhiḍikoko loksankoa.

Malaki 1:10

“Hae! Ape modre mitʼ hoṛ hõ mundil oṛakʼ reakʼ duạre sińlere ar ińakʼ pinḍ cetanre ạuṛiyakʼ reakʼ seṅgel bape jeretʼ lekhan iń do ạḍiń kusikokʼa. Ape cetanre iń doń khĩs akana ar samaṅokʼakʼ reakʼ jinisko hõ apeakʼ tite bạń ataṅa.

Jirimiạ 22:17

Menkhan amakʼ mẽtʼ ar mon do eken behokakʼ hameṭjoṅ, miridoskoakʼ mãyãm ar santao ar julum reakʼge menakʼa.”

Sosolhayic̕ 5:10

Okoe hoṛ ṭaka poesae dulạṛetʼkan uni do ṭaka poesate tisge bae bikʼa. Okoe hoṛ dhon duribe dulạṛetʼkan uni do acʼakʼ arjaoakʼte tisge bae tirpitokʼa. Noa hõ ạuṛiyakʼgea.

1 Samuel 2:29

Enḍekhan ińakʼ oṛakʼre okako samaṅokʼ reakʼ hukumiń emakatʼ ape do cedakʼ ona janwar dãṛẽ ar eṭakʼ samaṅokʼakʼkope bemanoteda? Ińren hoṛ Israelkoakʼ samaṅokʼakʼko reakʼ joto khon bhageakʼ hạṭińte apnartetʼko jom tirpitokʼkante cedakʼ am do iń khon hõ amren hoponkin bạ̃ṛtim manotetʼkinạ?’

Exodus 23:3

Jãhãe reṅgecʼ hoṛakʼ bicạrre uniye reṅgecʼgete mamblare alom uni sejokʼa.

Philipiko lạgitʼ Pạul apostolakʼ ciṭhi 3:2

Onko setako khon, metakʼme okoe bạṛicʼakʼko kạmikan ar khatna ocokʼ lạgitʼko ãṭokʼkan onko khon sontorokʼpe!

Jesaea 28:7

Menkhan Ephrayimren naekeko ar nạbiko do ńitokʼ darkha rasa ńũkateko bul akana arko guṛdạu baṛaekana; onko do kiḍạkaḍe akan tahenrege dorsonko ńela ar inạ dosarege rayko ema.

Jirimiạ 6:13

“Huḍińko khon hapṛakʼko hạbicʼ sanamkoge labko monejoṅ kana, nạbi ar naekeko hõ eṛeyakʼko kạmikana.

Jirimiạ 8:10

Ona iạte akoren bạhuko do eṭakʼ hoṛko ar onkoakʼ khet baṛge do nãwã mạlik koń emakoa. Huḍiń utạricʼ khon maran utạricʼ hạbicʼ jotoge lab lạgitʼko lalocakʼ kana; nạbiko ar naekeko jotoge eṛeyakʼko kạmikana.

Hosea 4:8

Ińren hoṛkoakʼ kại gunạkʼte onkoakʼ do lab hoyokʼ kana ar ińren hoṛko kại lạgitʼko udgạuetʼkoa.

Numeri 22:7

Unre bhạg ńel ocoy lạgitʼ Moab ar Midiạnren mukhiyạko do ṭaka-poesa soṅgekateko mohnḍayena. Ar Balak okae metatʼko tahẽkan onkage senkate Biliamko metadea.

Bikʼcạrko 18:20

Niạ katha ańjomkate uni naeke doe kusiyena. Uni do acʼtege ona ephod, deb muṭhạnko ar goṛhon muṭhạnkoante onko hoṛ sãoteye oḍok calaoena.