Jesaea 55:8 - সান্তালী বাইবেল

⁸ Probhu Isore meneda, “Ińakʼ hudis joṅakʼko do apeakʼ hudisakʼko leka do baṅ kana; ar ińakʼ hor hõ apeakʼ horko leka do baṅkana.

Jesaea 55:8 Referans Kwoze

Sereńko 92:5

E Probhu Isor, amakʼ kạmiko do ạḍi bhagegea ar amakʼ hudisko hõ ạḍi khạndrigea!

Sereńko 40:5

E ińren Probhu Isor, ḍhergetama amakʼ hahaṛa kạmiko do! Ale lạgitʼ okaṭakʼem goṭa akatʼ! Onań roṛ sodorlere, ariń lạilere ona do tishõ baṅ mucạdokʼa. Ar am leka do okoe menaea?

Hosea 14:9

Ạkilan doe okoekana? Uni do noako reaṅe baḍaema. Probhu Isorakʼ hor do dhorom reakʼ hor kana; dhorom hoṛ do ona hortegeko taṛama, menkhan bedhoromicʼ doe tohotʼ gurokʼa.

Jeheskel 18:29

Enhõ apepe menetʼ kana, ‘Probhu Isorakʼ hor ṭhikakʼ do baṅkana.’ E Israelko, ińakʼ do cetʼ behok reakʼ hor kana? Behok reakʼ hor do apeakʼ kangea.

Sereńko 25:10

Probhu Isorakʼ bondobos ar ạn lekate okoeko calakʼkan, onko ṭhen uniyakʼ sanam hor do asambheṛ dulạṛ ar pạtiạrte perecʼgea.

Daniel 4:37

Ńitokʼ iń Nebukadnesar do uni sermaren raj sarhao, manot ar ṭhonokiń emaekana, ente uni okaṭakʼe cekae ona do ṭhikakʼgeye onkayeda, ar uniyakʼ jotowakʼ horge dhoromte perecʼgetaea. Ar okoe bạḍạiteko perecʼge uni do onkoe copotʼkoa.

Jesaea 53:6

Abo sanamkoge bhiḍiko leka bon asokʼ ṭayokʼlena; abo mimitʼko do apan ạpin horte bon mohnḍalena. menkhan Probhu Isor do aboakʼ sanam ghạṭko acʼreye ladeyana.

Kạhtukko 21:8

Ghạṭte perecʼ hoṛakʼ jion do khiṛjạṅ khoṛjoṅ, menkhan khạṭi hoṛ do dhoromteye kạmiya.

Kạhtukko 25:3

Serma cetʼleka usul ar ot cetʼleka khạndrige, onkage rapajkoakʼ mon hõ baṅ ḍunḍhạukʼa.

2 Samuel 7:19

E Probhu Isor am samaṅre noage ḍher do baṅ hoyakana; inạ sãote amren gutiyakʼ bõsrenkoakʼ tayom daram katha hõm lạiyeda. E Probhu Isor, niạge jemon manwa lạgitʼ amakʼ bondobos hoyokʼ.

Jirimiạ 3:1

Probhu Isore meneda, “Jãhãe hoṛ acʼren bạhui bạgiye ar uni maejiu do uni ṭhen khon senkate eṭakʼ hoṛ tulucʼe baplakʼ, enḍekhan uni herel hoṛ do cetʼ arhõ uni maejiu ṭhene ruạṛ calakʼa? Uniye ruạṛ calaolen khan ona disạm do cetʼ baṅ bhonḍokʼa. Menkhan am do ḍherko sãote tahẽkate kusumbiko lekam laṭghaṭ akada; ar ńit do cekate arhõ iń ṭhenem ruạṛ hijukʼa?

Sereńko 33:11

Menkhan Probhu Isorakʼ goṭawakʼ do jaejug hạbicʼ tahena; uniyakʼ mon do jug cetan juge tahentaea.

Jesaea 14:24

Phạdkoren Probhu Isor do kiriạkateye meneda, “Sạrige, iń oka lekań ṭhik dohoakatʼ onkage hoyokʼa, ona do teṅgo tahena.

Jesaea 58:13

“Jirạukʼ mãhãpe manao ar ińakʼ sonot dinre apnar tirpitokʼ lạgitʼ bape kạmi; menkhan jirạukʼ mãhã do hạ̃sakʼ ar Probhu Isorakʼ din do manotanakʼ mentepe bujhạu, ar apnar kusileka sen baṅkate ona dinpe sonot ar apeakʼ kusileka bape kạmi se bạṛicʼ kathako bape roṛ,

Jesaea 65:2

Keṭecʼ hoṭokʼan hoṛko secʼ siń sạṭupʼ ińakʼ tiyiń tiyạr akatʼtińạ. Onko do apnarakʼ bundisko pańjayetʼte bạṛicʼ horteko calakʼkana.

Jesaea 66:18

Iń do onkoakʼ kạmi reakʼ sanam hudis bundiskoń baḍaegea. Sanam jạtrenko ar pạrsirenko do mitʼ ṭhen jarwako reakʼ okte do seṭer akana. Onko do hecʼkate ińakʼ mạhimako ńela.”

1 Samuel 16:7

Menkhan Probhu Isor do Sạmuele metadea, “Uniyakʼ rup se tinạkʼe usula ona do alom ńela, ente uni doń nihạ̃t akadea. Manwa okaṭakʼe ńel onate do jãhãnakʼ do baṅ cekakʼa, ente manwa do bahre rupko ńela menkhan Probhu Isor do ontorgeye ńeleda.”

2 Rapajko 5:11

Menkhan Naman do ạḍiye raṅgaoente onḍe khone calaoena are menkeda, “Iń doń hudisleda khạṭige uni do iń ṭhene oḍokʼ hijukʼa ar teṅgokate acʼren Probhu Isore hohoaea ar murhucʼ jom rog cetanre acʼakʼ tiye dohoytaea ar ińakʼ roge bogeytińạ.

Jobakʼ 35:5

Serma secʼ beṅgedpe ar; ńelpe, rimil do tinạkʼ coṭre menakʼa mente.