Jesaea 55:7 - সান্তালী বাইবেল

⁷ Bedhorom hoṛ do acʼakʼ hore bạgiyakʼma ar dusṭạmi hoṛ do acʼakʼ sanam hudisakʼkoe bạgiyakʼma. Uni do Probhu Isor secʼe ạcur ruạṛokʼma, inạkhan uni cetanre Probhu Isor doe mãyãkʼa; aboren Isor secʼgeye ruạṛ ma, ente uni do asambheṛe ikạitaea.

Jesaea 55:7 Referans Kwoze

Kạhtukko 28:13

Okoe hoṛ acʼakʼ kạiye danaṅkakʼ uni do bae jo baha daṛeakʼa, menkhan okoe onae aṅgoc are bạgiyakʼ uni do dayae ńama.

Luk 15:10

Ińiń metapekana, mitʼṭen kại hoṛ mone ạcurle khan Isorren goḍetko talare hõ onkage rạskạ hoyokʼa.”

Jesaea 44:22

Amakʼ ghạṭko do rimil lekań oṭaṅ giḍikakʼa ar amakʼ sanam kạiko do setakʼ reakʼ kuṛhạ lekań sạṅgiń akada. Iń ṭhen ruạṛ hijukʼme, ente ińge am doń chaḍao akatʼmea.”

Jona 3:10

Ar Isor do onkoakʼ kạmikoe ńelketʼtakoa, cetʼleka onko do akoakʼ bạṛicʼ hor khonko ạcurena, ar Isor do ona bạṛicʼ ńutumteye kastaoena one oka onko cetanre kạmi lạgitʼe roṛletʼ ona do ar bae onkaleda.

Jesaea 43:25

“Ińge amakʼ ghạṭkoń meṭao akada; iń do amakʼ kạiko bạń disạ dohoytama.

2 Bõsbudạ 7:14

unre ińren hoṛko, okoe do ińren hoṛ menteko hoho ocokʼkan onko do mạ̃hir seletʼko koejoṅ se ińakʼ dayako khoj ar bạṛicʼ hor khonko ruạṛ, enḍekhan serma khon onań ańjomtakote onkoakʼ kạikoń ikạ katakoa ar lahate leka onkoakʼ disạm iń teṅgo ruạṛakoa.

Aposkạmi 3:19

Onate kại khon mon ạcurtape ar Isor secʼ ruạṛokʼpe jemon apeakʼ kạiko meṭaokʼtape;

Jirimiạ 4:14

E Jerusalem, amakʼ ontor reakʼ bạṛicʼakʼko ạrupʼ saphaeme jemon bańcaoem ńam. Ar mon reakʼ bạṛicʼ hudisko hõ ar tinạkʼ dinem dohokakʼa?

Jeheskel 33:11

Am do onkom metakoa, iń Probhu Isorge, iń ńutumte kiriạkateń meneda, bạṛicʼ hoṛkoakʼ gujukʼte jãhãn rạskạ do bạń ńameda, bickom bạṛicʼ hor khon ruạṛkate jemonko bańcaokʼ onate iń doń rạskạkʼa. E Israel jạtrenko, dela ruạṛpe, apeakʼ bạṛicʼ hor khon ruạṛ hijukʼpe. Ente cedakʼpe gujukʼa?

Mathae 9:13

Iń do mãyãgeń kusiyakʼ kana, dãṛẽ do baṅ, sonot sostorre noa katha reakʼ mane cetʼkana mente ona baṛe ḍunḍhạukate ńelpe. Ente dhorom hoṛ hohoako lạgitʼ do baṅ, menkhan kại hoṛko lạgitʼgeń hecʼakana.”

Sereńko 66:18

Ińakʼ ontorre bedhoromiń dohokakʼ khan Probhu do ińakʼ katha ohoe ańjomlea.

Aposkạmi 26:20

Damesekre okoe menakʼko pạhilre onko ṭhen, ar ona tayom do Jerusalemrenko ar goṭa Jihudirenko ar boṅgan hoṛ jạtrenko ṭhen hõń porcar akada je, onko do kại khon mon ạcurkate Isor secʼ ruạṛokʼ lek takoa, ar nonkan kạmi lek takoa one okaṭakʼte sạbudokʼ baṅma onko do monko ạcur akada mente.

Luk 15:24

ente nui ińren hopon do gocʼgeye tahẽkana menkhan arhõe jiwetʼ beretʼakana; atʼgeye tahẽkana are ńam ruạṛakana.’ Ona tayom onko do hesecʼ sekrejokʼko ehopʼena.

Luk 7:47

Onateń metam kana, ḍher dulạṛe udukʼketʼte uni doe bujhạu ocoyeda je, uniyakʼ kạiko ḍhergetare hõ ona do ikạ akantaea. Ar okoeyakʼ thoṛa ikạ akantae uni do thoṛage dulạṛe uduga.”

Mark 7:23

Noako sanam bạṛicʼakʼ do manwa bhitri khonge oḍokʼ hijukʼ kana ar noatege manwa doe bhonḍokʼa.”

Jesaea 54:10

Ente buruko do sahaṛokʼa ar ḍuṅgriko do ocogokʼa, menkhan ińakʼ asambheṛ daya do am khon tishõ baṅ sahaṛokʼa ar ińakʼ suluk reakʼ bondobos hõ baṅge ocogokʼa.” Am cetanre okoeyakʼ mãyã menakʼtae uni Probhu Isorge noa katha doe meneda.

Jesaea 40:2

Jerusalemren hoṛko sãote mạ̃hir salakʼ katha roṛpe, ar onko ṭhen niạ katha lại sodorpe, onkoakʼ duk ar kosṭo do caba akana, onkoakʼ ghạṭko do ikạ akantakoa, onkoakʼ sanam kạiko reakʼ jo do Probhu Isor ṭhen khon purạgeko ńamakada.”

Mark 7:21

ente manwa bhitri khon, metakʼme ontor khonge joto lekan bạṛicʼ hudis, laṭghaṭ, kombṛo, khũn,

Sereńko 130:7

E Israel, Probhu Isorre as dohojoṅme, ente Probhu Isor ṭhen do asambheṛ dulạṛ menakʼa, ar chaḍao reakʼ hõ ḍher ektiạri menakʼtaea.

Sereńko 51:1

E Isor, amakʼ asambheṛ dulạṛ iạte ińre dayakʼme; amakʼ asambheṛ mãyãte ińakʼ sanam dusṭạmiko ikạ kạtińme.

Jakob 1:15

Ona tayom bạṛicʼ sana purạulen khan kạiye janama, ar kại perecʼlen khan gujukʼe janam ocoya.

Jesaea 32:7

Bodmaskoakʼ kạmi do bạṛicʼgetakoa; nacarkoakʼ nehõr hok reakʼ kanrehõ onko do eṛe kathate maraoko lạgitʼ bạṛicʼakʼ phundiko aṭaoa.

Genesis 6:5

Probhu Isor do dhạrtiren manwakoakʼ dusṭạmi ḍher idikʼkantako, ar ontor reakʼ hudis bundisko bạṛicʼgetako onakoe ńelkeda.

Sakariạ 8:17

ar okoe upạrte hõ bạṛicʼakʼ do alope phundiya ar eṛe goha hõ alope ema. Iń Probhu Isor do noakoń hirkhạwakʼ kana.

Jirimiạ 3:3

Ona iạte achaṛ dakʼko akoṭokʼ kana ar niron din reakʼ dakʼ hõ baṅ hijukʼkana. Am do kusumbi ạimại lekagem ńelokʼkana; ar lajao hõ bam lajaokʼ kana.

Jesaea 59:7

Onkoakʼ jaṅga do kại secʼge ńir calakʼtakoa; onko do bindusạnkoakʼ mãyãm joro ocoytako lạgitʼko usạrayeda. Onkoakʼ joto hudiskoge bạricʼgetakoa; onkoakʼ horre do jarkhar ar harkhetge menakʼa.

Jesaea 1:19

Ape do tabe akan tahenpe aṅgocetʼ khan enḍekhan disạm reakʼ joto khon bhage phosolpe joma,

Jesaea 14:1

Probhu Isor do Jakobe mãyãwaea; uni do arhõ Israele bachaoea ar onkoakʼ disạmreye duṛubea. Bidisiạ hoṛko do onko sãoteko seledokʼa ar onko do Jakobakʼ bõsrenko tulucʼko midokʼa.

Jesaea 31:6

E Israelrenko, okoe upạrte nunạkʼpe hulletʼkan uni ṭhen ruạṛ hijukʼpe,

Jesaea 54:8

Raṅgao capeyạdiń tahẽkante am cetan khon mẽtʼãhãń danaṅletʼtińạ, menkhan jaejug reakʼ dulạṛte amiń mãyãwama. Iń amren chakʼḍaoicʼ Probhu Isorge noa katha doń roṛeda.

Jesaea 58:6

“Iń do nonkan upạsgeń khojkana; ape do apeakʼ bedhorom reakʼ sikṛi ar arãṛ reakʼ baber raṛaetape, jorjulumko chaḍaokope ar mitʼke mitʼ arãṛ rạputʼ giḍikakʼpe,

Jeheskel 14:6

“Ona iạte am do onkom metakoa, Probhu Isore menetʼ kana, ‘mon ạcurtape. Aperen boṅga muṭhạnko khon ruạṛokʼpe ar hirkhạwakʼ kạmiko bạgiype.

Daniel 4:27

Onate E maharaj, am do ińakʼ solha ańjomme. Am do bhageakʼ kạmime ar reṅgecʼ-orecʼko dayawakome ar amakʼ behokakʼ ar kại reakʼ kạmiko do bạgime; pasere pase amakʼ nirại dinko do jhạl idikʼtamge.”

2 Bõsbudạ 15:2

Unre Asariạ do Asa tulucʼ ńapamokʼ lạgitʼe oḍok senenteye menkeda, “E Asa, E Jihudạ ar Benjạminren sanam hoṛko, ińakʼ katha ańjompe. Ape tinạkʼ din Probhu samaṅrepe tahen unạkʼ din uni hõ ape sãoteye tahẽna. Uniyakʼ monejoṅakʼ baḍaeteakʼ menakʼtape khan ona dope daṛeakʼa, menkhan unipe bạgiyae enḍekhan uni hõ apeye bạgi giḍipea.

2 Bõsbudạ 15:4

Menkhan duk reakʼ dinre onko do Israelren Probhu Isor secʼko ạcurente uniyakʼ monejoṅakʼ baḍaeko khojkeda arko baḍaekeda.

2 Bõsbudạ 30:6

Rajakʼ hukumte raj ar uniren gutiko ṭhen khon ciṭhi hataokate hoṛko do Israel ar Jihudạ reakʼ sanam jaegakote senkate niạko lại sodorkeda, “E Israelko, ape do Abraham, Isahak ar Israelren Probhu Isor ṭhen ruạṛ hijukʼpe, onate okoe do Ạsur rajakʼ ti khonko rukhiyạlen onko ṭhen, metakʼme ape ṭhen uni hõe ruạṛ hijukʼa.

2 Bõsbudạ 33:13

Uniyakʼ koejoṅ ańjomte Probhu Isor do daya hecʼadea ar uniyakʼ nehõr joṅakʼe ańjomketʼtaete Jerusalem ar uniyakʼ rajosṭiye ruạṛ ạguketʼtaea. Unre Manase doe bujhạukeda, Probhu kangeae Isor do.

Jobakʼ 22:23

Sanam daṛeanicʼ ṭhenem ruạṛ hecʼlen khan, tobe do lahate lekam pheraokʼa. Amakʼ tạmbu khon bạṛicʼakʼkom sạṅgiń giḍile khan,

Sereńko 130:4

Menkhan am ṭhen do ikạ menakʼa, jemon hoṛko botoram.

Jesaea 21:12

Hohorhoyicʼ doe roṛ ruạṛkeda, “Setakʼ hijukʼ kana, menkhan ona tayom ńindạ hõ darae kana. Arhõ kulijoṅpe menetʼ khan ruạṛ hecʼkate arhõ kuliyińpe.”

Jirimiạ 3:14

‘Iń Probhu Isor do arhoń meneda, ‘E bạṛicʼ horte sen akan hoṛko, dela ruạṛ hijukʼpe, ente iń kangeạń aperen jãwãe do. Iń do ape tala reakʼ mimitʼ nagraha khon mitʼ hoṛ ar mimitʼ bõsrenko khon babar hoṛ bachaokate Sionteń ạgupea.

Rak̕joṅ 3:40

Dela, abo do jion reakʼ hor bon biḍạu aṭkarma ar Probhu Isor ṭhen bon ruạṛ hijukʼma.