Jesaea 55:3 - সান্তালী বাইবেল

³ Ińakʼ katha luturakʼpe, ar iń ṭhen hijukʼpe; jemon ińakʼ katha ańjomkate jiwetʼpe tahen. Iń do pạtiạrte perecʼ dulạṛ iạte Dạud ṭhen okań gokʼletʼ ona lekage ape lạgitʼ mitʼṭecʼ jaejugakʼ bondobos iń bandhaoa.

Jesaea 55:3 Referans Kwoze

Jirimiạ 32:40

Onko lạgitʼ iń do noa jaejug bondobosiń dohoya ar onko lạgitʼ bhạlại do tisge bạń bonda. Iń do onkoakʼ monre botoriń rakapʼ ocoytakoa jemon iń khon tishõ aloko ruạṛ calakʼ.

Mathae 11:28

“Ape okoe do laṅga ar bojhatepe ten akan, dela iń ṭhen hijukʼpe, ińgeń jirạu ocopea.

Kạhtukko 4:20

E bạbu, iń okań metamkan ona moneyakʼme, ar ińakʼ katha luturakʼtiń me.

Johan 10:27

Ińren bhiḍiko do ińakʼ aṛaṅko ańjomeda. Ar iń doń baḍae oromakatʼkoa ar onko do ińko pańjayediń kana.

Aposkạmi 13:34

Isor do gocʼko khon uniye jiwetʼ akadea ar uniyakʼ hoṛmo do tishõ baṅ nosṭokʼtaea, ona kathakore Isore menakada, ‘Sonot ar sạriyakʼ bhor reakʼ Dạud ṭhen okań kiriyạlen, ona do amiń emama.’

Genesis 17:7

Noa bondobos do eken am ar iń talare tahena ona do baṅ; ona do amren hoponko ar ińre piṛhike piṛhi hạbicʼ calakʼa. Noa do hoyokʼa jaejug reakʼ bondobosge. Niạ bondobos do amakʼ ar am tayom bõsren hoṛkoren hõ Isoriń hoyena.

Johan 6:37

Baba okoekoe emawạń onko jotoge iń ṭhenko hijukʼa. Okoe iń ṭhene hijukʼ uni do oka lekate hõ ohoń oḍok giḍilea,

Jesaea 61:8

Probhu Isore meneda, “Iń do hok reakʼ bicạrgeń kusiyakʼa ar luṭakʼ ar behokakʼ doń kurudakʼ kana. Ińakʼ pạtiạrtetʼre kuṛạiyiń emakoa ar jaejug lạgitʼ mitʼṭecʼ bondobosiń bandhaoa.

Sereńko 78:1

E iń jạtren hoṛko, ińakʼ binti ańjomtińpe; ar ińakʼ moca reakʼ kathako luturakʼpe.

Jesaea 54:8

Raṅgao capeyạdiń tahẽkante am cetan khon mẽtʼãhãń danaṅletʼtińạ, menkhan jaejug reakʼ dulạṛte amiń mãyãwama. Iń amren chakʼḍaoicʼ Probhu Isorge noa katha doń roṛeda.

Levitikus 18:5

Ińakʼ niạm ar ạn-ạriko manao hoyokʼtapea, ente okoeye manaoa uni do ona hotetege jiwetʼe tahena. Iń kangeạń Probhu Isor do.

Ibriko 13:20

Oka mãyãmte sulukren Isorakʼ jaejug bondobos doho akan ona hotete Isor do aboren Probhu Jisu Mạsi, metakʼme bhiḍikoren maraṅ gupiyicʼ do gocʼko khone jiwetʼ beretʼkedea.

Johan 8:47

Okoe hoṛ doe Isorren kan, uni do Isorakʼ kathageye ańjoma. Ape dope baṅkante Isorakʼ katha bape ańjomeda.”

Mathae 17:5

Ado Patras kathae roroṛkan tahẽkanrege mitʼṭecʼ jhalkaokʼkan rimil do onkoe umul esetʼketʼkoa. Ar ona rimil khon mitʼṭen aṛaṅ ańjomena, “Nuige ińren dulạṛiạ Hopon, iń do unireń kusi akana. Ape do uniyakʼ ańjomtaepe.”

Jirimiạ 50:5

Onko do Sionte calakʼ reakʼ horko kukʼliya ar ona secʼ akoakʼ mẽtʼãhãko samaṅtakoa. Onko do hecʼkate Probhu Isor sãote nonkan mitʼṭecʼ bondobosko bandhaoa one ona do tishõ baṅ hiṛińokʼ.

Jirimiạ 33:26

enḍekhan Jakob ar ińren guti Dạud bõsrenko hõń nihạ̃t giḍikakoa ar Abraham, Isạhak ar Jakobakʼ bõsrenko cetanre rajokʼ lạgitʼ Dạud bõsrenko khon mitʼ hoṛ hõ bạń bachaojoṅa. Iń do khạṭige onkoakʼ bhage dosań ruạṛkatakoa ariń mãyãwakoa.”

Jirimiạ 30:9

Ona bodolte onko do akoren Probhu Isor ar akoren raj Dạudren mitʼṭen hoponko sapʼsoraea one iń do onkoren rajiń hoeocoye.

Sereńko 119:112

Jao ghuṛi, hẽ mucạtʼ hạbicʼge iń do amakʼ ạnko pańjae lạgitʼ ińakʼ ontoriń lawer akatʼtińa.

Sereńko 89:28

Jaejug hạbicʼ uni lạgitʼ ińakʼ dulạṛ do tahena; uni lạgitʼge ińakʼ bondobos do ṭikạu tahena.

2 Samuel 23:5

Isor ṭhen ińakʼ bõs do cetʼ onka do baṅkana? Iń iạte uni do mitʼṭecʼ jaejugakʼ bondobose dohoakada. Ona bondobos reakʼ sanamakʼko ṭhik leka sajao are khạṭi dohoakada. Ińakʼ bańcao doe jo baha ocoya, ar ińakʼ monsubạ doe puruntińạ.

Mathae 13:16

“Menkhan ape dope bhạgangea, ente apeakʼ mẽtʼ doe ńeleda, ar apeakʼ lutur doe ańjomeda.

Romiko lạgitʼ Pạul Apostolakʼ ciṭhi 10:5

Ạn-ạriko pańjaete dhorom ocokʼ babotre Moseye olakada, “Okoe hoṛ ạn-ạriko reakʼ katha lekae calakʼkan uni do ona hotetege jiwetʼe tahena.”

Johan 7:37

Ado porob reakʼ mucạtʼ din do mitʼṭecʼ asol din tahẽkana. Enhilokʼ Jisu doe teṅgoyente ãṭ aṛaṅteye menkeda, “Jãhãe hoṛ tetaṅede khan uni do iń ṭhene hijukʼma ar dakʼe ńũ idijoṅma.

2 Bõsbudạ 6:42

E Probhu Isor, amem ojokʼ bahal akatʼko hoṛkoakʼ koejoṅ do alom dea giḍikakʼa; amren guti Dạud okaṭakʼ khạndri dulạṛem udukʼ akawade ona baṛe disạ dohokakʼme.”

Sereńko 119:175

Iń bańcao dohoyińme jemoniń gun manao joharam; ar amakʼ ạn ạriko do ińe goṛowạńma.

Jesaea 51:4

“E ińren hoṛko, ińakʼ katha ańjompe, ińakʼ kathako luturakʼpe. Iń khonge hukum do oḍokokʼa; ar ińge dhorom reakʼ bicạriń ṭarhao ocoya jemon jạt jạtrenko hõ marsalko ńam.

Jesaea 54:10

Ente buruko do sahaṛokʼa ar ḍuṅgriko do ocogokʼa, menkhan ińakʼ asambheṛ daya do am khon tishõ baṅ sahaṛokʼa ar ińakʼ suluk reakʼ bondobos hõ baṅge ocogokʼa.” Am cetanre okoeyakʼ mãyã menakʼtae uni Probhu Isorge noa katha doe meneda.

Jirimiạ 38:20

Jirimiại roṛ ruạṛkeda, “Onko do bako soprotmea. Iń okań metamkan onam onkaete Probhu Isorakʼ bataotaeme. Enḍekhan amakʼ bhage hoyokʼa, ar amakʼ jiwim bańcaotama.

Jeheskel 16:60

Enhõ amakʼ thoṛa umerre am lạgitʼ oka bondobosiń doholetʼ ona doń disạigea ar am lạgitʼ mitʼṭecʼ jaejug reakʼ bondobosiń bandhaoa.

Jeheskel 34:24

Iń Probhu Isorge onkoren Isoriń hoyokʼa ar ińren guti Dạud do onkoren mukhiyại hoyokʼa. Iń Probhuge noa katha doń meneda.

Jeheskel 37:26

Onko lạgitʼ mitʼṭecʼ bhạlạiyanakʼ bondobosiń dohoya; ar ona do jaejug lạgitʼ mitʼṭecʼ bondobosge hoyokʼa. Onko do daṛeankoń hoyocokoa ar onkoakʼ lekhań baḍhao ocoytakoa ar ińakʼ oṛakʼ do jaejug lạgitʼ onko talareń bạisạutińạ.

Amos 5:4

Probhu Isor do Israelren hoṛkoe metakokana, “Iń ṭhen hijukʼpe, enḍekhanpe bańcaokʼa.

Amos 5:6

Probhu Isor ṭhen calakʼpe enḍekhanpe bańcaokʼa; ar baṅkhan uni do seṅgel leka Josephren, metakʼme Israelren hoṛko talareye jol rakabokʼa. Ar seṅgel do onae joma ar Bethelren okoehõ ona do bako ĩṛĩcʼ daṛeakʼa.

Genesis 49:10

Ar Silote uni ạuriye hijukʼ hạbicʼ jạt jạtrenko uniyakʼ hukum ạuriko bataotae hạbicʼ, uniyakʼ raj ṭheṅga do Jihudạ bõsrege tahena; ar cakʼlao ṭheṅga do uniyakʼ gunṭhikin talare.

Exodus 15:26

Uni doe metatʼko tahẽkana, “Ape do aperen Probhu Isorakʼ kathape bataotaea ar uniyakʼ mẽtʼre oka lek reakʼ kan onape onkaea ar uniyakʼ hukumkope luturakʼa ar uni emakʼ sanam niạmpe dohoya, enḍekhan Misriko cetanre okako rog iń ạguletʼ ape cetanre ona bạń ạguya. Ar iń Probhu Isorge ape doń bogepea.”

2 Samuel 7:29

Ńitokʼ am do kusite amren gutiyakʼ bõsko bhorakʼme jemon onko do jaejug am samaṅreko tahen. E Probhu Isor, apnartege ona katha dom men akada ar amakʼ bhorte amren nui gutiyakʼ bõskore jaejug ạsirbad tahẽ akae tahena.”

Sereńko 89:29

Iń do uniren bõsko jaejug hạbicʼ iń doho idikoa; tinạkʼ din serma tahena unạkʼ din uniyakʼ siṅghạson hõ tahena.

Kạhtukko 7:2

Ińakʼ hukum dohoyme, ar jiwetʼ baṛe tahenme. Ińakʼ cecetʼakʼ do amakʼ mẽtʼãhã reakʼ moni leka pahra dohoyme.

Jeheskel 34:25

“ ‘Iń do onko lạgitʼ bhạlại reakʼ mitʼṭecʼ bondobosiń dohoya ar disạm khon botoran janwarkoń marao utạrkoa jemon ińren bhiḍiko do khạtirjomako tahente bir-gajaṛkore hõko jạpitʼ daṛeakʼ.