Jesaea 55:13 - সান্তালী বাইবেল

¹³ Ar jạnumko bodolte do saro dareko ar seṅgel siń bodolte do mehendi dareko hara rakabokʼa. Probhu Isor lạgitʼ ona do mitʼṭecʼ dikʼsạ cinhạge hoyokʼa. Ona cinhạ do tishõ baṅ maraokʼa.”

Jesaea 55:13 Referans Kwoze

Jesaea 41:19

Hahaṅkarre, debdạru, babla, mehndi ar jạitun darekoń rohoea ar khaṅkarre do saro, tạsur ar jhão darekoge,

Jirimiạ 33:9

Unre niạ nagraha do dhạrtiren sanam jạtrenko samaṅre ińe rạskạ ocoyińạ are manot ocoyińạ are sarhao ocoyińạ. Ar uni okakoń bhạlạiye ona do onko jạtrenko ańjom ńama, ar uniń em akawade asambheṛ bhạlại ar suluk ńelte hoṛko doko botorokʼa arko thar tharaokʼa.

Jesaea 61:3

jemon Sionre okoeko hirdạukʼkan onkoakʼ bohokʼre torocʼ bodolte abhraniń emako; hirdạukʼkan bodolte rạskạ reakʼ sunum ar as chuṭạukʼ akan bodolte sarhaoe reakʼ kicricʼ iń em daṛeako. Onko do dhorom reakʼ elon dareko ńumogokʼa; Probhu Isorge ona doe rohoe akada jemon onko hotete acʼakʼ mạhima sodorokʼtae.

2 Korinthiko 5:17

Jãhãege Mạsi tulucʼ mitʼakae menae khan enḍekhan uni do nãwãteye sirjạu akana. Ar mareakʼ sanamakʼ do parom calaoena ar jotowakʼ do nãwã akana.

Jesaea 60:13

“Lebanon reakʼ mạhima do am ṭhen hijukʼa; ińakʼ sonotakʼ ṭhạ̃i sajao lạgitʼ saro dare, jhao dare ar tạsur darekoge ạgukʼa; ar iń do ińakʼ jaṅga reakʼ ṭhạ̃iyiń ṭhonok ocoytińạ.

Romiko lạgitʼ Pạul Apostolakʼ ciṭhi 6:19

Manwakoakʼ nijortetʼ iạte iń do manwako bujhạu ocoko lekage kathań roṛeda. Ape hõ cetʼleka lahate artetʼ behokakʼ kạmi lạgitʼ apeakʼ hoṛmo hạṭińko besapha ar bedhoromren golampe hoyocoletʼ, onkage ńitokʼ do sonotre hara rakabokʼte apeakʼ hoṛmo hạṭińko dhorom kạmi lạgitʼ golam baṛe hoeocoytape.

1 Patras 4:11

Jãhãeye porcar khan, enḍekhan nonka lekae porcar ma jemon uni do Isorakʼ moca reakʼ kathae roṛeda mente. Ar jãhãye sapʼ sopohotʼ khan enḍekhan Isor emakʼ daṛete uni doe sapʼ sopohotʼma, jemon Jisu Mạsi hotete jotowakʼre Isorge ṭhonoke ńam. Ente daṛe ar ṭhonok do jaejug hạbicʼ uniyakʼge. Amen.

Jirimiạ 50:5

Onko do Sionte calakʼ reakʼ horko kukʼliya ar ona secʼ akoakʼ mẽtʼãhãko samaṅtakoa. Onko do hecʼkate Probhu Isor sãote nonkan mitʼṭecʼ bondobosko bandhaoa one ona do tishõ baṅ hiṛińokʼ.

Johan 15:8

Apeakʼ jionre ḍherpe jolen khan enḍekhan nonkate ape do ińren celape sạbudokʼa ar ińren Baba doe ṭhonok ocokʼa.

Luk 2:14

“Sermare Isorakʼ ṭhonok dhạrtire suluk, manwakore kusi.”

Jirimiạ 13:11

Hoṛko cetʼleka ḍanḍare jhaṅgako horog onkage iń do goṭa Israel ar Jihudạren sanam hoṛko ińreń jalatʼ ocoletʼkoa, jemon onko do ińakʼ ńutumko sarhaotiń arko manotiń ar ińren hoṛko hoyokʼ, menkhan onko do ińakʼ katha bako ańjomleda.

Jesaea 63:12

Okoe do Mose goṛowae lạgitʼ acʼakʼ ṭhonokanakʼ daṛeye ematʼko tahẽkan, okoe do acʼakʼ ńutum jaejug hạrjoṅ lạgitʼ onko samaṅre dakʼe bar hạṭiń ocoletʼ,

Jesaea 60:21

Unre amren sanam hoṛ do dhoromko hoyokʼa; onko do jaejug lạgitʼ disạmko ạidạrijoṅa. Onko do ińakʼ tite, rohoe akan kahle kanako, onko hotetege ińakʼ mạhima do sodorokʼa.

Jesaea 54:10

Ente buruko do sahaṛokʼa ar ḍuṅgriko do ocogokʼa, menkhan ińakʼ asambheṛ daya do am khon tishõ baṅ sahaṛokʼa ar ińakʼ suluk reakʼ bondobos hõ baṅge ocogokʼa.” Am cetanre okoeyakʼ mãyã menakʼtae uni Probhu Isorge noa katha doe meneda.

Jesaea 43:21

Onko hoṛko do iń apnar lạgitʼ iń benao akatʼkoa jemon ińakʼ ṭhonokko sodor daṛeakʼ.

Mikạ 7:4

Onko modren sanamko khon bhage hoṛ do rạṅgạini lekako hoyakana, ar joto khon dhorom hoṛ do kuṛitʼrama reakʼ beṛha lekage. Aperen pahradarko lạiyakope, apeakʼ sạjại reakʼ din do sor akana mente. Ar andesalekʼ reakʼ okte do ńitokʼkangea.

Jesaea 5:6

Iń do mitʼṭecʼ dhaṅ dhaser jaegageń hoeocoya; nạ̃ṛĩ hõ baṅ kamanokʼa ar jumi hõ baṅ casokʼa, onḍe do rạṅgạini ar aṭkuṭige hara perejokʼa. Rimil hõń hukumakʼa onare jemon dakʼ aloe jạṛiyakʼ.”

Sereńko 96:12

Ṭạnḍi ar onare menakʼ jotowakʼge rạskạkʼma. Enḍekhan bir reakʼ sanam dare nạ̃ṛĩko hõ rạskạteko sereńa;

Jesaea 7:11

“Am do amren Probhu Isor ṭhen menme jemon uni do mitʼṭecʼ cinhại udukʼam- ar ona cinhạ do patal puri khon serma hạbicʼ jãhãn ṭhạ̃iregeye udukʼam ma.”

Jesaea 7:19

Onko do hecʼkate buru dhasnakore, buru paṛakʼkore, jạnum jhạuạkore ar ṭạnḍikoreko basakʼa.

Jesaea 7:24

Ar hoṛko do akʼ sarante onḍeko calakʼa, ente disạm do jạnum ar rạṅgạinite perejokʼa.

Jesaea 19:20

Ar noage hoyokʼa Misor disạmre phạdkoren Probhu Isor ńutumte mitʼṭecʼ cinhạ ar goha do. Onkoakʼ santao iạte onko do tinre Probhu Isor ṭhenko raga unre onko ṭhen mitʼṭen babańcaoicʼ ar rurukhiyạicʼe kolea ar uni do onkoe bańcaokoa.

Jesaea 32:13

Jạnum ar rạṅgạinite perecʼ ińren hoṛkoakʼ disạm lạgitʼ koṛam ceṭagtape. Hẽ rạskạ ar hulạste perecʼ oṛakʼ duạr ar andoṛte perecʼ nagraha lạgitʼ koṛam ceṭagtape.

Jesaea 35:1

Hahaṅkar jaega ar khaṅgoṭ disạm do rạskạkʼa; khaṅkar ot do hulạsokʼa ar jo bahakʼa. Sạpin leka asecʼ tasecʼ bahakʼa; khaṅgoṭ ot do rạskạkʼa are hulạsokʼa. Uni do Lebanon reakʼ ṭhonoke emocokʼa, uni do Karmel ar Saron reakʼ mạhimako emaea; ar hoṛko do Probhu Isorakʼ ṭhonokko ńela, aboren Isorakʼ mạhimage.

Jesaea 56:5

enḍekhan onkoakʼ ńutum do hopon ar hoponerako khon hõ sorosge ińakʼ oṛakʼre ar ińakʼ pạcri bhitrireń bạisạukea mitʼṭecʼ cinhạ lekate. Ar jaejugakʼ ńutumgeń emkekoa oka do baṅ maraokʼ.

Jesaea 63:14

Probhu Isorren Jiu do buru nalateko pheḍ hijukʼkan ạsul janwarko lekageye jirạu ocoketʼkoa. Uniyakʼ ṭhonokanakʼ ńutum bạisạutae lạgitʼ uni do acʼren hoṛkoe ạyurletʼkoa.”

Jeheskel 28:24

Probhu Isor do arhõe menkeda, “Israel jạtrenko haso ocoko lạgitʼ jãhãn jạnumanakʼ dare se jãhãn hasoanakʼ jạnum do arbaṅ tahena onko beṛhaeten sanamko modre, one onkoko nihạ̃tletʼko tahẽkan. Unre onkoko baḍae daṛeakʼa, ińkangeạń Probhu Isor do.

Sakariạ 1:8

Ńindạ jokhecʼ iń Sakariạ do mitʼṭecʼ dorson iń ńelkeda. Iń doń ńelkeda, manwa leka ńelokʼte mitʼṭen serma goḍet do arakʼ sadomreye decʼakana. Ar sadom do mitʼṭecʼ copotʼ jaegare mehendi dareko talareye teṅgo akana. Ar uni hoṛ tayomre do arakʼ, sãoṛa ar ponḍ roṅan sadomko tahẽkana.

Jesaea 60:17

Iń do pitạl bodolte sonań ạguama ar mẽṛhẽtʼ bodolte do rupạge. Kaṭ bodolte pitạl ar dhiri bodolte do mẽṛhẽtʼgeń ạguama. Bhạlại do amren ḍanṭaoicʼ ar dhorom do amren mukhyiạgeń hoeocoya.