Jesaea 55:11 - সান্তালী বাইবেল

¹¹ onkage ińakʼ moca khon oḍokokʼkan katha do hoyokʼgea, iń ṭhen ona do ạuṛiyakʼ baṅ ruạṛ hijukʼa. Menkhan okaṭakʼ iń moneakatʼ onageye kạmiya, ar okaṭakʼ lạgitʼ iń kolletʼ onageye jo baha ocoya.

Jesaea 55:11 Referans Kwoze

Mathae 24:35

Serma ar dhạrti do cabakʼa, menkhan ińakʼ katha do jaejug hạbicʼ tahena.

Jesaea 46:10

Etohopʼ khonge mucạtʼakʼ koń jạhireda, ar sedae khon oka baṅ hoyakan ona hõń lạiyeda. Ińiń men akada, ińakʼ monsubạ do ṭarhao akaege tahena; ar ińakʼ jotowakʼ monsubạń purạutińạ.

Romiko lạgitʼ Pạul Apostolakʼ ciṭhi 10:17

Enḍekhan ńelokʼkana, Isorakʼ katha ańjom iạtege biswạs do hijukʼkana, ar Mạsi reaṅ do porcar talate ańjomokʼ kana.

Johan 6:63

Manwa hoṛmo do oka kaj reakʼ hõ baṅkana; sonot Jiuge jione emokʼkana. Okako katha ape ṭheniń roṛakatʼ ona do jiu ar jion kana.

Jesaea 45:23

Iń do ińakʼ ńutumtegeń kiriyạkʼ kana, ińakʼ dhoromte niạ katha doń meneda, ar ona do baṅ bạtilokʼa. Ona katha do hoyokʼkana, iń samaṅre mitʼke mitʼ gunṭhi do ikhṛumokʼa ar mitʼke mitʼ alaṅ do ińregeye kiriyạkʼa.

1 Korinthiko 1:18

Okoe nosṭokʼ reakʼ horteko taṛametʼ onko ṭhen Mạsiyakʼ gujukʼ reakʼ katha do lelhawakʼ chaḍa ar cetʼge baṅkana; menkhan okoe bańcao bon ńam lạgidokʼkan abo ṭhen ona do Isorakʼ daṛekana;

1 Thessalonikikko 2:13

Ale do siń sạṭupʼ Isorle gun manao joharae kana, ente Isorakʼ katha ańjomkate tinrepe pạtiạulena unre manwawakʼ katha mente do baṅ, menkhan Isorakʼ katha mentegepe ataṅkeda. Ar sạrige ona do Isorakʼ katha kangea. Ape okoepe pạtiạu akan, apeakʼ ontorrege ona katha doe kạmiyeda.

1 Patras 1:23

Okaṭakʼ itạ nosṭokʼ, onkan itạ khon nãwãte do bape janam akana, bickom okaṭakʼ itạ tis hõ baṅ maraokʼ ona khongepe janam akana. Ar ona itạge hoyokʼ kana Isorakʼ jiwetʼ ar jaejug hạbicʼ tahẽkan katha do.

Jakob 1:18

Acʼakʼ nij sanate sạriyakʼ katha hotete uni do acʼren gidrạkoe hoyocoketʼ bona, jemon uniyakʼ sirjonre pạhil utạrakʼ jo bon hoydaṛeakʼ.

Ibriko 6:7

Okaṭakʼ ot do ạḍi dhao jạṛi dakʼ ańjetʼkate cacasko lạgitʼ jạruṛakʼ aṛakʼ sakamkoe omon ocoyetʼ ona ot do Isorakʼ bhore ńameda.

Jesaea 54:9

“Iń ṭhen noa do Noha okte reakʼ dinko leka kana. Ar cetʼ lekań kiriạlen, Noha okte reakʼ ḍubạ dakʼ leka dhạrtire ar tishõ bạń dula, onkage noa hõń kiriạkʼ kana, am cetanre ar do bạń raṅgaokʼa, ar tishõ bạń egermea.

Dosar Biboron 32:2

Ińakʼ cecetʼakʼ do jạṛi dakʼ leka ńurokʼma, ińakʼ katha do sisir dakʼ leka rińjikʼma. Legecʼ ghãs cetanre poroe poroe dakʼ leka, ar aṛakʼ sakamko cetanre achaṛ dakʼko lekage.

Numeri 23:19

Isor do manwae baṅkana onate uni do eṛe kathae roṛa; uni do manwa khon hõ bae janam akana, onate moneye bodoltaea. Uni okae men ona do hoyokʼgea, ar acʼakʼ gokʼakʼ do jaogeye purạueda.

Jesaea 40:8

Ghãs do rohoṛokʼa ar baha do ńurokʼa menkhan aboren Probhu Isorakʼ katha do jaejug tahẽ akan tahenkana.”

Jesaea 53:10

Probhu Isor do acʼakʼ kusilekage uniye talga tạuạkʼ ocokedea ar duke jom ocokedea. Probhu Isorren golam do tinre acʼakʼ jiwiye samaṅtaea unre uni do acʼren hoponkoe ńel ńamkoa ar uniyakʼ bahaokʼ dine baṛhaotaea; uni hotetege Probhu Isorakʼ sana do purạukʼa.

Jesaea 59:21

Onko lạgitʼ ińakʼ bondobos do noage: ińren Jiu okoe do apere menae ar ińakʼ okako katha apeakʼ mocareń emakatʼ ona do ape, aperen hoponko ar onkoren hoponkoakʼ moca khon baṅ adokʼa; ona do ńit khon jaejug hạbicʼ tahẽ akae tahena. Iń Probhu Isorge noa katha doń meneda.”

Jirimiạ 23:20

Ińakʼ edre do ińakʼ ontor ńutumte purạte ạuri perejokʼ hạbicʼ baṅ ruạṛa. Ar ape do tayom daram din pusṭạute onape bujhạu daṛeakʼa.

Jeheskel 24:14

Ińakʼ kạmi reakʼ okte do seṭerakana. Iń do onań onkaegea, bạń mãyãkʼa se bạń dayakʼa. Amakʼ colon ar amakʼ kạmi lekagem bicạr ocokʼa. Iń Probhu Isorge noa katha doń meneda.’ ”

Amos 6:11

Probhu Isor do tinreye hukuma unre maraṅ maraṅakʼ oṛakʼko do rạputʼ dhaṅdhaserokʼa ar huḍiń huḍiń oṛakʼko do rạputʼ gejerokʼa.

1 Samuel 3:19

Nonkage Samuel doe hara idiyena ar Probhu Isor do uni sãoteye tahẽyena ar nạbi lekate roṛakʼ oka kathage Probhu Isor do bae ạuṛiyakʼ ocoletʼtaea.

Jirimiạ 1:11

Ona tayom Probhu Isor doe kulikedeńạ, “E Jirimiạ, am do cetʼem ńeleda?” Ińiń roṛ ruạṛadea, “Iń do badam dare reakʼ mitʼṭen ḍạriń ńel ńameda.”

Jirimiạ 1:12

Probhu Isore metadińa, “Am do ṭhikgem ńelakada, ente ińakʼ kathare iń doń jagwargea onako kạmi purạu lạgitʼ.”

Jirimiạ 1:13

Probhu Isor do arhõe metadińạ, “Am do cetʼem ńeleda?” Iń doń menkeda, “Mitʼṭecʼ heḍejokʼkan ṭukucʼ, ona do utạr secʼ khon dũṛũjokʼkana.”

Jirimiạ 25:13

Iń do onako sanam disạm upạrte okako kathań roṛletʼ okaṭakʼ do noa puthire ol menakʼ, metakʼme sanam jạtrenko upạrte Jirimiạ nạbi oka kathae nạbiyakatʼ ona disạmre iń do onakoń paṛao ocoya.

Sakariạ 1:6

Menkhan iń do ińren gutiko, metakʼme nạbiko okań hukumatʼko tahẽkan, ińakʼ onako katha ar niạm lekate aperen hapṛamko do cetʼ sạjại bako ńamleda? Unre onko do mon ạcurkateko menleda, sanam daṛeanicʼ Probhu Isor do onkoakʼ ạri cạli ar hewa lekate onko lạgitʼ okae ṭhik doholetʼ onageye kạmi akada.’ ”