Jesaea 55:1 - সান্তালী বাইবেল

¹ Probhu Isore meneda, “E tetaṅetʼpe hoṛko, dakʼ ṭhen dela hijukʼpe; okoeyakʼ ṭaka poesa bạnukʼtae, uni doe hijukʼma ar kirińkateye ńũiyma. Dela hijukʼpe, darkha rasa ar toa kirińjoṅpe, bin ṭaka poesatege ar bin damtege.

Jesaea 55:1 Referans Kwoze

Johan sodor 21:6

Uni do arhõe metadińạ, “Hoyena. Ińge Alpha ar Omega, etohopʼ ar mucạtʼtetʼ. Okoe tetaṅ edekan uni do jiwetʼ dakʼ reakʼ jharna khon begor damteń ńũ ocoyea.

Johan sodor 22:17

Sonot Jiu ar bạhu kuṛi dokin meneda, “Dela hijukʼme,” Ar okoe noa kathae ańjometʼ uni hõe menma, “Dela hijukʼme.” Okoe tetaṅede kan uni doe hijukʼma ar okoe dakʼ ńũi menetʼkan uni do begor damte jion dakʼe ńũ idi joṅma.

Jesaea 44:3

ente tetaṅokʼkan disạmre dakʼ iń dula. Ar amren hoponko cetanre ińren Jiu iń dulea ar amakʼ bõsren hoṛkoń bhorakoa.

Sereńko 143:6

Iń do am secʼ tiyiń tiyạretʼtińạ; khaṅgoṭ ot leka ińakʼ jiwi do amre tetaṅokʼ kana.

Johan sodor 22:1

Ona tayom uni serma goḍet do jion dakʼ reakʼ gaḍae udukʼạdińạ. Ona do dhiri hisir leka rilạmala tahẽkana ar Isor ar Bheḍa Hoponakʼ siṅghạson ṭhen khon ạtu oḍokkate nagraha reakʼ kulhi talate ạtukʼkan tahẽkana.

Mathae 13:44

“Serma raj do goḍare topa oko akatʼ dhon lekana. Mitʼ hoṛ do ona ńamkate arhõe oko dohokada. Inạ tayom uni do rạskạ monteye calaoena ar acʼakʼ oka tahẽkantae ona joto ạkhrińkate ona goḍae kirińkeda.

Mathae 10:8

Ona chaḍa rugiko bogekope, gocʼko jiwetʼkope, murhucʼ jom hoṛ bogekope ar bạṛicʼ jiuko oḍok giḍikope. Ape do begor damtepe ńamakada, begor damtege emakope.

Joel 3:18

“Enhilokʼ maraṅ buruko khon nãwã darkha rasako ńamokʼa ar huḍiń buruko khon do toage. Jihudạ reakʼ sanam dakʼ ạtukʼ nalako khon do dakʼ ạtu oḍokokʼa. Probhu Isorakʼ oṛakʼ khon hõ mitʼṭecʼ jharna phuṭạukʼte Siṭim reakʼ buru nalare dakʼe emakʼa.

Sereńko 63:1

E Isor, am do ińren Isorge. Iń do amiń ńam baṛayetʼmea; noa khaṅgoṭ ar dakʼ bạnukʼ disạmre, one uni do phosol hoeocoy reakʼ daṛege caba akantae, onḍe do am lạgitʼ ińakʼ jiwi tetaṅokʼ kantińạ, ar am lạgitʼ ińakʼ hoṛmo do ahkaokʼ kana.

Jesaea 52:3

Probhu Isore meneda, “Begor damtem ạkhriń ocolena arhõ begor damtegem chaḍao ocokʼa.

Johan sodor 3:18

Onate noa solhań emam kana, am do iń ṭhen khon seṅgelre rapakʼakʼ khạṭi sona kirińjoṅme, jemonem kisạ̃ṛ daṛeakʼ. Iń ṭhen khon ponḍ kicricʼ kirińkate horogme jemon onem uluṅ akan reakʼ lajaotetʼ alo ńelokʼtam. Iń ṭhen khon mẽtʼre lagao lạgitʼ aenom kirińjoṅme, jemonem ńeńel.

1 Patras 2:2

Nãwã janam bale gidrạ leka apeakʼ jiure hara rakabokʼ lạgitʼ khạṭi toa ńam reakʼ gagojokʼpe, jemon onatepe hara rakabokʼte purạpuri bańcaokʼ secʼpe laha idikʼ.

Romiko lạgitʼ Pạul Apostolakʼ ciṭhi 3:24

Menkhan Jisu Mạsi do manwako kại khon chaḍaoko reakʼe bondobos akada ar ona chaḍaokʼ hotete pạtiạukʼko do daya dan lekate dhorom menteye ataṅetʼkoa.

Hosea 14:4

Probhu Isore meneda, “Ińge onko do bạṛicʼ hor khoniń ruạṛ ạgukoa ar jãhãn gokʼakʼ chaḍageń dulạṛkoa, ente ińakʼ edre do onko cetan khon ocokʼ akana.

Soros sereń 5:1

E dulạṛiạ, E bạhutiń, iń do ińakʼ bagwanreń bolo akana; ińakʼ gondhoros iń sitʼetʼkana ińakʼ mahkaokʼ salakʼ. Iń do chatań jometʼtińạ ińakʼ dumur rasa tulucʼ, ar ińakʼ darkha rasań ńũiyetʼtińạ toa tulucʼ. Jompe, E gateko ar ńũ joṅpe, dulạṛte ńũ bikʼpe E dulạṛiạko. Dulạṛiạwakʼ katha: (Kuṛi)

Kạhtukko 8:4

“E hoṛko, iń do apeń hohoape kana, ar sanam hoṛko ṭhen ãṭ aṛaṅteń meneda.

Mathae 26:29

Ińiń metapekana, ińren Babawakʼ rajosṭire ape tulucʼ nãwãnakʼ darkha rasa ạuriń ńũi hạbicʼ ńit khon noa do ar bạń ńũiya.”

Sakariạ 9:15

Phạdkoren Probhu Isor do onkoe rukhiyạkoa. Onate onko do bạirikoko maraokoa ar onkoakʼ bạṭul reakʼ dhiriko do jaṅgateko lebetʼ gańjaoa. Onko do darkha rasako ńũiya ar bul hoṛ lekako andoṛa; pinḍ reakʼ konacre mãyãm coḍor leka onko do ḍher mãyãmko joro ocoya.

Soros sereń 1:4

Iń do rajiń metadea, “Am sãote idiyińme; dela, alaṅ do laṅ ńir senokʼa.” Uni do acʼakʼ oṛakʼteye aderkedińa. Ale do am sãotele rạskạkʼa arle hulạsokʼa; darkha rasa khon hõ amakʼ dulạṛ do ḍherle sarhaotama. Onko amko dulạṛetʼme ona do jutakʼ kangea.

1 Korinthiko 3:2

Iń do keṭecʼ jomakʼ bạń ematʼpea, bickom toageń ńũatʼpea, ente unre ona keṭecʼ jomakʼ hajam lạgitʼ daṛe do baṅ tahẽkantapea. Ar ńit hõ ape do onkage menakʼpea,

Sakariạ 10:7

Eprayimrenko do daṛean hoṛ lekako hoyokʼa, onkoakʼ ontor do darkha rasa ńũ akatʼ leka kusikʼtakoa. Ona ńelte onkoren hopon ar hoponerako doko hulạsokʼa; onkoakʼ ontor do iń iạte rạskạkʼtakoa.

Sakariạ 2:6

Probhu Isore meneda, “Ańjompe ar luturakʼtińpe. Iń do beṛhaete apeń sạṅgińletʼpea, menkhan ńitokʼ do utạr disạm khon ńir paskaokate hijukʼpe.

Rut reakʼ kạhini 4:1

Boas do phaṭok-duạr ṭhen senkateye duṛupʼena. Ar Boas okoe sor peṛa reakʼ kathae menletʼ unre uni do onkateye parom calakʼkan tahẽkana. Boas do uni hohoadeteye metadea, “E boeha, nonḍe hecʼkate duṛupʼlen me.” Unre uni hoṛ do onḍe senkateye duṛupʼena.

Soros sereń 1:2

Cokʼạńme amakʼ moca reakʼ cokʼte, ente amakʼ dulạṛ do darkha rasa khon hõ sorosgea.

Rak̕joṅ 5:4

Dakʼ do kirińkatele ńũiyeda; ar aleakʼ sahan hõ damtele kirińeda.

Mathae 5:6

Mon ar ontorte Isorakʼ sanaleka calakʼkogeko bhạgana, ente onkoakʼ monejoṅakʼ do purạukʼtakoa.

Aposkạmi 8:20

Unre Patras do uniye metadea, “Amakʼ ṭaka do am sãotege nosṭokʼma, ente am dom hudisetʼkana Isorakʼ dan do ṭakate kirińokʼa.

Kạhtukko 9:5

“Dela hijukʼte, ińakʼ jomakʼ jompe, ińakʼ mosola mesal akatʼ darkha rasa ńũipe;

Jeheskel 47:1

Ona tayom uni do mundil oṛakʼte bolokʼ hor ṭhene ruạṛ ạgukedińa, ariń ńelkeda mundil oṛakʼte bolokʼ hor reakʼ kandha khon dakʼ do purub secʼ ạtu oḍokokʼ kana. Mundil oṛakʼ do purub secʼ samaṅ akan tahẽkana. Ona dakʼ do mundil oṛakʼ reakʼ dạkhin aṛe reakʼ kandha khon pinḍ reakʼ dạkhin aṛete ạtu calakʼkan tahẽkana.

Jeheskel 47:9

Oka secʼ lekate noa gaḍa ạtu calakʼa onḍe do joto lekan jhake jhak jiwetʼ jiwiyanko ar hakoko tahena. Ar noa dakʼ oka secʼte calakʼa onḍenakʼ dakʼ doe heṛem ocoya; onatege oka secʼte gaḍa ạtu calakʼa onḍenakʼ jotowakʼge jiwedokʼa.

Kạhtukko 9:1

Ạkil do acʼakʼ oṛakʼe benao akada; uni do dhiri reakʼ eae goṭecʼ khunṭiye bitʼakada.

Jesaea 1:19

Ape do tabe akan tahenpe aṅgocetʼ khan enḍekhan disạm reakʼ joto khon bhage phosolpe joma,