Jesaea 54:8 - সান্তালী বাইবেল

⁸ Raṅgao capeyạdiń tahẽkante am cetan khon mẽtʼãhãń danaṅletʼtińạ, menkhan jaejug reakʼ dulạṛte amiń mãyãwama. Iń amren chakʼḍaoicʼ Probhu Isorge noa katha doń roṛeda.

Jesaea 54:8 Referans Kwoze

Jirimiạ 31:3

Ona jokhecʼ Israelko doko menleda, Probhu Isor do sạṅgiń khon onko ṭhene ńel ocolena. Ar Probhu Isor do unre onkoe metatʼko tahẽkana, “Asambheṛ dayateń dulạṛ akatʼpea; ar asambheṛ mãyãtege iń ṭheniń or sorakatʼpea.”

1Timothi 1:16

Onate Isor do ińe mãyã akawạdińa, jemon iń maraṅ kạiyan hotete Jisu Mạsi do acʼakʼ asambheṛ soboriye udukʼ daṛeakʼ. Ar unire pạtiạukʼ hotete okoe jaejug jionko ńam onko jemon iń ńelteko cetʼ daṛeakʼ onate uni do ińreye nonka akada.

Jesaea 60:10

“Bidisiạko do arhõ amakʼ pạcriko gathao ruạṛa onkoren rapajko doko sapʼ sorama. Ar edrete amiń hạnletʼmere hõ enhõ iń do amiń mãyãwama.

Sakariạ 1:15

Ar nirdạndiko tahenkan onko sanam jạtrenko cetanre ạḍitetʼ iń raṅgao akana, ente iń do tinre ińren hoṛko cetanre thoṛa ghạṛicʼ iń raṅgaolena unre onko jạtrenko do ińren hoṛkoakʼ dosa sãote arhõ bạṛicʼ dosako juṭucʼatʼko tahẽkana.

Jesaea 55:3

Ińakʼ katha luturakʼpe, ar iń ṭhen hijukʼpe; jemon ińakʼ katha ańjomkate jiwetʼpe tahen. Iń do pạtiạrte perecʼ dulạṛ iạte Dạud ṭhen okań gokʼletʼ ona lekage ape lạgitʼ mitʼṭecʼ jaejugakʼ bondobos iń bandhaoa.

Jesaea 54:10

Ente buruko do sahaṛokʼa ar ḍuṅgriko do ocogokʼa, menkhan ińakʼ asambheṛ daya do am khon tishõ baṅ sahaṛokʼa ar ińakʼ suluk reakʼ bondobos hõ baṅge ocogokʼa.” Am cetanre okoeyakʼ mãyã menakʼtae uni Probhu Isorge noa katha doe meneda.

Jesaea 54:5

Amren sisirjạuicʼge amren jãwãe do, uniyakʼ ńutum do phạdkoren Probhuge; Israelren uni sonoticʼge amren chakʼḍaoicʼ do. Unige goṭa dhạrtiren Isore ńum ocokʼkana.

Jesaea 48:17

Probhu Isor, aperen chakʼḍaoicʼ, Israelren uni sonoticʼ do niạ kathae meneda, “Aperen Probhu Isor doń ińkangea; ar ape bhạlạiype lạgitʼgeń cetʼ apekana. Oka horte calakʼ lek kanpe ona hortegeń ạyuretʼpea.

Jesaea 47:6

Ińren hoṛko cetanre ińakʼ edre do caṛhaolentińạ ar ińakʼ sompotti doń bhõnḍ ocoleda. Onko do amakʼ tireń soprotletʼkoa ar am do onko cetanre bam mãyãlena. Ar haṛam hoṛko hõ hamal bojham ladeyatʼko tahẽkana.

Jesaea 8:17

Iń do Probhu Isor lạgitʼ koyokʼ hor akaeyiń tahena, okoe do Jakob bõsrenko secʼ khon mẽtʼãhãe ạcur akatʼtae; iń do uni cetanrege bhorsa akaniń tahena.

2 Thessalonikiko 2:16

Aboren Probhu Jisu Mạsi ar Isor Baba do apeakʼ ontorreye udgạupema ar sanam bhage kạmi ar kathareye kajak ocopema.

Jesaea 49:26

Okoe amko santaome onkoakʼ jel do onkogeń jom ocokoa; onko do bubulakʼ leka akoakʼ mãyãmko ńũiya arko bulokʼa. Unre sanam manwako baḍaea, iń Probhu Isorge amren babańcaoicʼ ar chakʼḍaoicʼ, ar Jakobren uni daṛeanicʼ do.”

Jesaea 45:15

E Israelren Isor ar babańcaoicʼ, sạrige am do nonkan Isor kanam okoe do danaṅrem tahenkan.

Sereńko 103:17

Menkhan okoe do Probhu Isorko sewawae kan ar uniyakʼ bondobosko manaoetʼkan ar ona reakʼ niạm leka calakʼko menetʼkan onko cetanre uniyakʼ dulạṛ ar pạtiạr do jaejug hạbicʼ piṛhike piṛhi tahena.

Sereńko 13:1

E Probhu Isor, ar tinạkʼ din? Am do cetʼ jaejug hạbicʼem hiṛińkạńạ? Iń ṭhen khon ar tinạkʼ din hạbicʼ amakʼ mẽtʼãhã dom ạcur dohokakʼa?

Sereńko 27:9

Iń khon amakʼ mẽtʼãhã alom bedtama, ar edrete amren golam do alom laga ńireńa; amge ińren goṛoyicʼem tahẽ hecʼakana. E Isor, ińren babańcaoicʼ, iń do alom bạgiwạńạ, ar alom giḍi sayeńa.

Sereńko 30:5

Ente uniyakʼ edre do ḍher ghạṛicʼ baṅ tahenkana; uniyakʼ dayatege jion do ńamokʼ kana. Ar ńindạge eken rakʼ rakʼte paromokʼ kana, menkhan rạskạ do setakʼrege seṭerokʼ kana.

Jesaea 14:1

Probhu Isor do Jakobe mãyãwaea; uni do arhõ Israele bachaoea ar onkoakʼ disạmreye duṛubea. Bidisiạ hoṛko do onko sãoteko seledokʼa ar onko do Jakobakʼ bõsrenko tulucʼko midokʼa.

Jesaea 26:20

E ińren hoṛko, do calakʼpe, apeakʼ kandhate bolokʼ bayokʼpe ar duạr sińkakʼpe; ar thoṛa ghạṛicʼ lạgitʼ oko hataṛokʼpe, one khĩs ạuri cabakʼ hạbicʼ.

Jesaea 40:27

E Jakob, cedakʼem meneda, E Israel, cedakʼem lạliseda, “Ińakʼ hor do Probhu ṭhen khon danaṅ akana ińakʼ hok reakʼ bicạr ńam lạgitʼ ińren Isor do bae moneyạń kana?”

Jesaea 49:10

Onko do baṅ reṅgecʼkoa, ar baṅ tetaṅkoa se hahaṅkar reakʼ lolo se siń cando reakʼ jharla jhạrli setoṅ hõ baṅ paṛaoakoa. Onko cetanre okoeye mãyãkʼkan unige hore udukʼakoa ar dakʼ jharna ṭhene ạyur idikoa.

Jesaea 49:13

E sermako rạskạte sereńpe; E pirthimi, hulạsokʼme; E buru-ḍuṅgriko, hulạsokʼpe; ente Probhu Isor do acʼren hoṛko jiwi raṛecʼe emakoa ar santao ocokʼkan acʼren hoṛko cetanreye mãyãkʼa.

Jesaea 55:7

Bedhorom hoṛ do acʼakʼ hore bạgiyakʼma ar dusṭạmi hoṛ do acʼakʼ sanam hudisakʼkoe bạgiyakʼma. Uni do Probhu Isor secʼe ạcur ruạṛokʼma, inạkhan uni cetanre Probhu Isor doe mãyãkʼa; aboren Isor secʼgeye ruạṛ ma, ente uni do asambheṛe ikạitaea.

Jesaea 63:7

Iń do Probhu Isorakʼ dayań lại jạhira ar uniyakʼ sanamakʼ kạmi reakʼ iń sarhaotaea. Acʼakʼ daya ar asambheṛ dulạṛ iạte uni do Israel jạtrenko lạgitʼ ḍher bhạlại reakʼe kạmi akatʼte uni doń sarhaoea.

Jesaea 64:7

Am do okoe hõ bako hohowam kana se nehõram lạgitʼ am ṭhen do okoe hõ bako hijukʼkana, ente ale dom dea giḍiakatʼlea ar aleakʼ ghạṭko iạte jarkharokʼ lạgitʼem aṛakʼ akatʼlea.

Jirimiạ 33:26

enḍekhan Jakob ar ińren guti Dạud bõsrenko hõń nihạ̃t giḍikakoa ar Abraham, Isạhak ar Jakobakʼ bõsrenko cetanre rajokʼ lạgitʼ Dạud bõsrenko khon mitʼ hoṛ hõ bạń bachaojoṅa. Iń do khạṭige onkoakʼ bhage dosań ruạṛkatakoa ariń mãyãwakoa.”

Jirimiạ 51:5

Israel ar Jihudạ do phạdkoren Probhu Isor do bae bạgi akatʼkinạ, Israel do uni sonoticʼ samaṅre acʼakʼ disạmre ghạṭteye perecʼ akada.

Habakkuk 3:2

E Probhu Isor, iń do amakʼ kạmi reakʼ katha ańjomteń botorena. E Probhu Isor, ale okterege onako do arhõ onkaeme; aleakʼ okterege am do onako udukʼaleme. Edrekʼ jokhecʼ mãyãkʼ reakʼ katha do alom hiṛińa.

Sakariạ 1:16

Ona iạte iń do Jerusalem mãyãwakʼ lạgitʼ arhõń ruạṛ hijukʼa ar Jerusalemre sosoṅ baber do arhõ tijokʼa.

Sakariạ 10:6

“Iń do Jihudạren hoṛko daṛeaniń hoyocokoa ar Josephakʼ, metakʼme Israelren hoṛkoń bańcaokoa. Iń do onkoń ruạṛ ạgukoa, ente onko cetanre mãyã menakʼtińạ. Unre onko do bạń nihạ̃t giḍi akatʼko lekako hoyokʼa, ente ińkangeạń onkoren Isor do; arko hohowạńre onkoakʼ iń ańjomtakoa.

Sereńko 103:4

Uni do patal puri khon amakʼ jiwiye owaretʼtama; uni do asambheṛ dulạṛ ar dayateye esetʼ ạcuretʼmea.

Jeheskel 39:29

Onko ṭhen khon ińakʼ mẽtʼãhã do ar bạń betʼ esetʼkakʼa, ente Israelko cetanre iń do ińren Jiu iń dulea. Iń Probhu Isorge noa katha doń menetʼkana.”