Jesaea 54:5 - সান্তালী বাইবেল

⁵ Amren sisirjạuicʼge amren jãwãe do, uniyakʼ ńutum do phạdkoren Probhuge; Israelren uni sonoticʼge amren chakʼḍaoicʼ do. Unige goṭa dhạrtiren Isore ńum ocokʼkana.

Jesaea 54:5 Referans Kwoze

Jesaea 48:17

Probhu Isor, aperen chakʼḍaoicʼ, Israelren uni sonoticʼ do niạ kathae meneda, “Aperen Probhu Isor doń ińkangea; ar ape bhạlạiype lạgitʼgeń cetʼ apekana. Oka horte calakʼ lek kanpe ona hortegeń ạyuretʼpea.

Jeheskel 16:8

“ ‘Iń do am aṛeteń parom calakʼkan tahẽkanre am secʼ beṅgetʼkateń ńelkeda, amakʼ do dulạṛokʼ reakʼ okte hoyakantama; ona iạte ińakʼ kicricʼ reakʼ hĩs am cetanreń dapalketʼte amakʼ uluṅiń esetʼketʼtama. Iń do am ṭheniń kiriạyena ar am tulucʼ baplakʼ reakʼ iń bondoboskeda, ar onate ińrenem hoyena.

Johan 3:29

Okoe ṭhen bạhu kuṛiye jimạ ocoakan uni kangeae jãwãe beṭa do. Ar lomta koṛa do jãwãe beṭawakʼ kathae ańjoma ar uniyakʼ aṛaṅ ańjomteye rạskạkʼa. Onkage ińakʼ rạskạ hõ teheń do purạu akantińạ.

Ephesiko lạgitʼ Pạul Apostolakʼ ciṭhi 5:32

Noa okoakʼ do maraṅgea, menkhan iń do Mạsi ar uniyakʼ manḍer reaṅ kathageń roṛeda.

Sakariạ 14:9

Ar goṭa dhạrtiren raj do Probhu Isorgeye hoyokʼa. Enhilokʼ manwa do Probhuge Isor menteko aṅgocea, eken uniyakʼ ńutumgeko sewawakʼa.

Luk 1:32

Uni do maraṅe hoyokʼa. Ar maraṅ Isorren Hopone ńumogokʼa. Probhu Isor do uniren hapṛam Dạudakʼ siṅghạsone emaea.

Jirimiạ 51:19

Jakob reakʼ bakhra do noako leka do baṅkana, ente unige sanamakʼ jinisko reakʼ sisirjạuicʼ kanae, ar Israel do uniyakʼ sompotti kana. Uniyakʼ ńutum do phạdkoren Probhu Isorge.

Jirimiạ 3:14

‘Iń Probhu Isor do arhoń meneda, ‘E bạṛicʼ horte sen akan hoṛko, dela ruạṛ hijukʼpe, ente iń kangeạń aperen jãwãe do. Iń do ape tala reakʼ mimitʼ nagraha khon mitʼ hoṛ ar mimitʼ bõsrenko khon babar hoṛ bachaokate Sionteń ạgupea.

Jesaea 6:3

Onko do hohowateko menjoṅ kan tahẽkana, “Phạdkoren Probhu Isor doe sonot, sonot, sonotgea; Goṭa dhạrti do uniyakʼ ṭhonokte perecʼgea.

Johan sodor 11:15

Tayomte eaeyicʼ serma goḍet do acʼakʼ siṅgại oroṅkeda. Unre sermare ãṭ aṛaṅte roṛena, “Dhạrti reakʼ rajosṭi do ńitokʼ aboren Probhu Isor ar uniren Mạsiyakʼ hoyena.

Jirimiạ 10:16

Jakob reakʼ bakhra do noako leka do baṅkana, ente unige sanamakʼ jinisko reakʼ sisirjạuicʼ kanae ar Israel do uniyakʼ sompotti kana. Uniyakʼ ńutum do phạdkoren Probhu Isorge.

Jesaea 43:14

Probhu Isor, aperen chakʼḍaoicʼ, Israelren uni sonoticʼ do niạ kathae meneda, ‘iń do ape ńutumte Babelte hoṛkoń kolkoa ar sanam huṛkạṛ koń rạputʼ giḍikakʼa; ar Kạldikoakʼ bạḍạiyiń maraotakoa.

Jesaea 51:15

Ińge Probhu, aperen Isor do. One jalapuriń leoḍalere ona do ḍheokote hud hudạukʼkan. Ińakʼ ńutum do phạdkoren Probhuge.

Jesaea 48:2

Ape do sonot nagraharen hoṛ mentepe ńumogokʼ kana ar Israelren Isor cetanrepe bhorsakʼ kana, one uniyakʼ ńutum do phạdkoren Probhuge.

Jesaea 11:9

Ińakʼ sonot buru reakʼ jãhãn jaegare okoehõ bako hạhạna, ar bako nonosṭoa, ente jalapuri cetʼleka dakʼte perecʼge tahen onkage Probhu Isorakʼ ạkilte dhạrti hõ perecʼge tahena.

Jesaea 45:11

“Probhu Isor, okoe doe Israelren uni sonoticʼ kan, okoe doe uniren sisirjạukʼ kan, uni do niạ kathae meneda, ‘ape do cetʼ tayom daram ghoṭna reaṅpe kuli akadińạ? Ińren gidrạko se ińakʼ ti reakʼ kạmi reaṅpe hukum akawạdińa?

Jesaea 54:8

Raṅgao capeyạdiń tahẽkante am cetan khon mẽtʼãhãń danaṅletʼtińạ, menkhan jaejug reakʼ dulạṛte amiń mãyãwama. Iń amren chakʼḍaoicʼ Probhu Isorge noa katha doń roṛeda.

Jesaea 65:16

Disạm talare jãhãe hoṛ ạsirbade khoj uni do sạriạkʼren Isor ṭhengeye khoja; ar disạm talare jãhãegeye kiriyạkʼ uni do Isor ńutumtegeye kiriạkʼa; ente hoṛ do lahateakʼ kosṭoko hiṛińa ar ińakʼ mẽtʼ samaṅ khon ona do danaṅokʼa.

Hosea 2:16

“Iń Probhu Isorgeń menetʼkana, enhilokʼ uni do ‘acʼren jãwãe’ menteye hohowạńạ; ‘ińren kisạ̃ṛ’ mente do ar bae hohoạńạ.

Malaki 1:11

Purub khon pạchim hạbicʼ sanam jạtrenko talare ińakʼ ńutum do maraṅokʼa. Iń ńutumte sanam ṭhạ̃irege dhupko jeredokʼa ar samaṅokʼ lạgitʼ sapha jinisko ạgukʼa, ente sanam jạtrenko talare ińakʼ ńutum do maraṅokʼtińạ.

Josuạ 3:11

One okoe doe goṭa dhạrtiren Probhu Isorkan uniyakʼ goha-sinduk do ape lahate tala jordan gaḍate bolokʼa.

Josuạ 3:13

Ar tinre goṭa prithimiren Probhu Isorakʼ goha-sinduk gokʼ idikan naekeko jordan gaḍa reakʼ dakʼreko bolokʼa ar unre ạtukʼkan dakʼ do thir hapekʼa ar ona reakʼ dakʼ do ḍhip leka teṅgo tahena.”

Jobakʼ 19:25

Ińiń baḍaea ińren babańcaoicʼ doe jiwetʼgea; sesre uni do dhạrtire hecʼkateye teṅgona.

Jesaea 43:1

E Jakob, okoe ame sirjạu akatʼme, E Israel, okoe ame benao akatʼme, uni Probhu Isor do ńitokʼ niạ kathae meneda, “Alom botorokʼa, ente am doń chaḍao akatʼmea. Iń do amakʼ ńutum ńumkateń hohoakatʼmea, am dom ińren kana.

Hosea 2:18

Enhilokʼ uni lạgitʼ do janwarko, cẽṛẽko ar leńokʼ ṭunḍạṅokʼ jiwiyanko sãote bondobosiń bandhaoaea. Ar disạm khon akʼ-sar, tarwaṛe ar lạṛhạikoń sạṅgiń gidikakʼa jemon sanamko nirạiteko giticʼ jirạu daṛeakʼ.