Jesaea 54:11 - সান্তালী বাইবেল

¹¹ Probhu Isore meneda, “E birbão hoete gurlạu akanicʼ, ar jiwi raṛecʼ baṅ ńamakatʼicʼ ar nihạ̃t ocokʼicʼ nagraha, iń do nirola dhiriteń benaome lạgidokʼ kana ar amakʼ rehetʼ do nilkanto muniteń bạisạua.

Jesaea 54:11 Referans Kwoze

Jirimiạ 30:17

menkhan enhõ iń do amakʼ hoṛmoń ruạṛkakʼa ar amakʼ ghaokoń bogeytama.’ ”

1 Bõsbudạ 29:2

Ińakʼ ektiạri lekate iń do ińren Isorakʼ oṛakʼ lạgitʼ noakoń jogaṛ dohoakada, sona reakʼ jinisko lạgitʼ do sona, rupạ reakʼ jinisko lạgitʼ do rupạ, pitạl reakʼ jinisko lạgitʼ do pitạl, mẽṛhẽtʼ jinisko lạgitʼ mẽṛhẽtʼ ar kaṭ reakʼ jinisko lạgitʼ do kaṭ. Ona chaḍa boidurjomoni, bạisạu lạgitʼ eṭakʼ eṭakʼ mạnik dhiriko, cikmik dhiriko, nana parkan roṅ reakʼ dhiriko ar sanam lekanakʼ damanakʼ dhirikoń dohoakada ar ḍher kańc dhiriko hõń dohoakada.

Johan 16:33

Iń do noakoń lạiyatʼpea jemon iń tulucʼ mitʼ akanpe tahente monre sulukpe ńam. Noa dhạrtire ape do harkhet ar sasetre menakʼpea, menkhan khạtirokʼpe; ińge dhạrti doń jitạuakada.”

Jeheskel 10:1

Ona tayom beṅgetʼkateń ńelkeda, ar Kerubkoakʼ bohokʼ cetan secʼre okaṭakʼ aṭetʼ tahẽkan ona cetanre nilkanto dhiri reakʼ siṅghạson lekań ńel ńamkeda.

Jesaea 54:6

Am do bạgi giḍiyicʼ ar jiwi lokʼkantae maejiu lekagem hoyakana, ar juạn oktere bạgi giḍi akade bạhu lekagem hoyakana; menkhan Probhu Isor do arhõ ame hohowam kana. Iń amren Isorge niạ katha doń meneda.

Jesaea 51:21

Onate E am nacaricʼ, niạ katha ańjomme. Am dom bul ocoakana, menkhan darkha rasate do baṅa.

Jesaea 49:14

Menkhan Sion doe meneda, “Probhu Isor do ińe bạgi giḍi akadińạ, uni doe hiṛińkedeńạ.”

Jesaea 28:16

Onatege Probhu Isor do niạ kathae meneda, “Ńelpe, biḍạu aṭkarkate mitʼṭecʼ dhiriyiń bachao akawana; ona do Sion reakʼ konac dhiri lekateń bạisạu akada. Okoe onareye pạtiạukʼ uni do ṭarhao akane tahena.

Jesaea 14:32

Boṅgan hoṛ jạtren goḍetko do cetʼ roṛ ruạṛ emakoa? Onko do noage metakoa, “Probhu Isor do Sione bạisạu akada ar onare santaokʼkan uniren hoṛ do asrayko ńama.”

Sereńko 34:19

Okoe dhorom horteye calakʼ uniyakʼ do muhinko ḍhergere hõ onako khon Probhu Isor doe bańcaoea.

Ephesiko lạgitʼ Pạul Apostolakʼ ciṭhi 2:20

Apostol ar nạbiko do rehetʼ kanako, ar ona rehetʼren konac dhiri do Jisu acʼtetʼ kangeae. Ar ona rehetʼ cetanrege ape dope gathao ocoakana.

Mathae 8:24

Ar ackage doreãore birbão hecʼgotʼena, onate lạukạ do ḍheokote uḍucʼ ḍubujokʼ ehopʼena. Menkhan Jisu doe jạpitʼ akatʼ tahẽkana.

Jeheskel 1:26

Ar onḍe nilkanto mạnik reakʼ siṅghạson leka ńelena. Ar ona coṭre menakʼ siṅghạson cetanre manwa muṭhạn leka mitʼ hoṛiń ńelkedea.

Rak̕joṅ 1:21

Hoṛko do ińakʼ kuhrạuko ańjomakada, menkhan jiwi raṛejtiń lạgitʼ do celege bạnukʼkoa. Ińren sanam bạiriko do ińakʼ kosṭo reakʼ kathako ańjomakada; ar amem onka akatʼte onko doko rạskạkʼ kana. Ona din baṛe hecʼ ocoyme okaṭakʼem jạhirakatʼ jemon ona dinre iń lekako hoedaṛeakʼ.

Jesaea 51:23

Ona bạṭi do amren cikʼpạkankoakʼ tireń jimạya, ar okoe amko metam kan, ‘ma ombagokʼme, jemon am cetanteń taṛam parom daṛeakʼ.’ Am cetante taṛam paromokʼ lạgitʼ amakʼ dea do ot ar kulhi lekam hoyocoakada.”

Soros sereń 5:14

Uniyakʼ sopo do gulạnḍ sona leka mạnik dhiriko bạisạuakʼge. Hoṛmo do hạti sonḍa reakʼ kundạuakʼ leka, nilkanto mạnik dhirikote bạisạu esetʼakʼge.

1 Rapajko 5:17

Mundil oṛakʼ reakʼ rehetʼ gathao lạgitʼ onko do rajakʼ hukumte ghaḍlakʼ khon maraṅ maraṅ damanakʼ dhiriko la ạguiyetʼ tahẽkana.

Dosar Biboron 31:17

Ar unre onko upạrte ińakʼ edre jolokʼtińa ariń bạgi giḍiyakoa ar onko khon ińakʼ mẽtʼãhãń danaṅtińạ; arko marao utạrokʼa. Unre onko cetanre duk-kosṭo ar muhinko hecʼ paṛaokʼa. Ar enhilokʼko mena, ‘aleren Probhu Isor ale sãore bạnuite alere noa muhin do paṛao akana.’

Exodus 3:7

Probhu Isore menkeda, “Misor disạmre ińren hoṛko cetanre oka santao hoyokʼkan ona doń ńelakada. Misorren sordarkoakʼ santao iạte Israelkoakʼ rakʼ do iń ṭhen seṭerakana. Onkoakʼ duk saset reakʼ katha hõń baḍae akada.

Exodus 3:2

Onḍe Probhu Isorren mitʼṭen goḍet do jạnum jhạuạre jolokʼkan seṅgelre uni ṭhene ńel ocoyena. Mose doe ńelkeda, ona jạnum jhạuạre seṅgel do jolokʼkangea menkhan baṅ lokʼkana.

Exodus 2:23

Ḍher din tayom Misorren raj doe gocʼena. Ar Israelko do golam khaṭao iạte ạḍi ala jhalareko paṛao akan tahẽkana. Noa khon chaḍao ńam lạgitʼ onkoakʼ rakʼ do Isor ṭhen seṭerena.

Jesaea 60:15

“Am do bạgi arem hirkhạ ocolen tahẽkanre, am talate okoehõ bako calakʼkan tahẽkana, menkhan am do jaejug ṭhonokạnicʼ iń hoyocomea piṛhi cetan piṛhi sanamkoren rạskạwạnicʼge.

Jobakʼ 28:16

Ophir sonate hõ ona do ohoge kirińlena, Boidurjo mạnik ar nilkanto mạniktehõ ona do baṅ kirińokʼa.

Jesaea 44:28

Ar Kores reaṅ doń mena, ‘uni do ińren gupiyicʼ kanae; ar iń okań kusiyakʼ ona sanamakʼe kạmiya. Uni do Jerusalem reaṅe mena, ‘arhõ teṅgo ruạṛokʼma,’ ar koejoṅ oṛakʼ reaṅ doe mena, ‘ona reakʼ rehetʼ do bạisạukʼma.”

Jesaea 54:12

Amakʼ cuṛạko do podmorag mạnikteń benaoa, ar amakʼ phaṭok duạr do surjokanto mạnikkote ar amakʼ pạcri bhitko do damanakʼ dhirikoteń benaoa.

Mikạ 7:11

E Jerusalem, unre amakʼ bhit do benao arokʼtama, ar amakʼ simạnako do baṛhao ocokʼa.

1 Rapajko 6:30

Ar banar kandha reakʼ ot hõ sonateye tol ocokeda.

2 Bõsbudạ 3:6

Ona chaḍa damanakʼ dhirikote uni do oṛakʼe sajaokeda. Okaṭakʼ sonae beoharketʼ ona do Parawayim disạm reakʼ sona tahẽkana.