Jesaea 54:1 - সান্তালী বাইবেল

¹ Probhu Isore meneda, “E bạńjhi, one tisge gidrạ bam janam akatʼko, am do rạskạte sereńme; ar am okoe do tishõ bedon baṅ rakapʼ akatʼme, am do hulạsokʼme ar andoṛme; ente jãwãe menaetayicʼ khon bạgi giḍiyicʼren hopongeko saṅgegetaea.

Jesaea 54:1 Referans Kwoze

Galathiko lạgitʼ Pạul Apostolakʼ ciṭhi 4:27

Sonot sostorre olakana, “Hulạsokʼme E bạńjhi maejiu, one tisge gidrạ bam janam akatʼko, ar bedon hõ baṅ rakapʼ akatʼme, am do, sereń joṅme ar rạskạte andoṛme; ente jãwãe menaetayicʼ khon bạgi giḍiyicʼren gidrạgeko saṅgegea.”

Jesaea 62:4

Onko do “Bạgi akadeyicʼ ” ardo bako metama se amakʼ disạm reakʼ ńutum “Ujạṛakʼ do” bako metakʼa, bickom am do “Ińren dulạṛiạ” mentem hoho ocokʼa, ar amakʼ disạm do “Baplayicʼe” ńum ocokʼa, ente Probhu Isor do am iạteye kusikʼa ar amakʼ disạm reakʼ do bapla hoyokʼa.

1 Samuel 2:5

Okoekoakʼ lacʼ bige tahẽkan onko do ńitokʼ jomakʼ lạgitʼ eṭakʼkoakʼko kạmikana; menkhan okoe reṅgecʼko tahẽkan onko do reṅgecʼ cabayentakoa. Ar bạńjhiye tahẽkanicʼ do eae goṭen hoponren eṅgate hoyakana, menkhan ḍher hopon menakʼkotayicʼ doe nijor akana, uni do gidrạ bae janam daṛeako kana.

Sakariạ 9:9

“E Sion kuṛi, ma rạskạkʼme. E Jerusalem, hulạsokʼme. Ńelme amren raj do am ṭhene daraekana; uni doe dhoromgea ar uni ṭhen do bańcao menakʼa; uni doe mạ̃hirgea, ar gadha cetanre gadha hopon cetanreye decʼ hijukʼkana.

Sereńko 113:9

Bạńjhi do gidrạkoren rạskạwạnicʼ gogoye hoyocoyedea ar soṅsar reakʼ purạ ạidạri hõe emaekana. Probhu Isorakʼge sarhao hoyokʼtae ma.

Sephaniạ 3:14

E Sion kuṛi, ma sereńme; E Israel, ãṭ aṛaṅte hohoeme; E Jerusalemren kuṛi, am do kusikʼme ar amakʼ goṭa ontorte rạskạkʼme.

Jesaea 49:13

E sermako rạskạte sereńpe; E pirthimi, hulạsokʼme; E buru-ḍuṅgriko, hulạsokʼpe; ente Probhu Isor do acʼren hoṛko jiwi raṛecʼe emakoa ar santao ocokʼkan acʼren hoṛko cetanreye mãyãkʼa.

Jesaea 49:20

Amren okoeko hoponem atʼletʼko onko do am ṭhen hecʼkateko mena, ‘ale lạgitʼ niạ jaega do huḍińgea; tahen lạgitʼ arho maraṅ jaega emaleme.’

Jesaea 44:23

E serma, hulạsokʼme, ente Probhu Isorge noae nonka akada. E dhạrti reakʼ khạndriyakʼko, hulạsokʼpe. E bir buru ar onḍenakʼ dareko, ape do rạskạte andoṛpe, ente Probhu Isor do Jakobe chaḍao akadea ar Israel hotete acʼakʼ ṭhonoke sodortaea.

Soros sereń 8:8

Aleren mitʼṭen huḍiń misera menaetalea, uniyakʼ bạskin do ńit hõ ạuri harakʼtaea. Unire tisokʼ peṛako lagaokʼa enhilokʼ do cetʼle cekaea?

Genesis 21:6

Sarae menleda, “Isor doe landa ocokedińa, ar ona katha ańjomkate eṭakʼko hõko landaea.”

Jesaea 12:6

E Sionren hoṛko, ape do andoṛpe ar rạskạte sereńpe, ente Israelren uni sonoticʼ do maraṅgeae ape talare.”

Jesaea 24:14

Onko do rạskạteko andoṛa arko sereńa. Onko do pạchim secʼ khon ãṭ aṛaṅte Probhu Isorakʼ ṭhonokko sarhaotaea.

Jesaea 49:19

“Am dom jarkhar akana arem ujạṛakana ar amakʼ disạm do nasao akatʼ disạm leka hoyakanre hõ enhõ okteko hijukʼkana unre amren hoṛko amre jaega do bam em daṛeakoa, ar okoe amko tạhuṛletʼme onko doko sạṅgińokʼa.

Jesaea 66:7

Sion do bedon ạuri rakapʼaerege gidrại janam akadea; uniyakʼ haso ạuri rakabokʼrege mitʼṭen koṛa gidrại jamankedea.