Jesaea 53:7 - সান্তালী বাইবেল

⁷ Uni doe santao ocoyena ar duke jomkeda, menkhan enhõ acʼakʼ moca do bae jhicʼletʼtaea; uni do mage lạgidokʼkan bhiḍi hopon lekae tiyạkʼ idi ocoyena, ar kạpciyicʼ samaṅre hape akan bhiḍi leka uni do moca bae jhicʼletʼtaea.

Jesaea 53:7 Referans Kwoze

Mathae 26:63

Menkhan Jisu do hapegeye tahẽyena. Maraṅ naeke do arhõe metadea, “Jiwetʼ Isorreń kiriạ ocoyetʼme kana, lạiyaleme, am do Mạsi, Isorren Hopon kanam se baṅ?”

1 Patras 2:23

Hoṛko tinre uniko henostawadea unre uni do onko bae henostawatʼkoa, ar duk jom jokhecʼ hala ruạṛako lạgitʼ botor hõ bae udukʼatʼkoa, bickom acʼ do dhorom bicạricʼ ṭhengeye jimạyena.

Mark 14:61

Jisu do thirgeye tahẽyena, cetʼge bae roṛ ruạṛleda. Maraṅ naeke do arhõe kulikedea, “Am do cetʼ sarhaoanicʼ Isorren Hopon Mạsi kanam?”

Johan 19:9

Uni do arhõ oṛakʼ bhitrite bolokate Jisui kulikedea, “Am do oka khonem hecʼakana?” Menkhan Jisu do cetʼge bae roṛ ruạṛleda.

Luk 23:9

Uni do Jisu ḍhere kulikedea, menkhan Jisu do cetʼge bae roṛ ruạṛadea.

Mark 15:5

Menkhan Jisu do cetʼge bae roṛ ruạṛleda. Onate Pilạt doe hahaṛayena.

Johan 1:29

Dosar hilokʼ Johan do Jisu acʼ ṭhen hijukʼkane ńelkede khane menkeda, “Hạni ńelepe Isorren Bheḍa Hopon, one uni manwakoakʼ sanam kạiye gokʼ idiyetʼkan.

Johan sodor 5:6

Ponea jiwiyanko ar murubbiko talare okaṭakʼ siṅghạson tahẽkan, ona cetanre mitʼṭen Bheḍa Hopon teṅgo akaniń ńelkedea. Ińiń hudisetʼ tahẽkana pasecʼ uni Bheḍa Hopon doe gocʼ ocolen tahẽkana. Uni Bheḍa Hoponakʼ do eae goṭecʼ dereń ar eae goṭecʼ mẽtʼ tahẽkana. Ar Isorren eae goṭen Jiu okoe do dhạrti reakʼ sanam jaegateko kol ocokʼkan ona mẽtʼko do onko eae goṭen Jiu kanako.

Numeri 7:27

jeredokʼ samaṅokʼ lạgitʼ mitʼṭen ḍaṅgra, mitʼṭen bheḍa, mitʼ bochor umerren mitʼṭen bheḍa hopon;

Sereńko 44:22

Menkhan enhõ am lạgitʼge jao ghuṛi aleren jãhãe baṅ jãhãeko gocʼ ocokʼkana, ar hoṛko do gur ocokʼ bhiḍiko lekageko hudisetʼlea.

Jesaea 53:6

Abo sanamkoge bhiḍiko leka bon asokʼ ṭayokʼlena; abo mimitʼko do apan ạpin horte bon mohnḍalena. menkhan Probhu Isor do aboakʼ sanam ghạṭko acʼreye ladeyana.

Jirimiạ 11:19

Iń do gure lạgitʼ tiyạkʼ idiyekan bheḍa hopon lekań tahẽkana; iń do bạń bujhạu daṛeada, onko do noa menkate iń upạrteko soṛojontro kana mente, “Dela, abo do dare ar ona reakʼ jo bon nosṭoea; dela, abo do jiwetʼkoakʼ disạm khon uni bon getʼ giḍikaea jemon uniyakʼ ńutum do alo disạkʼtae.”

Sereńko 38:14

Okoe bae ańjom ar okoeyakʼ mocare jãhãn ạnḍuṅteakʼ bạnukʼtae, onka lekage iń doń hoyakana.

Sereńko 38:15

E Probhu Isor, iń do am secʼ iń koyokʼ hor akada; E Probhu, ińren Isor, amgem roṛ ruạṛạńạ;

Jesaea 50:6

Okoeko daleńkan onko ṭhen ińakʼ dea doń alae akatʼtińạ ar okoe ińakʼ gocoko racakʼ topakʼ akatʼtiń onko do ińakʼ johageń samaṅ akatʼkoa. Ar tinre ińko opoman arko thoạńkan tahẽkana unre ińakʼ mẽtʼãhã do bạń betʼ esetʼletʼtińạ.