Jesaea 53:5 - সান্তালী বাইবেল

⁵ Aboakʼ kại gunạkʼtege uni doe ghạl ocolena; aboakʼ ghạtko iạtege uni doe talga tạuạkʼ ocoyena. Okaṭakʼ sạjại hotete abore suluk hecʼakan ona sạjại do unigeye em ocoyena, ar uniyakʼ dal ur iạte abo do bon bogeyena.

Jesaea 53:5 Referans Kwoze

1 Patras 3:18

Mạsi hõ kại iạte mitʼ dhaogeye gocʼlena. Isor ṭhen idibon lạgitʼ uni dhorom hoṛ do kại hoṛko lạgitʼ, metakʼme, abo lạgitʼe gocʼlena. Uni do hoṛmo secʼteye gocʼ ocolena, menkhan Jiu secʼteye jiwetʼ beretʼ ocoyena ar bondi akan jiuko ṭhen hõ senkateye porcarleda.

Mathae 20:28

Manwa Hopon do sapʼsor ocokʼ do bae hecʼakana, bickom sapʼsosor lạgitʼge, ar ạḍi utạr hoṛko bodolte chaḍaokʼ reakʼ dam menkate acʼakʼ jiwi emokʼgeye hecʼakana.”

2 Korinthiko 5:21

Jisu Mạsire jãhãn kại do baṅ tahẽkana; menkhan Isor do aboakʼ kạiko unireye ladekeda ar unige kạiyicʼe hoyocokedea, jemon Mạsi tulucʼ jopoṛao akan bon tahente Isorakʼ dhoromte dhorom bon hoyokʼ.

Ibriko 10:14

ente Isorakʼ monsubạ lekate okoeko begar ocoakan ona mitʼṭen dãṛẽ hotete uni do jaejug hạbicʼ onkoe sạbit ocoakatʼkoa.

Romiko lạgitʼ Pạul Apostolakʼ ciṭhi 4:25

Aboakʼ kạiko iạte Jisu do gujukʼ tireye soprotʼlena ar dhorom menteye ataṅ bon lạgitʼ uni do gocʼko khone jiwetʼ beretʼ ocoyena.

Ibriko 10:10

Isorakʼ sana lekage Jisu Mạsiyakʼ hoṛmo mitʼ dhao samaṅente abo dobon begar ocoakana.

1 Korinthiko 15:3

Ente okaṭakʼ iń ńamakatʼ ona do sanam khon jạruṛanakʼ mente ape hõń em akawatʼpea; ona do hoyokʼ kana sonot sostor reakʼ katha leka Mạsi do aboakʼ kại gunạkʼteye gocʼlena,

Ibriko 9:28

Ṭhik onkage ạdi utạr hoṛakʼ kại reakʼ bojha gokʼ idi lạgitʼ Mạsi hõ mitʼ dhãogeye dãṛẽyena. Uni do dosar dhaoe hijukʼa, menkhan unre kại ńutumte gujukʼ lạgitʼ do baṅ, bickom acʼ ńel horekan hoṛko bańcaoko lạgitʼgeye hijukʼa.

Ephesiko lạgitʼ Pạul Apostolakʼ ciṭhi 5:2

Mạsi cetʼlekae dulạṛaketʼ bon ar abon lạgitʼ Isor ńutumte jut so lạgitʼ samaṅokʼakʼ lekate acʼtetʼgeye emen, ṭhik onkage ape hõ dulạṛ horte taṛampe.

Daniel 9:24

“Amren hoṛko ar amakʼ sonot nagraha lạgitʼ eaegel hapta ṭhik dohoakana. Ar onako oktere bạṛicʼakʼko do cabakʼa, bedhorom hõ baṅ tahena, kại do puruchunokʼa, ar jaejug dhoromge bikạukʼa, dorson ar nạbi katha purạukʼa ar sonot utạrakʼ ṭhạ̃i do ojokʼ bahal ocokʼa.

Genesis 3:15

Iń do am ar maejiu talare ar amren bõsko ar maejiuko hotete hijukʼkan bõsko talare bạiriń janam ocoya. Ona bõsren mitʼ hoṛ do amakʼ bohokʼe gejer tama ar am do uniyakʼ iḍim sogagtaea.”

Sakariạ 13:7

Phạdkoren Probhu Isore meneda, “E tarwaṛe, am do ińren gukʼpiko upạrte, ińren sãoten hoṛko upạrte, ebhenokʼme. Gukʼpiyicʼ iń mageya, enḍekhan bhiḍiko doko chir chạturokʼa; ar iń do bhiḍi hoponko upạrte hõ tiyiń tula.

Ibriko 5:8

Menkhan Isorren Hopon hoykatere hõ uni do duk saset talate batao reakʼe cetʼleda.

Dosar Biboron 11:2

Teheń disạ dohokakʼpe, noako katha do ape ṭhengeń meneda, aperen hoponko ṭhen do baṅa, ente onko do aperen Isorakʼ benao rakapʼakʼ reakʼ do bako baḍaea ar ńelhõ bako ńelakada. Onko do uniyakʼ ṭhonok ar uniyakʼ daṛeanakʼ tiạrakatʼ ti hõ bako ńel akatʼtaea.

Sereńko 30:2

E Probhu, ińren Isor, goṛowạń lạgitʼ iń hohowatʼmere am dom boge utạrkedińa.

Kạhtukko 20:30

Dal ghao do bạṛicʼakʼe saphayeda, ar mon reakʼ dal do ontor reakʼ bhitri jaegakoe guricʼ saphayeda.

Jesaea 6:7

Ar ona aṅgra do ińakʼ mocare jakʼketʼteye menkeda, “Ńelme, noa do amakʼ luṭikine joṭetʼkeda; amakʼ behokakʼko do sạṅgiń akana ar amakʼ kại do ikạyentama.”

Jesaea 40:2

Jerusalemren hoṛko sãote mạ̃hir salakʼ katha roṛpe, ar onko ṭhen niạ katha lại sodorpe, onkoakʼ duk ar kosṭo do caba akana, onkoakʼ ghạṭko do ikạ akantakoa, onkoakʼ sanam kạiko reakʼ jo do Probhu Isor ṭhen khon purạgeko ńamakada.”

Jesaea 57:18

Manwakoakʼ hor doń ńelakatʼgea, ar enhõ onko doń bogekoa. Iń do onkoń ạyurkoa ar hirdạukʼkanko hõ jiwi raṛecʼiń danakoa.

Jobakʼ 33:24

enḍekhan uni cetanre dayakateye men, ‘Sheolte pheḍ calakʼ khon rukhiyạyem; iń do uni iạte chaḍao reakʼ damiń ńamakada.’