Jesaea 52:7 - সান্তালী বাইবেল

⁷ Buruko cetanre uniyakʼ jaṅga do heṛan mońj, okoe boge hukigot emokʼ lạgitʼe hijukʼkan, suluke lại jạhiretʼkan ar bhạlại reakʼ sombate ạguiyetʼkan, babańcaoe lại sodoretʼkan ar Sione metaekan, ‘amren Isor doe rajokʼ kana,’

Jesaea 52:7 Referans Kwoze

Nạhum 1:15

Okoeṭakʼ hoṛ bhage sombate ạguyetʼkan ar suluk reakʼe roṛetʼkan, ma ńelme uniyakʼ jaṅga do buru cetanre menakʼtaea. E Jihudạ, amakʼ porobko palonme ar okaṭakʼ manotem dohoakatʼ ona purạume. Dusṭạmi hoṛ do ar bako akromonmea; onko doko marao ocokʼa.

Mark 16:15

Jisui metatʼkoa, “Ape do dhạrti reakʼ sanam jaegate calakʼpe ar sanam hoṛko ṭhen Isorakʼ bhage sombat porcarpe.

Ephesiko lạgitʼ Pạul Apostolakʼ ciṭhi 6:15

suluk reakʼ bhage sombat porcar lạgitʼ jaṅga sapṛaokate teṅgo ṭak akan tahenpema.

Jesaea 40:9

E Sion, bhage sombat jạkʼhiricʼ, am do usul burute rakapʼ calakʼme. E Jerusalem, bhage sombat jạkʼhiricʼ, am do ãṭ aṛaṅte hohoeme, ar alom botorokʼa; Jihudạ reakʼ nagraharen hoṛko metakom, “Hạni ńelepe aperen Isor!”

Sereńko 93:1

Probhu Isorge rapaj do; uni do ṭhonok reakʼ kicricʼe horokʼeda, uni do kajakte ḍanḍae paṭhe akatʼtaea; dhạrti do ạḍi keṭecʼte tearakana, ona do tishõ baṅ ḍikạḍakekʼa.

Mathae 28:18

Unre Jisu do hecʼsorkateye metatʼkoa “Serma ar dhạrti reakʼ sanam ektiạri do iń ṭhen emakana.

Jesaea 24:23

Ńindạ cando doe nak kaṭakʼa ar siń cando doe lajaokʼa, ente phạdkoren Probhu Isor do Sion buru ar Jerusalemreye rajokʼa, ar onaren murubbiko do uniyakʼ ṭhonokko ńela.

Sereńko 68:11

Probhu Isor do hoṛkoe hukumatʼkoa; ar bhage sombat lại jạhir maejiuko doko ḍhergea.

Luk 2:10

Serma goḍet do onkoe metatʼkoa, “Alope botorokʼa, ente ape ṭhen ạḍi rạskạ reakʼ sombat iń ạguakada. Noa rạskạ do sanam hoṛko lạgitʼ kana.

Mark 13:10

Sanam jạt jạtrenko ṭhen Isorakʼ bhage sombat do porcar maṛaṅ hoyokʼa.

Johan sodor 14:6

Ona tayom iń do arhõ mitʼṭen serma goḍet coṭ sermare uḍạukʼkaniń ńelkedea. Dhạrtiren tahenkan hoṛko ṭhen metakʼme mimitʼ jạtren, bõsren, pạrsiren, ar disạmren hoṛko ṭhen porcar lạgitʼ uni ṭhen jaejug hạbicʼ reakʼ bhage sombat tahẽkana.

Sakariạ 9:9

“E Sion kuṛi, ma rạskạkʼme. E Jerusalem, hulạsokʼme. Ńelme amren raj do am ṭhene daraekana; uni doe dhoromgea ar uni ṭhen do bańcao menakʼa; uni doe mạ̃hirgea, ar gadha cetanre gadha hopon cetanreye decʼ hijukʼkana.

Luk 24:47

Arhõ ol menakʼa, Jerusalem khon ehopʼkate sanam jạtrenko ṭhen kại ikạkʼ lạgitʼ mon ạcur porcarokʼa.

Soros sereń 2:8

Ote ańjompe, ińren dulạṛiạwakʼ sabad, hạni ńelepe, uni doe hijukʼ kana; uni do buru boṭkocʼ cetante don donteye hijukʼ kana.

Sereńko 99:1

Probhu Isor doe raj kana; sanam jạtrenko thar tharaokʼma. Uni do Kerubkin cetan siṅghạsonreye duṛupʼ akana; ar dhạrti do dalmalaokʼma.

Johan sodor 11:15

Tayomte eaeyicʼ serma goḍet do acʼakʼ siṅgại oroṅkeda. Unre sermare ãṭ aṛaṅte roṛena, “Dhạrti reakʼ rajosṭi do ńitokʼ aboren Probhu Isor ar uniren Mạsiyakʼ hoyena.

Mikạ 4:7

Leḍhako do jiwetʼ iń dohokoa ar laga ńir hoṛko do mitʼṭen daṛean jạtreniń hoyocokoa. Ar iń Probhu Isorge enhilokʼ khon jaejug hạbicʼ Sion burure onko cetanreń rajokʼa.

Jesaea 33:22

Probhu Isorge aboren hokren bikʼcạricʼ ar aboren cakʼlaoyicʼ do; Probhu Isorge aboren raj, unige abo doe rukhiyạbona.

Sereńko 96:10

Jạt jạtrenko ṭhen lại sodorpe, “Probhu Isorgeye raj kana mente. Dhạrti do ṭarhao kajak akana, ona do tisge baṅ ḍikạḍakekʼa; uni do dhoromte sanam jạtrenkoe ḍanṭaokoa.”

Mathae 25:34

“Inạ tayom raj do acʼakʼ jojom secʼrenkoe metakoa, ‘Okoe ińren Babawakʼ bhorpe ńamakatʼ, dela hijukʼpe. Dhạrti reakʼ rehetʼ khon okaṭakʼ rajosṭiye tear akatʼpe ona baṛe ạidạrijoṅpe.

Sereńko 59:13

Am do edrete onko marao giḍikakome, jemon onko do ar bako tahen; ar nonkate dhạrtiren sanamkoko baḍaea, Isorge Jakob bõsrenko cetanreye rajokʼa mente. (Sela)

Sereńko 97:1

Probhu Isorgeye raj kana; dhạrti doe rạskạkʼma, ar sạṅgiń reakʼ dipko hõko kusikʼma.

Jesaea 41:27

Iń do pạhilre Sioniń men akadea ar ńelkom onko doko hecʼakana. Jerusalem do mitʼṭecʼ bhage sombat emokʼicʼ hoṛiń em akadea.

Jesaea 42:11

Hahaṅkar ar ona reakʼ nagrahakoren do ãṭteko sarhao sereńma; Kedarre tahenkanko hõko sarhao sereńma, Selaren hoṛko hõ hulạsateko sereńma, buru reakʼ cuṛạ khon hõ rạskạteko sereńma.

Sereńko 98:2

Probhu Isor do acʼakʼ bańcao reakʼ kạmiye udukʼ akada; sanam jạtrenko samaṅre acʼakʼ dhorom kạmi reakʼe sodor akada.

Sereńko 98:3

Israel jạtrenko lạgitʼ acʼakʼ asambheṛ dulạṛ ar pạtiạr reakʼ katha uni doe disạ dohoakada; ar aboren Isorakʼ bańcao reakʼ kạmi do goṭa dhạrtiren hoṛko ńelakada.

Nạhum 2:1

E Niniwi, okoeṭakʼ hoṛ doe chiṭiạu giḍikakʼkan uni do am upạrteye hijukʼkana. Pạcri gaṛko cetanre amren lạṛhại phạdko sapṛaokom, ar ḍahar horhoeme, ḍanḍa paṭhe keṭejokʼme ar lạṛhại phạdko jarwakom.