Jesaea 52:5 - সান্তালী বাইবেল

⁵ Ar nonḍe ńitokʼ ińakʼ do cetʼ menakʼtińạ? Ińren hoṛko do ạuṛiyakʼteko idi ocoakana, ar disạm cakʼlaoko do onko cetanreko kạumạueda; ar siń sạṭupʼ ińakʼ ńutumko nindạuetʼ kana.

Jesaea 52:5 Referans Kwoze

Romiko lạgitʼ Pạul Apostolakʼ ciṭhi 2:24

Sonot sostorre olakana, “Ape iạtege boṅgan hoṛ jạtrenko do Isorakʼ ńutumko henostawakʼ kana.”

Sephaniạ 1:10

Probhu Isor do arhõe meneda, “Enhilokʼ do hako phaṭok duạr ṭhen khon rakʼ reakʼ aṛaṅ ar nagraha reakʼ dosar hĩs khon homor halaṅ ar buruko secʼ khon do rạputʼ ńurokʼkan reakʼ saḍege ańjomokʼa.

Jeheskel 20:14

Menkhan ińakʼ ńutum rukhiyại tiń lạgitʼ iń do ona bạń onkaleda, jemon okoe jạtrenko samaṅre onkoń oḍok giḍiletʼko onko ṭhen ińakʼ ńutum besonotakʼ alo hoyokʼtiń.

Jeheskel 20:9

Menkhan ińakʼ ńutum rukhiyại tiń lạgitʼ ona do bạń onka akada, jemon okoe jạtrenko talareko girobasokʼ kan tahẽkan onko ṭhen ińakʼ ńutum besonotakʼ alo hoyokʼ. Misor disạm khon Israelko oḍok ạgukate onko jạtrenkoakʼ mẽtʼ samaṅre Israelko ṭhen ińtetʼ geń sodorena.

Rak̕joṅ 2:3

Jaljalaokʼkan edrete uni doe makʼ giḍi akada Israel reakʼ mitʼke mitʼ dereńko. Bạiriko samaṅ khon uni do acʼakʼ jojom tiye or ruạṛ akatʼtaea. Beṛhaete sanamakʼko ḍahao lạgitʼ uni do seṅgel lepʼ leka Jakobreye jol rakapʼ akana.

Rak̕joṅ 1:21

Hoṛko do ińakʼ kuhrạuko ańjomakada, menkhan jiwi raṛejtiń lạgitʼ do celege bạnukʼkoa. Ińren sanam bạiriko do ińakʼ kosṭo reakʼ kathako ańjomakada; ar amem onka akatʼte onko doko rạskạkʼ kana. Ona din baṛe hecʼ ocoyme okaṭakʼem jạhirakatʼ jemon ona dinre iń lekako hoedaṛeakʼ.

Jirimiạ 50:17

“Israel do chirchạtur akan bhiḍi palko leka kanae one dhạcri kule laga akade. Pạhilre Ạsurren raj do uniye jomkedea; ar mucạtʼre Babelren raj Nebukadnesar do uniyakʼ jaṅkoe tạhuṛketʼtaea.

Jesaea 52:3

Probhu Isore meneda, “Begor damtem ạkhriń ocolena arhõ begor damtegem chaḍao ocokʼa.

Jesaea 51:23

Ona bạṭi do amren cikʼpạkankoakʼ tireń jimạya, ar okoe amko metam kan, ‘ma ombagokʼme, jemon am cetanteń taṛam parom daṛeakʼ.’ Am cetante taṛam paromokʼ lạgitʼ amakʼ dea do ot ar kulhi lekam hoyocoakada.”

Jesaea 51:20

Amren hoponko doko jhin jhinạu akana; onko do kulhi mucạtʼre jhạlire sapʼakan jhaṅkaṛ jel lekako giticʼ akana. Onko cetanre Probhu Isorakʼ edre, amren Isorakʼ sạjại onkore paṛao akana.

Jesaea 47:6

Ińren hoṛko cetanre ińakʼ edre do caṛhaolentińạ ar ińakʼ sompotti doń bhõnḍ ocoleda. Onko do amakʼ tireń soprotletʼkoa ar am do onko cetanre bam mãyãlena. Ar haṛam hoṛko hõ hamal bojham ladeyatʼko tahẽkana.

Jesaea 37:28

Menkhan am do okarem tahen kana ar tinrem hijukʼkana arem calakʼkana ar cedakʼ iń upạrtem raṅgaokʼkana onako joto doń baḍaegea.

Jesaea 37:6

Unre Jesaea do onkoe metatʼkoa, “Aperen kisạ̃ṛpe metaea, Probhu Isore meneda, ‘okaṭakʼem ańjomakatʼ, metakʼme Ạsur rajren gutiko iń upạrte oka henosta kathako roṛ akatʼ onate am do alom botorokʼa.

Jesaea 22:16

‘nonḍe do cetʼem ceka kana? Ar nonḍe amakʼ topa lae lạgitʼ, usul jaegare amakʼ topa ṭhạ̃i ṭhik lạgitʼ, ar buru kholaokate jirạukʼ jaega benao lạgitʼ ạidạri do okoeye em akatʼmea?

Sereńko 74:18

E Probhu Isor, alom hiṛińa bạiri do amko landa dhutʼam kana, ar bebujko do amakʼ ńutumko nindạuetʼtama.

Sereńko 74:10

E Isor, bạiriko do ar tinạkʼ dinko landa dhudhutʼa? Jaejugge cetʼ onko do amakʼ ńutumko nindạutama?

Sereńko 44:12

Am do begor damtege amren hoṛkom ạkhriń akatʼkoa; ar noa iạte cetʼ amakʼ jãhãnakʼ lab hoyakantama?

Bikʼcạrko 18:3

Unre onko do uni Liwi koṛawakʼ aṛaṅko oromketʼtaea. Ar bhitrite bolokateko kulikedea, “Nonḍe do okoeye ạgu akatʼmea? Ar am do nonḍe cetʼem ceka kana ar cedakʼ baṅem hecʼakan?”

Exodus 3:7

Probhu Isore menkeda, “Misor disạmre ińren hoṛko cetanre oka santao hoyokʼkan ona doń ńelakada. Misorren sordarkoakʼ santao iạte Israelkoakʼ rakʼ do iń ṭhen seṭerakana. Onkoakʼ duk saset reakʼ katha hõń baḍae akada.

2 Samuel 12:14

Menkhan noam kạmi akatʼte am do Probhu Isorren bạiriko nindạu reakʼ ạtem ematʼkoa. Ona iạte amren okoeṭakʼ gidrại janam akan uni do khạṭigeye gujukʼa.”