Jesaea 52:14 - সান্তালী বাইবেল

¹⁴ Uniyakʼ rup do nunạkʼ bạṛicʼ ocokʼtaea, manwa leka do baṅ tahentaea; ar onate ḍherkoge uni ńelteko ṭhak utạrokʼa.

Jesaea 52:14 Referans Kwoze

Jesaea 50:6

Okoeko daleńkan onko ṭhen ińakʼ dea doń alae akatʼtińạ ar okoe ińakʼ gocoko racakʼ topakʼ akatʼtiń onko do ińakʼ johageń samaṅ akatʼkoa. Ar tinre ińko opoman arko thoạńkan tahẽkana unre ińakʼ mẽtʼãhã do bạń betʼ esetʼletʼtińạ.

Mathae 26:67

Unre mẽtʼãhãreko thoadea, arko kuhạukedea arko thapakedea.

Sereńko 22:17

Ińakʼ jaṅkoń lekha daṛeakʼ kana; onko hoṛ do cahapʼkateko ńeleń kana arko ńel mojayediń kana.

Mathae 27:14

Onate disạm cakʼlaoyicʼ do ạḍiye hahaṛayena.

Luk 22:64

Ar mẽtʼko betʼketʼtaete uniko metadea, “Mase lạime, okoeye dalketʼmea?

Sereńko 22:15

Hasa bhajan reakʼ rạputʼ kelhatʼ leka ińakʼ daṛe do rohoṛ hijukʼ kana, ar ińakʼ alaṅ hõ jambere jaladokʼkana; am do gujukʼ reakʼ dhuṛirem gạḍiạu kedińa.

Mark 7:37

Onate hoṛko do hahaṛayenteko menkeda, “Jotowakʼ tinạkʼ bhageye kạmiyeda. Uni do kalakoe ańjom ocoyetʼkoa ar guṅgạko hõ katha roṛ reakʼ daṛeye emako kana.”

Mark 6:51

Ado Jisu lạukạreye decʼen khan hoe do thirgotʼena. Ar celako doko ṭhak utạrena,

Mark 5:42

Ar inạtege kuṛi doe beretʼena ar taṛam baṛaye ehopʼena. Noa iạte onko do ạḍitetʼko hahaṛayena.

Mathae 7:28

Jisu noako kathae mucạtʼketʼ khan gadel hoṛ do uniyakʼ cecetʼakʼteko hahaṛa cabayena,

Sereńko 71:7

Iń ńelte ḍher hoṛge cahapʼkateko koyokʼ kakʼa, menkhan am do ińren aotan gaṛ kanam.

Luk 5:26

Onate sanam hoṛko ṭhak cabayena ar botorokʼ salakʼ Isor sabasiyaeteko menkeda, “Teheń do hahaṛawakʼge bon ńelkeda!”

Luk 4:36

Noa iạte jotogeko hahaṛayena ar ako akore menjoṅko ehopʼena, “Noa baṅ oka lekan katha kan! Uni do ektiạri ar daṛe salakʼ bạṛicʼ jiukoe hukumako kana ar onko doko oḍok calakʼkana!”

Luk 2:47

Ar okoeko Jisuakʼ kathako ańjometʼkan tahẽkan, onko sanamko do uniyakʼ akel ńelte ar uniyakʼ roṛ ruạṛ ańjomteko ṭhak utạrokʼkan tahẽkana.

Mark 10:32

Inạ tayom Jisu ar acʼren celako do Jerusalem horteko rakapʼ calaoena. Ar Jisu do onko laha lahateye calakʼkan tahẽkana; ar celako do hahaṛakʼ tulucʼ uni sãoteko calakʼkan tahẽkana ar okoeko hoṛ uniko pańja idiyede tahẽkan onko doko botorokʼkan tahẽkana. Jisu do acʼren gelbar celako mitʼ secʼe hoho begarketʼkote acʼre hoyokʼ lạgidokʼ reakʼ katha lại akoe ehopʼkeda.

Mark 10:26

Noa iạte celako do arhõko bhaṛoyente ako talare memenko ehopʼena, “Enḍekhan kại khon do okoeye bańcao daṛekokʼa?”