Jesaea 52:12 - সান্তালী বাইবেল

¹² Menkhan usạrate do alope oḍok hijukʼa se alope dạṛ ạguiya, ente Probhu Isor do ape laha lahateye calakʼa; ar Israelkoren Isorgeye samṭao idipea.

Jesaea 52:12 Referans Kwoze

Jesaea 58:8

Enḍekhan apeakʼ marsal do aṅga marsalokʼ leka jhak jhakokʼa ar usạratepe bogekʼa; apeakʼ dhorom do ape laha lahate calakʼa ar ińakʼ ṭhonok do ape tayomte rurukhiyạwakʼge hoyokʼa.

Dosar Biboron 20:4

Ente bạiriko sãote lạṛhạikate jitạu ocope lạgitʼ iạte aperen Probhu Isor do ape sãoteye calakʼ kana.’

Jesaea 45:2

Uni do Korese metaekana, “Am laha lahate senkate burukoń mitʼsãoa; ar pitạl reakʼ silpińkoń rạpuda ar mẽṛhẽtʼ reakʼ huṛkạṛkoń samakʼ kuṭrạya.

Mikạ 2:13

Bondi dosa khon ruạṛ hijukʼ lạgitʼ okoe do hore jhij uni do onko laha lahateye calakʼa; onko do phaṭok duạr rạputʼkateko oḍok calakʼa. Probhu Isor, okoe doe onkoren rajkan, uni do onkoe ạyur idikoa.

1 Bõsbudạ 14:15

Ar konḍeya darekore tinre lạṛhại phạdko parom calakʼ reakʼ sabad lekam ańjoma unre am do lạṛhại lạgitʼem oḍok hijukʼa. Noa reakʼ mane do hoyokʼkana, Philisṭikoren lạṛhại phạdko ńẽtʼko lạgitʼ Isor do am laha lahateye calao akana.”

Numeri 10:25

Jotoko khon tayom do Dan nisạnren eṭakʼ eṭakʼ dolren hoṛko mohnḍayena. Noko do rurukhiyạ dol lekate sanam dolko khon tayomteko mohnḍayena. Dan gusṭiren mukhiyạ do Amisadae hopon Ahiesere tahẽkana.

Exodus 12:11

Ona do nonka tahẽkatepe joma; apeakʼ kicricʼ do ḍanḍare paṭhe akae tahenma, jaṅgare panahi ar tire hõ ṭheṅga tahentape ma. Ona do usạrate onape joma. Ar noage Probhu Isor ńutumte bańcaokʼ porob reakʼ bhoj do hoyokʼa.

Bikʼcạrko 4:14

Unre Debora do Barake metadea, “Am do laha idikʼme, Probhu Isor do teheńge amakʼ tire Siserae jimạ akadea. Probhu Isor do am laha lahateye senakana. ” Unre Barak do Tabor buru khone pheḍ hecʼena ar uni tayomte gel hajar hoṛko senena.

Exodus 12:39

Oka bin khạmiyanakʼ sipiyakʼ holoṅ ḍhimbạ Misor disạm khonko ạgu daraletʼ onate horre piṭhạko benaokeda. Ar nunạkʼ usạra Misor khonko oḍok ocoyena, onko do holoṅ sãote khạmi mesal reakʼ somoe hõ bako ńamleda ar horre jom lạgitʼ jãhãnakʼ hõ bako benao daṛeada.

Exodus 12:33

Misriko hõko botorena, ente hoedaṛeakʼa onko hõko gujukʼa. Onate onko do Israelko usạrae lạgitʼko metatʼkoa jemon usạra disạm khonko oḍok calakʼ.

Jesaea 51:14

Bondi akanko do usạrageko aṛakʼ ocokʼa. Onko do kạd oṛakʼ reakʼ khạndṛuṅre bako gujukʼa, ar jomakʼte hõ bako ṭonṭakʼa.

Exodus 14:8

Probhu do Misorren raj Pharaoakʼ mone keṭecʼ ocoketʼtaea. Ar Israelko dilkate samaṅ secʼko sen idikʼkan tahẽkanre uni do onkoe khudạu idiketʼkoa.

Jesaea 28:16

Onatege Probhu Isor do niạ kathae meneda, “Ńelpe, biḍạu aṭkarkate mitʼṭecʼ dhiriyiń bachao akawana; ona do Sion reakʼ konac dhiri lekateń bạisạu akada. Okoe onareye pạtiạukʼ uni do ṭarhao akane tahena.

Dosar Biboron 16:3

Uni janwarakʼ jel do khạmi mesalakatʼ piṭhạ sãote alope joma. Menkhan eae din hạbicʼ apeakʼ duk disạite bin khạmiyanakʼ piṭhạpe joma, ente Misor disạm khon usạratepe oḍok hecʼakana. Onate Misor disạm khon oḍok hijukʼ reakʼ katha jiwetʼ jonompe disạ dohokakʼa.

Josuạ 6:9

Ar okoe naekeko sakwako oroṅetʼ tahẽkan onko laha lahate do khanḍa bhanḍako sapʼakatʼ palṭonko ar sinduk tayom tayomte do rurukhiyạkoge. Ar naekeko do goṭa hor sakwa oroṅtegeko tahẽyena.

Jesaea 26:7

Isor botorae hoṛkoakʼ hor do somangea; E dhoromicʼ, am do Isor botoraekoakʼ horem somaneda.

Jesaea 42:16

Kãṛãkoń ạyurkoa, ar bako baḍaekan ar ona suṛucʼ horteń idikoa. Ar ńut do onko laha lahateń marsal ocoya ar harcatʼ hurcutʼ hor doń mitʼsão utạra. Iń do niạkoń nonkaea, ar khạṭigeń nonkaea.

Jesaea 49:10

Onko do baṅ reṅgecʼkoa, ar baṅ tetaṅkoa se hahaṅkar reakʼ lolo se siń cando reakʼ jharla jhạrli setoṅ hõ baṅ paṛaoakoa. Onko cetanre okoeye mãyãkʼkan unige hore udukʼakoa ar dakʼ jharna ṭhene ạyur idikoa.

Jesaea 49:11

Ińakʼ sanam buruko do horiń hoeocoya; ar ińakʼ ḍaharko do sạriạukʼa.

Jesaea 57:18

Manwakoakʼ hor doń ńelakatʼgea, ar enhõ onko doń bogekoa. Iń do onkoń ạyurkoa ar hirdạukʼkanko hõ jiwi raṛecʼiń danakoa.

Josuạ 4:11

Ar sanamkoko paromen khan naekeko do Probhu Isorakʼ goha-sindukante hoṛko samaṅteko rakapʼ hecʼena.