Jesaea 52:11 - সান্তালী বাইবেল

¹¹ Ma oḍokokʼpe, men ona jaega khon oḍok hijukʼpe. Ar chutakʼ jãhãn jinisko alope joṭeda. Ape okoe Probhu Isorakʼ bhajankope gokʼ idiyetʼ ape do ona jaega khon oḍok hijukʼpe ar saphakʼpe.

Jesaea 52:11 Referans Kwoze

2 Korinthiko 6:17

Arhõe meneda, “Onate ape do be pạtiạuko tala khon oḍok hijukʼpe ar begarokʼpe. Ar jãhãn besaphawakʼko alope joṭeda, enḍekhan ińgeń ataṅ darampea.”

Jesaea 48:20

Ape do Babel khon oḍok calakʼpe, ar Babelrenko khon dạṛ pharakokʼpe. Ar rạskạ reakʼ aṛaṅte lại saḍepe ar noa jạhirpe, “Probhu Isor do acʼren golam Jakobe chaḍao akadea.”

Ephesiko lạgitʼ Pạul Apostolakʼ ciṭhi 5:11

Ńut reakʼ bin jowanakʼ kạmikore do alope seledokʼa; bickom onako reakʼ dos udukʼakope,

Jesaea 1:16

Ape do apnartetʼ khạṭikʼpe ar saphakʼpe. Ińakʼ mẽtʼãhã samaṅ khon apeakʼ sanam bạṛicʼ kạmiko sạṅgiń giḍikakʼpe; ar onako alope kạmiya.

Levitikus 10:3

Unre Mose do Arone metadea, “Probhu Isore meneda, ‘okoe iń ṭhenko hijukʼ onko do sonot mente jemonko manaoiń. Ar sanam hoṛko samaṅre jemon iń ṭhonokokʼ.’ ” Ar Aron do hapegeye tahẽyena.

Johan sodor 18:4

Ona tayom iń do serma khon ar mitʼ hoṛ roroṛ kaniń ańjomkedea, “E ińren hoṛko, ape do Babel khon oḍok hijukʼpe jemon uniyakʼ kại reakʼ bhạgiyạdarko alope hoyokʼ, ar okako sạjại unire ńurokʼ ona okaṭakʼge jemon alo paṛaoape.

1 Patras 2:11

E gateko, noa dhạrtire ape do upriạko kanape ar eṭakʼ disạmre thoṛa dinpe tahẽnkante iń do asokaeteń nehõrape kana, jel reakʼ sana khon sahaṛ akae tahenpe,

Romiko lạgitʼ Pạul Apostolakʼ ciṭhi 14:14

Probhu Jisu tulucʼ bon kolom mitʼ akante iń do bes okocʼteń baḍaea je, okaṭakʼ jomakʼ hõ besaphawakʼ do baṅkana, menkhan jãhãe jãhãn jomakʼ besaphagea menteye hudisetʼ khan enḍekhan uni lạgitʼ ona jomakʼ do besaphagea.

Aposkạmi 10:28

Uni doe metatʼkoa, “Ape mape baḍaege je, mitʼṭen Jihudi hoṛ do mitʼṭen boṅgan hoṛ sãote gatekʼ se uni sãote ńapamokʼ hõ aleakʼ dhorom reakʼ ạn-ạri birudkana. Menkhan Isor do ińe udukʼ akawạdińạ, okoe hõ besapha se chut mente metako do lek baṅkantińạ.

Aposkạmi 10:14

Patrase menkeda, “Baṅa, E Probhu, ohoge hoedaṛelena. Besapha ar chutakʼ do tis hõ bạń jomakada.”

Jeheskel 44:23

Iń ńutumte okaṭakʼ begar dohoakan ar oka baṅ begar akan ona tala reakʼ ińren hoṛko cetʼakoa ar okaṭakʼ saphawakʼ ar okaṭakʼ baṅ saphawakʼ onako udukʼakoa.

Jirimiạ 51:45

“E ińren hoṛko, Babel khon oḍok hijukʼpe. Apan ạpin jiwi rukhiyạitape. Probhu Isorakʼ jolokʼkan edre khon ńir pharakokʼpe.

Jirimiạ 51:6

Ape do Babel khon dạṛjoṅpe. Ar apan ạpin jiwi rukhiyạitape. Uniyakʼ kại iạte alope maraokʼa. Probhu Isor do hala hạli reakʼ okte seṭer akantaea; uniyakʼ oka kuṛại ona doe ńamgea.

Jirimiạ 50:8

“E Israelko, ape do Babel khon dạṛjoṅpe; Babelrenkoakʼ disạm bạgiyakʼpe ar pal laha lahate calakʼkan merom bodako leka hoyokʼpe.

Levitikus 11:47

Okaṭakʼ do saphawakʼ ar okaṭakʼ do besaphawakʼ, okoeṭakʼ janwarakʼ jelpe jom daṛeakʼa ar okoeṭakʼ janwarakʼ jel do bape jom daṛeakʼa ona do bujhạukatepe calakʼa.”

1 Patras 2:5

ar uni ṭhenpe hecʼakante jiwetʼ dhiri leka ape hotete Isorakʼ tahen oṛakʼ do benaokʼ kana. Onate naeke lekate Isor lạgitʼpe begar ocoakana, jemon nonkan sanam jiuanakʼ dãṛẽpe samaṅ one okaṭakʼ do Jisu Mạsi hotete Isorre kusiyakʼ leka hoyokʼ.

Levitikus 11:45

ente iń kangeạń Probhu Isor do; ar aperen Isor hoyokʼ lạgitʼ iạte iń do Misor disạm khoniń oḍok ạgu akatʼpea. Ar ińiń sonotgete apehõ sonotko hoyokʼpe.

Exodus 30:19

Ona dakʼte Aron ar uniren hoponko do ti-jaṅgako ạbukokʼa.

Numeri 8:6

“Am do Israel hoponko tala khon Liwikom begarkoa arem saphakoa.

Numeri 16:26

Mose do Israelkoe metatʼkoa, “Noko bạṛicʼ ar ṭhok hoṛkoakʼ tạmbu ṭhen khon ocogokʼpe. Onkoakʼ jãhãnakʼ jinisge alope joṭeda; arpe onkae khan onkoakʼ kại iạte ape hõpe marao ocokʼa.”

Numeri 19:11

“Jãhãege jãhãn mạ̃ṛĩye joṭed enḍekhan uni do eae din hạbicʼ besapha akane tahena.

Numeri 19:16

“Lạṛhại iạte se ṭạnḍireye gocʼakan nonkanicʼe joṭetʼ akade hoṛ hõ eae din hạbicʼ besapha akane tahena. Jãhãege topa se manwa jaṅe joṭed uni hõ eae din hạbicʼ besapha akane tahena.

Jesaea 66:20

Probhu Isor ńutumte samaṅokʼ lekate sanam jạtrenko tala khon aperen boehako do rãt gạḍikote, sadomkote, gadhakote ar ũṭkoante ińakʼ sonot buru Jerusalemteko hijukʼa. Israelko cetʼleka sapha bhajanre anaj samaṅokʼakʼ jinisko ạgui onkage onko do Probhu Isorakʼ oṛakʼteko ạguiya.

Jirimiạ 31:21

“Ape do hor horte; udukʼakʼ cinhạko dohoype ar khunṭiko bạisạupe. Ar oka hortem senlen ona hor reakʼ katha disạime. E kũạri Israel, dela ruạṛ hijukʼme, amakʼ goṭa nagrahawante ruạṛ hijukʼme.

Levitikus 21:6

Ar onako onkaete akoren Isorakʼ ńutum jemon aloko besonot. Onko do Isor ńutumte begar akanko tahena. Naeke do Probhu Isor ńutumte seṅgelteakʼ samaṅakʼko samaṅa ar Probhu Isor lạgitʼ begar akanko tahena. Ar noa samaṅokʼakʼ jinisge akoren Isor ńutumte samaṅakʼ jomakʼ mente hoyokʼtakoa.

1 Bõsbudạ 15:12

Uni do onkoe metatʼkoa, “Ape do Liwi gusṭikoren judạ judạ bõsren mukhiyạko kanape; ape ar aperen sãoten Liwiko do Isor ńutumte apnartetʼpe begar dohokʼa, jemon oka ṭhạ̃iyiń sapṛao dohoakatʼ ona ṭhạ̃ire Israelren Probhu Isorakʼ sinduk ạgukatepe doho daṛeakʼ.

Sakariạ 2:10

Probhu Isore meneda, “E Sion-kuṛi, rạskạte sereńme ar hulạsokʼme, ente ińiń hijukʼkana, ar iń do ape talareń girobasokʼa.

Sakariạ 2:11

Enhilokʼ jạt jạtrenko do iń sãoteko midokʼa ar ińren hoṛko hoyokʼa. Ar iń do ape talareń girobasokʼa.” Ar tinre ona hoyokʼa unrepe baḍae daṛeakʼa, phạdkoren Probhu Isor do ape ṭhen ińe kol akadińạ.