Jesaea 52:10 - সান্তালী বাইবেল

¹⁰ Probhu Isor do sanam jạtrenkoakʼ mẽtʼ samaṅre acʼakʼ daṛeanakʼ sonot tiye sodortaea, ar dhạrti reakʼ sanam jaegaren hoṛko do aboren Isorakʼ babańcao reakʼ kạmiko ńela.

Jesaea 52:10 Referans Kwoze

Jesaea 51:9

E Probhu Isorakʼ daṛeanakʼ ti, ma ebhenokʼme, beredokʼme ar amakʼ daṛe baṛe sodortam. Cetʼleka sedae khonem tahẽkan, cetʼleka piṛhike piṛhim beretʼlen onkage baṛe beredokʼme. Amge cetʼ Rahab do bam chaka chunledea? Silodam danob do cetʼ amge bam sobokʼ tapʼledea?

Luk 3:6

Manwako kại khon bańcaoko lạgitʼ Isor okae ceka akatʼ, ona do sanam hoṛko ńela.’ ”

Johan sodor 14:6

Ona tayom iń do arhõ mitʼṭen serma goḍet coṭ sermare uḍạukʼkaniń ńelkedea. Dhạrtiren tahenkan hoṛko ṭhen metakʼme mimitʼ jạtren, bõsren, pạrsiren, ar disạmren hoṛko ṭhen porcar lạgitʼ uni ṭhen jaejug hạbicʼ reakʼ bhage sombat tahẽkana.

Jesaea 49:6

Uniye meneda, “Eken Jakobakʼ bõsrenko bańcaoko lạgitʼ ar Israelren sarecʼ hoṛko ruạṛ ạguko lạgitʼ ińren golamem hoyokʼa ona do baṅa; ente ona do ḍherge komgea. Ona chaḍa iń do boṅgan hoṛ jạtrenko ṭhen hõ marsal lekań hoyocomea jemon am hotete goṭa dhạrtiren hoṛ do kại khon bańcaoko ńam.”

Johan sodor 15:4

E Probhu Isor okoe baṅ am do bae botoram? Ar okoe baṅ amakʼ ńutum bae sarhaotam? Eken amge coṅ sonoticʼ ma. Sanam jạtrenko do am ṭhenko hijukʼa, ar jotoge amko sewawama; ente amakʼ dhorom bicạr do sodor akana.”

Aposkạmi 13:47

Ente Probhu Isor do noa kathae men akada, ‘boṅgan hoṛ jạtrenko ṭhen iń do mitʼṭecʼ marsal lekań dohoakatʼmea, jemon am hotete goṭa dhạrtiren hoṛ do kại khon bańcaoko ńam.’ ”

Sereńko 22:27

Dhạrti reakʼ ses simạren hoṛko hõ monko ạcurtakote Probhu Isor ṭhenko ruạṛ hijukʼa; ar eṭakʼ jạtren sanam gusṭirenko do uniko sewawaea.

Luk 2:30

ente manwako kại khon bańcaoko lạgitʼ sanam hoṛkoakʼ mẽtʼãhã samaṅre oka bondobosem emakatʼ, iń do onań ńelana.

Sereńko 67:2

jemon dhạrtiren sanamko amakʼ horko baḍae daṛeakʼ ar sanam jạtrenko am emakʼ bańcao ńamkate ona do kạmireko lagao daṛeakʼ.

Jesaea 11:9

Ińakʼ sonot buru reakʼ jãhãn jaegare okoehõ bako hạhạna, ar bako nonosṭoa, ente jalapuri cetʼleka dakʼte perecʼge tahen onkage Probhu Isorakʼ ạkilte dhạrti hõ perecʼge tahena.

Jesaea 25:9

Enhilokʼ hoṛko mena, “Ńelpe, nui kangeae aboren Isor do; abo do uni koyokʼ horrege bon tahẽkana jemone bańcao daṛeabon. Uni kangeae Probhu do; abo do uni koyokʼ horre bon tahẽkana. Dela, abo do uniyakʼ bańcao kạmi iạte rạskạ arbon hulạsokʼma.”

Jesaea 40:5

Unre Probhu Isorakʼ ṭhonokʼ sodorokʼa, ar manwa jạtren sanamko do mitʼte uniko ńela; Probhu Isorge noako katha doe meneda.”

Jesaea 45:22

“E dhạrti reakʼ ses simạnarenko, iń secʼ ruạṛokʼpe ar bańcaokʼpe, ente iń kangeạń Isor do, iń chaḍa ar cele hõ Isor doko baṅkana.

Jesaea 48:20

Ape do Babel khon oḍok calakʼpe, ar Babelrenko khon dạṛ pharakokʼpe. Ar rạskạ reakʼ aṛaṅte lại saḍepe ar noa jạhirpe, “Probhu Isor do acʼren golam Jakobe chaḍao akadea.”

Jesaea 59:16

Uni doe ńelkeda are bhaṛoyena, ente hok reakʼ bicạr secʼ teṅgokʼ lạgitʼ do okoe hõ bạnukʼkoa; ar onatege uni do acʼakʼ daṛeanakʼ tite babańcao reakʼe kạmikeda ar uniyakʼ dhoromgeye teṅgo ṭarhaoadea.

Jesaea 62:1

Sion ńutumte hape akan do bạń tahena, Jerusalem iạte thir akan hõ bạń tahena, tin hạbicʼ ona reakʼ dhoromtetʼ marsal leka baṅ jhak jhakoakʼ, ar ona reakʼ bańcaokʼ do jolokʼkan diuhe leka baṅ jolokʼ.

Jesaea 63:5

Iń doń beṅgetʼkeda, menkhan gokʼṛoko do celege bạń ńamletʼkoa; ar iń doń hahaṛayena, ar okoehõ bako goṛowạdińa. Ona iạte nijakʼ daṛetege babańcao reakʼ iń kạmikeda, ar ińakʼ edre doe khĩs ocokedińa.

Mikạ 5:4

Ar uni disạm cakʼlaoicʼ do hecʼkate Probhu Isorakʼ daṛete, acʼren Probhu Isorakʼ ṭhonokte uni do gukʼpiyicʼ leka acʼren hoṛkoe ạyurkoa. Onko do khạtirjomako girobasokʼa, ente uni doe maraṅ utạricʼkan ona katha do unre dhạrti reakʼ ses simạ hạbicʼko aṅgoca;

Josuạ 4:24

Uni do noae kạmikeda jemon dhạrtiren sanam jạtrenko baḍae daṛeakʼ, Probhu Isorakʼ ti do daṛeangea ar jao ghuṛi jemon aperen Probhu Isorpe botorae.”

Jobakʼ 40:9

Amakʼ do cetʼ Isor leka daṛe menakʼtama? Uniyakʼ aṛaṅ lekam hạnḍrạukʼ daṛeakʼa?

Jesaea 30:30

Probhu Isor do acʼakʼ botoranakʼ kurkurạukʼ, jojom seṅgel reakʼ lepʼ, hoe dakʼ ar arel ńurokʼ hotete acʼakʼ ṭhonokanakʼ aṛaṅe ańjom ocokoa ar sạjại reakʼ tiye udukʼakoa.

Jesaea 33:13

Okoe sạṅgińre menakʼpe, ape do iń okań ceka akatʼ ona ańjompe; ar okoe sorre menakʼpe ape do ińakʼ daṛe aṅgocpe.

Jesaea 53:1

Abo emakʼ sombat do okoeye pạtiạu akawada? Probhu Isorakʼ daṛeanakʼ sopo do okoe ṭhen sodorlena?