Jesaea 52:1 - সান্তালী বাইবেল

¹ E Sion, ebhenokʼme, ar beredokʼme, amakʼ daṛe sodortam. E sonot nagraha Jerusalem, amakʼ ṭhonokʼ reakʼ kicricʼ horogtam. Bin khatna ar bhõnḍ hoṛ do amre ar bako bolo daṛeakʼa.

Jesaea 52:1 Referans Kwoze

Johan sodor 21:27

Besapha jãhãnakʼ se hirkhạwakʼ kạmiko se eṛe roroṛko nonkan cele hoṛge onḍe do bako bolo daṛeakʼa; ar okoeyakʼ ńutum Bheḍa Hoponakʼ jion reakʼ puthire ol menakʼ, eken onkoge onḍeko bolo daṛeakʼa.

Jesaea 51:17

E Jerusalem, ebhenokʼme, beredokʼme; ar teṅgonme. Ente am do Probhu Isorakʼ ti khon uniyakʼ edreteakʼ bạṭi khonem ńũ akada; okaṭakʼ bạṭi khon manwa do ńũkateko konḍe manḍekʼ ona bạṭi reakʼ do amgem ńũ ańjetʼakada.

Johan sodor 21:2

Ar ona sonot nagraha, metakʼme nãwã Jerusalem do serma khon ar Isor ṭhen khon pheḍ hijukʼ kaniń ńelkeda. Cetʼleka bạhu do acʼren jãwãe lạgitʼe sajao sapṛao akan, onkage noa nagraha hõ sajao sapṛao ocoakan tahẽkana.

Sakariạ 3:4

Uni goḍet do acʼ samaṅre teṅgo akan eṭakʼ goḍetkoe metatʼkoa, “Uniyakʼ mạilạ kicricʼko totʼ giḍikataepe.” Ona tayom uni do Josuại metadea, “Ńelme amakʼ kạikoń sạṅgiń giḍi akatʼtama ar iń do mońj kicricʼ iń horokʼama.”

Jesaea 51:9

E Probhu Isorakʼ daṛeanakʼ ti, ma ebhenokʼme, beredokʼme ar amakʼ daṛe baṛe sodortam. Cetʼleka sedae khonem tahẽkan, cetʼleka piṛhike piṛhim beretʼlen onkage baṛe beredokʼme. Amge cetʼ Rahab do bam chaka chunledea? Silodam danob do cetʼ amge bam sobokʼ tapʼledea?

Jesaea 35:8

Onḍe do ḍahar hoyokʼa, hẽ onḍe do mitʼṭecʼ horge hoyokʼa; ona do sonotakʼ horko metakʼa. Be sapha hoṛ do ona cetante bae taṛama; ona do sonot hoṛkoakʼ horge hoyokʼa. Lelha hoṛko hõ ona horte do bako calakʼa,

Jesaea 48:2

Ape do sonot nagraharen hoṛ mentepe ńumogokʼ kana ar Israelren Isor cetanrepe bhorsakʼ kana, one uniyakʼ ńutum do phạdkoren Probhuge.

Romiko lạgitʼ Pạul Apostolakʼ ciṭhi 13:14

Ape do kicricʼ leka Probhu Jisu Mạsi horokʼjoṅpe; ar jel reakʼ sana purạu lạgitʼ do alope moneyakʼa.

Mathae 4:5

Unre Soetan do sonot nagraha Jerusalemte Jisui idikedea ar mundil reakʼ cuṛạre teṅgokedeteye metadea,

Nạhum 1:15

Okoeṭakʼ hoṛ bhage sombate ạguyetʼkan ar suluk reakʼe roṛetʼkan, ma ńelme uniyakʼ jaṅga do buru cetanre menakʼtaea. E Jihudạ, amakʼ porobko palonme ar okaṭakʼ manotem dohoakatʼ ona purạume. Dusṭạmi hoṛ do ar bako akromonmea; onko doko marao ocokʼa.

Ephesiko lạgitʼ Pạul Apostolakʼ ciṭhi 6:10

Sarecʼ katha do nõkʼõe, Probhu Isor sãote mitʼakae tahẽkate uni emakʼ maraṅ daṛete daṛeanko hoyokʼpe.

Jesaea 61:10

Iń do Probhu Isore ạḍitetʼgeń kusikʼ kana; ińakʼ jiwi do Isorreye hulạsokʼa, ente jãwãe koṛa cetʼleka bohokʼre mạ̃ṛteye abhranokʼ ar bạhu kuṛi cetʼleka acʼakʼ gohnakoteye sajokʼ onkage uni do babańcao reakʼ kicricʼe horokʼ akawạdińa ar dhorom reakʼ oyon aṅgropteye oyo akadińạ.

Jesaea 60:21

Unre amren sanam hoṛ do dhoromko hoyokʼa; onko do jaejug lạgitʼ disạmko ạidạrijoṅa. Onko do ińakʼ tite, rohoe akan kahle kanako, onko hotetege ińakʼ mạhima do sodorokʼa.

Jesaea 26:2

Ape do phaṭok-duạrko jhijpe jemon dhorom ar pạtiạrko dohoyetʼ jạtrenkoko bolo daṛeakʼ.

Jesaea 1:21

Hae, kũạri nagraha, ona do kusumbi leka hoyakana! Mitʼ okte uni do hok reakʼ bicạrte perecʼe tahẽkana; unire dhorom tahẽkana, menkhan ńitokʼ do khũniạhikoko girobasokʼ kana.

Nehemiạ 11:1

Disạm hoṛkoren mukhiyạko do Jerusalemreko girobasokʼ kan tahẽkana. Ar sarecʼ hoṛko doko gulibãṭkeda jemon onko modren gel hoṛko modre mitʼ hoṛ do jemon Jerusalemreye girobas daṛeakʼ ar sarecʼ are goṭen hoṛ do akoakʼ nij nij atoregeko tahenma.

Exodus 28:40

“Manot ar sajaokʼ lekate am do Aronren hoponko hõ kicricʼko, ḍanḍa totolakʼko ar bohokʼ reakʼ dạṛhim benao ocoakoa.

Exodus 28:2

Manot ar sajaokʼ lạgitʼ am do amren dadam Aron lạgitʼ sonot kicricʼem benao ocoaea.

Johan sodor 19:14

Sermaren palṭonko do ponḍ sapha musnạ kicricʼ horokʼkate ar ponḍ sadomre decʼkate uni tayom tayomteko calakʼkan tahẽkana.

Johan sodor 19:8

Uni do jhalkaokʼkan, sapha ar mĩhĩ musnạ kicricʼ bandekʼ lạgitʼ emakawadea. Ona kicricʼ do Isorren hoṛkoakʼ dhorom kạmiko kana.”

Ephesiko lạgitʼ Pạul Apostolakʼ ciṭhi 4:24

ar Isore emakan “Nãwã hoṛtetʼ ” do nãwã kicricʼ leka horokʼjoṅpe. Uni “Nãwã hoṛtetʼ ” do sạriyakʼre, dhoromre ar sonotre Isor lekae sirjạu ocoakana.

Luk 15:22

“Menkhan apattetʼ do acʼren gutikoe metatʼkoa, ‘den usạrate mońj utạrakʼ kicricʼ ạguiype ar uni horokʼaepe. Tire mundạm ar jaṅgare panahi horokʼaepe,

Hagae 2:4

Ona tayom am do onkom metakoa, Probhu Isore meneda, ‘E Serubabel, am do dil joṅme; E maraṅ naeke Josuạ, dil joṅme; E disạmren sanam hoṛko, apehõ dil joṅpe ar kạmipe; ente iń phạdkoren Probhu Isor do ape são sãotege minạńa.

Jeheskel 44:9

Okoe bidisiạkoakʼ ontor ar hoṛmo hõ baṅ khatna akantako onko do ińakʼ oṛakʼte bako bolo daṛeakʼa; ar Israelko talareko girobasokʼ kan bidisiạko hõ bako bolo daṛeakʼa.

Romiko lạgitʼ Pạul Apostolakʼ ciṭhi 3:22

Okoe Jisu Mạsireko pạtiạukʼkan onkoakʼ ona biswạs hotetege Isor do dhorom mente onkoe ataṅkoa. Jihudi ar boṅgan hoṛ jạtrenko sanamgeko somangea,

Daniel 10:9

Ona tayom do uni hoṛakʼ kathań ańjom ńamkeda ar uniyakʼ katha ańjomtorage iń do otre acetge ombakʼ akaniń tahẽyena.

Jirimiạ 31:23

Israelren Isor phạdkoren Probhui meneda, “Bondi dosa khon tinre hoṛkoń ruạṛ ạgukoa unre Jihudạ disạm ar ona nagraharen hoṛ do arhõko mena, ‘E dhoromte perecʼ tahen ṭhạ̃i, E sonot buru, Probhu Isor do ame bhoramma.’

Jesaea 61:3

jemon Sionre okoeko hirdạukʼkan onkoakʼ bohokʼre torocʼ bodolte abhraniń emako; hirdạukʼkan bodolte rạskạ reakʼ sunum ar as chuṭạukʼ akan bodolte sarhaoe reakʼ kicricʼ iń em daṛeako. Onko do dhorom reakʼ elon dareko ńumogokʼa; Probhu Isorge ona doe rohoe akada jemon onko hotete acʼakʼ mạhima sodorokʼtae.

Jesaea 1:26

Lahateakʼ dinko leka iń do disạm cakʼlaoko ar sopolhakoń emama; ar ona tayom do dhorom reakʼ nagraha, ar kũạri nagraham men ocokʼa.”

Sereńko 110:3

Lạṛhại hilokʼ amren hoṛko do akotege lạṛhạiko hijukʼa; ar sonot reakʼ sajte sajkate aṅgakʼ reakʼ kulhi khon sisirdakʼ cetʼleka, onkage am ṭhen amren juạnko do.

Ephesiko lạgitʼ Pạul Apostolakʼ ciṭhi 5:14

ente marsalge jotowakʼe sodoreda. Onate sonot sostorre olakana, “Ebhenokʼme E jạpitʼ akatʼicʼ, ar gocʼko khon beretʼme; khan Mạsiye marsalama.”

Johan sodor 11:2

Menkhan mundil bahrere okaṭakʼ raca menakʼ ona do badkakʼme, alom soṅa, ente ona do boṅgan hoṛ jạtrenkoko em ocoakana. Onko do pongel bar cando hạbicʼ sonot nagrahako lebetʼ gańjaoa.

1 Bõsbudạ 16:29

Sanam sarhaoteakʼ do Probhu Isorakʼ mente aṅgocpe; ar samaṅokʼakʼ jinisko uni samaṅre ạguipe. Probhu Isorakʼ ṭhonokte perecʼ sonot reakʼ kathako hudiskate uni manotepe.

Jesaea 4:3

Enhilokʼ Sionre okoe sarecʼko tahen, metakʼme Jerusalemre tinạkʼ jiwetʼko tahen onko do sonot menteko hoho ocokʼa. Jerusalemre jiwetʼ tahen lạgitʼ onko hoṛkoakʼ ńutum do tạlikare ol caṛhaokʼa.

Jesaea 49:18

Beṛhaete beṅgetʼ ạcurme; ar ńelme amren hoponko do jarwakate am ṭhenko hijukʼkana. Kiriạkateń metamkana, onko jotoge amakʼ abhran lekako hoyokʼa, bapla bạhu kuṛiyakʼ abhran lekage.

Jesaea 64:10

Amakʼ sonot nagrahako do hahaṅkar ṭoṭha hoyakana; Sion reakʼ dosa hõ onkage hoyakana, hẽ, Jerusalem hõ ujạṛ akana.

Joel 3:17

Probhu Isore meneda, “Unrepe baḍaea daṛeakʼa, ińkangeạń aperen Probhu Isor do; ińge Sionre, ińakʼ sonot burureń girobasokʼ kana. Jerusalem do sonotokʼa; ar bidisiạko hõ onḍe do tishõ bako calakʼa.

Jesaea 60:1

Probhu Isore meneda, “E Jerusalem, Beretʼme, marsal emokʼme, ente amakʼ marsal do sor hecʼakana; Probhu Isorakʼ mạhima do marsale emam kana.