Jesaea 51:9 - সান্তালী বাইবেল

⁹ E Probhu Isorakʼ daṛeanakʼ ti, ma ebhenokʼme, beredokʼme ar amakʼ daṛe baṛe sodortam. Cetʼleka sedae khonem tahẽkan, cetʼleka piṛhike piṛhim beretʼlen onkage baṛe beredokʼme. Amge cetʼ Rahab do bam chaka chunledea? Silodam danob do cetʼ amge bam sobokʼ tapʼledea?

Jesaea 51:9 Referans Kwoze

Jesaea 52:1

E Sion, ebhenokʼme, ar beredokʼme, amakʼ daṛe sodortam. E sonot nagraha Jerusalem, amakʼ ṭhonokʼ reakʼ kicricʼ horogtam. Bin khatna ar bhõnḍ hoṛ do amre ar bako bolo daṛeakʼa.

Jesaea 27:1

Enhilokʼ Probhu Isor do acʼakʼ keṭecʼ ar maraṅ daṛean tarwaṛete uni khiṛiạpaṭeye dạṛetʼkan biń Libiathone sạjạiyea. Ar jalapurire menae uni danob doe gojea.

Sereńko 89:10

Rahab do gocʼicʼ leka amgem chaka chun akadea; am daṛeanakʼ tite amren bạirikom chirchạtur akatʼkoa.

Jesaea 30:7

Misor reakʼ goṛo do ạuṛiyakʼgea, jãhãn kạmi reakʼge baṅkana; ona iạte iń do onko jạtrenkoakʼ ńutumiń dohoakada Rahab, metakʼme duṛupʼ hape akanicʼ.

Jeheskel 29:3

Probhu Isor doe menetʼkana, ‘E Misorren Pharao raj, iń do am secʼren doń baṅkana. Am do apnarakʼ gaḍareye giticʼkan uni maraṅ utạricʼ tayan kanam. Am dom menetʼ kana, nil gaḍa do amakʼ kangea ar apnar lạgitʼge ona dom benao akawana.

Jesaea 51:17

E Jerusalem, ebhenokʼme, beredokʼme; ar teṅgonme. Ente am do Probhu Isorakʼ ti khon uniyakʼ edreteakʼ bạṭi khonem ńũ akada; okaṭakʼ bạṭi khon manwa do ńũkateko konḍe manḍekʼ ona bạṭi reakʼ do amgem ńũ ańjetʼakada.

Sereńko 44:1

E Isor, sedaere aleren hapṛamko oktere okaṭakʼem cekaletʼ onko reaṅ katha ale do apnarakʼ luturtele ańjomleda.

Jobakʼ 26:12

Uni do acʼakʼ daṛete jalapuriye ạulạ ạuli ocoyeda; acʼakʼ budte uni do Rahabe chaka chunekana.

Sereńko 7:6

E Probhu Isor, edrete ma beretʼme, ińren bạirikoakʼ raṅgao upạrte ti tiạrtam. Iń lạgitʼ ebhenokʼme, ente amakʼ dhorom bicạr reakʼ katham lại jạhir akada.

Habakkuk 3:13

Amren hoṛko bańcaoko lạgitʼ ar amren ojokʼicʼ hoṛ rukhiyạye lạgitʼ am dom oḍok hecʼena. Am do dusṭạmi disạmren mukhiyạm ghạlkedea, ar uniyakʼ disạm do purạtem marao utạrketʼtaea. [Sela]

Jesaea 62:8

Probhu Isor do acʼakʼ jojom tite, acʼakʼ daṛeanakʼ tite kiriạkateye men akada, “Iń do ar tishõ amakʼ anajko bạirikoakʼ tire bạń emokʼa ar okaṭakʼ darkha rasa lạgitʼpe khaṭaokʼkan ona hõ bidisiạko do tishõ bako ńũiya.

Sereńko 93:1

Probhu Isorge rapaj do; uni do ṭhonok reakʼ kicricʼe horokʼeda, uni do kajakte ḍanḍae paṭhe akatʼtaea; dhạrti do ạḍi keṭecʼte tearakana, ona do tishõ baṅ ḍikạḍakekʼa.

Sereńko 87:4

Probhu Isore meneda, “Okoe sạriyakʼgeko baḍae edeńkan onko reaṅ lại jokhecʼ iń do Rahob ar Babel reakʼ kathań lạiya, ar onko Philisṭiko, Tur ar Kusrenkoakʼ katha hõń lạiya, ‘noko mimitʼko do Sionreko janam akana.’ ”

Sereńko 44:23

E Probhu Isor, ebhenokʼme, cedakʼem jạpitʼ akada? Ma beretʼme, jaejug hạbicʼ do alom bạgi giḍilea.

Johan sodor 12:9

Unre uni maraṅ okocʼ biń ar uniren soṅgeten goḍetko do dhạrtiteko lebda ńur ocoyena. Nui biń doe hoyokʼ kana uni mare bińge okoe do Diabol Soetanko metaekan. Uni do dhạrtiren sanam hoṛko bhul horteye idiyetʼkoa.

Johan sodor 11:17

“Sanam daṛeanicʼ Probhu Isor, am do menama arem tahẽkana. Ale do amle sarhaoetʼme kana, ente am do amakʼ maraṅ ektiạrianakʼ tite rajokʼem ehopʼkeda.

Luk 1:51

Uni do ti tiạrkate maraṅ daṛeakʼkoe kạmi akada; ar okoeyakʼ mon hiskạte perecʼge onko doe chir chạturakatʼkoa.

Habakkuk 2:19

Jạt jạtrenko doko mena, ‘Hae uni hoṛ do, one okoe kaṭ do jiwetʼakʼe metakʼkan se jiwi bạnukʼ dhiri do beredokʼe metaekan.’ Onako do cetʼ uni sikhnạte em daṛeaea? Onako ma eken sona ar rupạte muṛạu esetʼ akan; onakore do cetʼ sahẽtʼge bạnukʼa.

Jesaea 53:1

Abo emakʼ sombat do okoeye pạtiạu akawada? Probhu Isorakʼ daṛeanakʼ sopo do okoe ṭhen sodorlena?

Jesaea 51:5

Ińakʼ dhorom do hecʼ sorakana ar ińakʼ babańcao reakʼ kạmi hõ ehopʼakana. Ińge jạt jạtrenko cetanre dhoromiń bicạra. Ar sạṅgiń disạmren hoṛko do iń secʼ beṅgetʼ akaeko tahena ar ińakʼ daṛeanakʼ sopo ńel hor akaeko tahena.

Sereńko 78:65

Ona tayom Probhu Isor do jạpitʼ khone ebhenena; uni do darkha rasa reakʼ nisạ kaṭaoen bir lekae jagwarena.

Sereńko 21:13

E Probhu Isor, amakʼ daṛetege sodorokʼme; ale do amakʼ daṛe reakʼle sarhaotama arle sereńa.

Bikʼcạrko 6:13

Gideone menkeda, “Menkhan E ińren Probhu Isor, am ale sãote menam khan enḍekhan ale cetanre noako do cedakʼ hoyokʼkana? Ar okayena uniyakʼ ona hahaṛa kạmiko one uniyakʼ katha aleren hapṛamko ṭhen khonle ańjomakatʼ, Probhu Isorge Misor disạm khone oḍok ạguletʼkoa mente? Menkhan ńitokʼ uni do aleye dea giḍiakatʼlea ar Midiạnrenkoakʼ tireye jimạ akatʼlea.

Dosar Biboron 4:34

Ape do kuli joṅpe, aperen Probhu do apeakʼ mẽtʼ samaṅre Misor disạmre ape lạgitʼ okae cekaletʼ onka jãhãn debota jãhãtisokʼ biḍạu hotete, hahaṛa kạmi hotete, cinhạ kạmikote, lạṛhại talate, keṭecʼ ar daṛeanakʼ tite ar maraṅ ar botoranakʼ kạmiko hotete jãhãn jạtren hoṛko eṭakʼ jạtrenko tala khon apnar lạgitʼe oḍok ạgu akatʼkoa se baṅa.

Johan 12:38

Noa do hoyena Jesaea nạbi hotete roṛlenakʼ katha jemon purạukʼ: E Probhu Isor, alele porcar akatʼakʼ do okoe baṅe pạtiạuatʼ? Ar Probhu Isorakʼ daṛeanakʼ ti do okoe ṭhen sodor akana?

Sereńko 59:4

Iń do jãhãnakʼ bạń dos akatʼa, enhõ onko do ńir hecʼkate iń upạrteko teṅgo akana. Iń goṛowạń lạgitʼ beredokʼme, ar ińakʼ muhin ńelme.

Exodus 6:6

Onate Israelkom lạiyakoa, Probhu Isore meneda, ‘Iń doń Probhu Isor kana. Misorrenkoakʼ bojhatepe ten akan khoniń oḍok ạgupea. Ar golam reakʼ ti khoniń bańcaopea. Ti tiạrkate onko do bebạṛicʼ iń sạjạikoa ariń chaḍaopea.

Jobakʼ 9:13

Isor do acʼakʼ edre bae or ruạṛtaea; dakʼren danob Rahabren gokʼṛoko hõ uni ṭhen doko jaṅga latarokʼa.

Sereńko 77:5

Sedaeakʼ kathakoge iń doń hudisokʼkan tahẽkana, hudisokʼkan tahẽkạnạń ḍher bochor laha reakʼ kathakoge.

Jesaea 52:10

Probhu Isor do sanam jạtrenkoakʼ mẽtʼ samaṅre acʼakʼ daṛeanakʼ sonot tiye sodortaea, ar dhạrti reakʼ sanam jaegaren hoṛko do aboren Isorakʼ babańcao reakʼ kạmiko ńela.

Sakariạ 2:13

E sanam manwako, ape do Probhu Isor samaṅre hape akan tahenpe, ente uni do bicạr lạgitʼ acʼakʼ sonot ṭhạ̃i khone oḍok hijukʼkana.

Sakariạ 10:11

Iń do kosṭo reakʼ doreão talateń calakʼa ar doreão reakʼ ḍheokoń domona ar onate nil gaḍa reakʼ khạndri jaegako do rohoṛokʼa. Ạsur reakʼ bạḍại do rạputʼ ocokʼa ar Misor reakʼ ḍanṭao hõ sạṅgińokʼa.

Sereńko 44:2

Am do amakʼ tite eṭakʼ jạtrenkom laga ńirketʼkote ona jaegare aleren hapṛamkom doholetʼkoa; am do onko hoṛko cetanre nosṭoakʼem ạguleda ar aleren hapṛamkom teṅgo keṭecʼ ocoletʼkoa.

Sereńko 44:24

Cedakʼ mẽtʼãhã dom betʼ akatʼtama? Aleakʼ duk ar santao reakʼ katha do cedakʼem hiṛiń akada?

Sereńko 89:11

Serma hõ amakʼge ar dhạrti hõ amakʼge; ot ar ona reakʼ jotowakʼge amem benao akada.

Mikạ 7:15

Misor disạm khon oḍok hijukʼ reakʼ dinko leka am do hahaṛawakʼ kạmiko udukʼaleme.

Aposkạmi 7:7

Isor do arhõe metadea, ‘okoe onko golam menteko khaṭaoetʼko onko jạtrenko doń sạjạikoa. Ar onko do ona disạm khonko oḍok hijukʼa ar noa jaegare ińko sewawạńạ.’