Jesaea 51:8 - সান্তালী বাইবেল

⁸ ente onko do kicricʼ leka jạrnḍi ṭhenko jom ocokʼa ar tejoko ṭhen do bhiḍikoakʼ upʼ lekako jom ocokʼa. Menkhan ińakʼ dhorom do jaejug hạbicʼ tahenkana; ar ińakʼ babańcao do piṛhike piṛhige.”

Jesaea 51:8 Referans Kwoze

Jesaea 51:6

Serma secʼ beṅgetʼ rakabpe ar ot secʼ beṅgetʼ pheḍpe. Serma do dhũạ leka oṭaṅokʼa, ar ot do kicricʼ leka marekʼa ar onare girobasokʼ kan hoṛ doko gujukʼa. Menkhan ińakʼ babańcao do jaejug hạbicʼ tahẽakan tahena ar ińakʼ dhorom do tishõ baṅ mạutạkʼa.

Jesaea 50:9

Probhu Isor do ińe goṛowạń kana, onate okoeye dusikińạ? Onko sanamkoge kicricʼ lekako mare cabakʼa; ar tejoko do onkoko jomkoa.

Luk 1:50

Ar okoe uniko sewawaekan uni do onkoreye dayakʼ kana, piṛhi cetan piṛhige.

Hosea 5:12

Ephrayimko ṭhen do tejo leka ar Jihudạren hoṛko ṭhen do heṛ akan jinis lekageń hoyakana.

Jesaea 66:24

Ar onko do oḍok kate iń upạrteko hulletʼ tahẽkan hoṛkoakʼ mạ̃ṛĩkoko ńela. Onkoren tejoko okoe do gocʼ hoṛakʼ jelko jom onko do bako gujukʼa ar onkoakʼ seṅgel hõ baṅ ĩṛĩjokʼa; ar onko do sanam manwa jạtrenko lạgitʼ hirkhạwanakʼgeko hoyokʼa.

Jobakʼ 4:19

tobe okoe hasa oṛakʼreko tahenkan onkoakʼ rehetʼtetʼ do dhuṛi kana, tejoko leka okoeko lebetʼ gańjao ocokʼkan, onko do Isorakʼ mẽtʼãhãre artetʼge dusiko hoyokʼa!

Jesaea 46:13

Ińakʼ dhorom do ape ṭheniń ạguiyeda; sạṅgińre ona do bạnukʼa ar ińakʼ babańcao hõ baṅ bilomokʼa. Iń do Sionre babańcao iń dohoya, Israel lạgitʼ, ińakʼ ṭhonokʼ lạgitʼge.”

Jesaea 45:17

Menkhan Probhu Isor do jaejug lạgitʼ Israele bańcaoea; am do jaejug hạbicʼ bam lajao ocokʼa ar bam andmandaokʼa.

Jobakʼ 13:28

“Manwa do sea jinis lekae garao cabakʼkana ar tejoko jomakatʼ kicricʼ lekae hoyakana.

Jesaea 14:11

“Amakʼ sanam ṭhonok do Sheolte giḍi ocoakana; ona sãote amakʼ binạ banamko reakʼ saḍe hõ giḍi akana. Am latarre do tejoko menakʼkoa onko do amko thoprom esetʼ akatʼmea.

Daniel 9:24

“Amren hoṛko ar amakʼ sonot nagraha lạgitʼ eaegel hapta ṭhik dohoakana. Ar onako oktere bạṛicʼakʼko do cabakʼa, bedhorom hõ baṅ tahena, kại do puruchunokʼa, ar jaejug dhoromge bikạukʼa, dorson ar nạbi katha purạukʼa ar sonot utạrakʼ ṭhạ̃i do ojokʼ bahal ocokʼa.

Jesaea 54:9

“Iń ṭhen noa do Noha okte reakʼ dinko leka kana. Ar cetʼ lekań kiriạlen, Noha okte reakʼ ḍubạ dakʼ leka dhạrtire ar tishõ bạń dula, onkage noa hõń kiriạkʼ kana, am cetanre ar do bạń raṅgaokʼa, ar tishõ bạń egermea.