Jesaea 51:5 - সান্তালী বাইবেল

⁵ Ińakʼ dhorom do hecʼ sorakana ar ińakʼ babańcao reakʼ kạmi hõ ehopʼakana. Ińge jạt jạtrenko cetanre dhoromiń bicạra. Ar sạṅgiń disạmren hoṛko do iń secʼ beṅgetʼ akaeko tahena ar ińakʼ daṛeanakʼ sopo ńel hor akaeko tahena.

Jesaea 51:5 Referans Kwoze

Jesaea 46:13

Ińakʼ dhorom do ape ṭheniń ạguiyeda; sạṅgińre ona do bạnukʼa ar ińakʼ babańcao hõ baṅ bilomokʼa. Iń do Sionre babańcao iń dohoya, Israel lạgitʼ, ińakʼ ṭhonokʼ lạgitʼge.”

2 Korinthiko 5:10

Ente Mạsiyakʼ bicạr duṛupʼakʼ samaṅre abo sanamkoakʼ jotowakʼ do sodorokʼa, jemon abo mimitʼko noa hoṛmore tahẽkate oka bon kạmiakatʼ, baṅ do boge ar baṅ do bạṛicʼ ona lekage kuṛại bon ńama.

Jesaea 60:9

Sạrige sạṅgiń disạmren hoṛko do iń lạgitʼko koyokʼ horeda; amren hoponko lạgitʼ sona rupạ reakʼ maraṅ maraṅ Tạrsis jahajko do jotoko khon laha lahate hijukʼkana. Israelren uni sonoticʼ do, amren Probhu Isorakʼ ńutum sarhaotae lạgitʼ amren hoponkoko hijukʼkana, ente uni doe ṭhonok ocoakatʼmea.

Jesaea 42:4

Dhạrti reakʼ hok bicạr ạuriye purạu hạbicʼ uni do bae laṅgakʼa se bae talga tạuạgokʼa. Ar jalapuri ḍhipkoren hoṛ do uniyakʼ ạnko ńel hor akaeko tahena.”

Romiko lạgitʼ Pạul Apostolakʼ ciṭhi 2:16

Oka hilokʼ Isor do Jisu Mạsi hotete manwakoakʼ okoakʼkoe bicạra enhilokʼge ona do sodorokʼa. Ar okaṭakʼ bhage sombatiń porcaretʼkan ona lekage bicạr do hoyokʼa.

Aposkạmi 17:31

ente uni do nonkan mitʼṭecʼ dine nenḍa akada one ona dinre acʼe bahal akade mitʼṭen hoṛ hotete manwako dhoromteye bicạrko. Uni do gocʼko khone jiwetʼ beretʼ akadete sanam manwako ṭhen noae sạbud akada.”

Luk 24:47

Arhõ ol menakʼa, Jerusalem khon ehopʼkate sanam jạtrenko ṭhen kại ikạkʼ lạgitʼ mon ạcur porcarokʼa.

Mark 16:15

Jisui metatʼkoa, “Ape do dhạrti reakʼ sanam jaegate calakʼpe ar sanam hoṛko ṭhen Isorakʼ bhage sombat porcarpe.

Mathae 28:18

Unre Jisu do hecʼsorkateye metatʼkoa “Serma ar dhạrti reakʼ sanam ektiạri do iń ṭhen emakana.

Mathae 3:2

“Mon ạcurtape, ente serma raj do sorakana.”

Sephaniạ 2:11

Probhu Isor do unkin ṭhen maraṅ botoranicʼgeye hoyokʼa; uni do dhạrtiren sanam debotakoe nijor ocokoa. Unre sạṅgiń disạmren sanam jạtren hoṛ do apan ạpin disạm khon uniko sewawaea.

Joel 3:12

Probhu Isore meneda, “Jạt jạtrenko doko hoho ạgu ocokʼ ma; onko do Jehosaphat reakʼ buru nalateko sen idikʼma, ente onḍe iń do beṛhaeten sanam jạtrenko bicạrko lạgitʼ iń duṛupʼa.

Jesaea 63:5

Iń doń beṅgetʼkeda, menkhan gokʼṛoko do celege bạń ńamletʼkoa; ar iń doń hahaṛayena, ar okoehõ bako goṛowạdińa. Ona iạte nijakʼ daṛetege babańcao reakʼ iń kạmikeda, ar ińakʼ edre doe khĩs ocokedińa.

Jesaea 56:1

Probhu Isore meneda, “Dhorom reakʼ bicạr teṅgoepe ar hok reakʼ kạmipe, ente ińakʼ babańcao do hare pharege hecʼ godokʼa, ar ińakʼ rurukhiyạ do sodorokʼa.

Jesaea 49:1

E sạṅgiń disạmren hoṛko, ińakʼ katha ańjompe; E sạṅgiń jạtrenko, luturakʼ tińpe. Probhu Isor do kukhi khone ḍakao akadińạ; ar eṅgạńakʼ hoṛmoreń tahẽkan khonge uni do ińakʼ ńutume ńum akatʼtińa.

Jesaea 40:10

Ńelpe, Probhu Isor do daṛe salakʼe hijukʼkana, uniyakʼ daṛeanakʼ ti do raje calaoetʼtaea. Ńelpe, kuṛại do uni sãorege menakʼa, ar uniyakʼ hala ruạṛ do uni samaṅrege.

Sereńko 98:9

Probhu Isor samaṅre onko do onako onkaema, ente uni do dhạrti bicạr lạgitʼe hijukʼ kana. Uni do dhoromte dhạrti reakʼe bicạra, ar jạtrenko do hok reakʼe bicạrtakoa.

Sereńko 85:9

Okoe uniko botoraekan sạrige uniyakʼ bańcao reakʼ okte onko ṭhen do hecʼ akana; onate uniyakʼ ṭhonok do aboakʼ disạmre girobasokʼa.

Sereńko 67:4

Jạt jạtrenko doko kusikʼma ar rạskạteko sarhao sereńma, ente am do dhoromte jạt jạtrenkom bicạrkoa ar noa dhạrti do sanam jạtrenko calao banaoa. (Sela)

1 Samuel 2:10

Probhu Isorren bạiriko doko chaka chunokʼa, uni do sermare onko upạrteye huḍura; ar dhạrti reakʼ mucạtʼ hạbicʼ uni do hoṛkoe bicạrkoa. Uni do acʼren raje daṛe ocoyea ar acʼren ojokʼ bahalicʼ hoṛ doe jitạu ocoyea.”

Dosar Biboron 30:14

Probhu Isorakʼ katha do ape soṅgetege menakʼa; ona do apeakʼ mocare ar ontorre dohokakʼpe ar ona leka colonpe.

Sereńko 110:6

Uni do eṭakʼ eṭakʼ jạtrenkoe bicạrkoa; ar dhạrti do gocʼkoakʼ hoṛmoteye pereja; uni do dhạrti reakʼ sanam jaegare bạirikoakʼ bohokʼe gejertakoa.

Sereńko 96:13

Onko do Probhu Isor samaṅreko sereńa, ente uni doe hijukʼkana. Uni do dhạrtirenko bicạrko lạgitʼe hijukʼkana. Uni do dhoromte dhạrtiye bicạra, ar jạt jạtrenko pạtiạr salakʼe bicạrkatakoa.

Jesaea 11:11

Enhilokʼ Probhu Isor do acʼren sarecʼ jiwetʼ hoṛko Ạsur khon, Misor khon, Pathros khon, Kus khon, Elam khon, Babel khon, Hamath ar jalapuri ḍhip reakʼ disạm khon bańcaoko lạgitʼ dosar dhao tiye tiyạrtaea.

Jesaea 24:15

Ona iạte purub secʼrenko do Probhu Isorko sarhaoema ar sạṅgiń disạmren hoṛko do Israelren Probhu Isorko õṛhẽ sereńaema.

Jesaea 26:4

Ape do Probhu Isorre jaejug bhorsa akan tahenpe, ente Probhu, Isor do jaejugren asray buru kanae.

Jesaea 33:2

E Probhu Isor, alere dayakʼme; ale do am lạgitʼgele koyokʼ hor akada. Dinạmge setakʼ jokhecʼ ińren hoṛkoren daṛe baṛe hoyokʼme, ar muhinre bańcaoleme.

Jesaea 33:22

Probhu Isorge aboren hokren bikʼcạricʼ ar aboren cakʼlaoyicʼ do; Probhu Isorge aboren raj, unige abo doe rukhiyạbona.

Jesaea 54:17

Am upạrte tearakʼ khanḍa bhanḍako hõ oka kajrege baṅ jojaokʼa; ar bicạrre am upạrteko teṅgokʼ hoṛko do amge dusirem paṛaokoa. Noa kangea Probhu Isorren golamkoakʼ bakhra do, ar noa kangea onkoakʼ dhorom hõ.”

Jesaea 59:16

Uni doe ńelkeda are bhaṛoyena, ente hok reakʼ bicạr secʼ teṅgokʼ lạgitʼ do okoe hõ bạnukʼkoa; ar onatege uni do acʼakʼ daṛeanakʼ tite babańcao reakʼe kạmikeda ar uniyakʼ dhoromgeye teṅgo ṭarhaoadea.

Jesaea 62:11

Probhu Isor do dhạrti reakʼ ses simạ hạbicʼe lại sodoreda, “Sionren kuṛi metaepe, ‘ńelme amren babańcaoicʼ doe hijukʼkana. Ńelme, uni okaṭakʼ kuṛạiye ńamakatʼ ona do acʼ sãotege menakʼtaea; ar acʼakʼ kuṛại do uni ṭhenge menakʼa.’ ”