Jesaea 51:19 - সান্তালী বাইবেল

¹⁹ Jarkhar ar dhaṅdhaser, akal ar tarwaṛe noakin banar muhinge amre paṛao akana. Jiwi raṛecʼ do okoeye emdaṛekema? Ar cekate iń hõ jiwi raṛecʼ iń emama?

Jesaea 51:19 Referans Kwoze

Amos 7:2

Onko do tinre disạm reakʼ hạriạṛ dare sakamko jom cabakeda unre iń do nehõrkateń menkeda, “E Probhu Isor, ikạkakome baṛe. Jakob do cekateye teṅgo ruạṛokʼa? Uni ma coṅ ạḍiye huḍińge.”

Jesaea 47:9

Menkhan gidrạko adokʼ se amem rạnḍikʼ noa banarge mitʼ dinte mitʼ ripitʼre amre hecʼ paṛaokʼa. Unre amakʼ mantarko ar guniko ḍhergetamre hõ onakin do purạtege amre paṛaokʼa.

2 Korinthiko 7:13

Ar noa hotete ale do jiwi raṛecʼle ńam akada. Ona jiwi raṛecʼ sãote Titusakʼ rạskạ ńelte ale hõle rạskạkʼkana, ente ape sanamko ṭhen khon uni do monre ạḍi suluke ńam akada.

Jeheskel 14:21

“Ńitokʼ iń Probhu Isorgeń menetʼ kana, iń do tinre Jerusalemren manwa ar janwarko gocʼko lạgitʼ uni upạrte lạṛhại, akal, bir janwarko ar mahamạri noa ponea botoranakʼ sạjạiyiń kola unre tinạkʼ artetʼ bạṛicʼ hoyokʼa!

Rak̕joṅ 1:12

Ape okoe do iń aṛetepe parom calakʼkan ape do cetʼ jãhãnakʼge baṅ cekakʼ kantapea? Ạribạndhipe ar ńelpe. Iń cetʼ lekań harkhet sasetʼ ocokʼkan onka do cetʼ jãhãeko harkhet ocoakana, okaṭakʼ Probhu Isor do acʼakʼ jolokʼkan edre hilokʼe emakawạdiń?

Rak̕joṅ 1:9

Uniyakʼ mạilạ do uniyakʼ kicricʼrege laṭkao akantaea; darakan din reakʼ do bae dạndilena. Uni doe sombotʼ bhindạṛ akana; jiwi raṛecʼtae lạgitʼ do celege bạnukʼkotaea. Uniye meneda, “E Probhu Isor, ińakʼ duk baṛe ńeltińme, ente bạiriko doko jitạu akana. ”

Jesaea 61:2

Probhu Isorakʼ daya reakʼ bochor ar aboren Isorakʼ hala hạli reakʼ dinko lại pasnao lạgitʼ ar hirdạukʼkanko jiwi raṛecʼtako lạgitʼ;

Jesaea 22:4

Ona iạteń menkeda, “Iń ṭhen khon calakʼpe; ar hũk hũk rakʼ ocowạńpe. Ińren hoṛko marao akante jiwi raṛecʼtiń lạgitʼ do alope kurumuṭuiya.”

Jesaea 14:30

Joto khon reṅgejokʼko do jomakʼko ńama ar nacarko do nirạiteko giticʼa. Menkhan amakʼ rehetʼ do akalteń marao giḍiya, onate amren sarecʼ jiwetʼ hoṛ doko gujukʼa.

Sosolhayic̕ 4:1

Siń cando latarre oka santaoko hoyokʼkan ona secʼ mitʼ dhao beṅgetʼkateń ńelkeda santao ocokʼko doko rakʼeda, menkhan onko jiwi raṛecʼ emako lạgitʼ do celege bạnukʼkoa. Sasantaoko ṭhen do ektiạri menakʼa, menkhan santao ocokʼko jiwi raṛecʼ emako lạgitʼ do celege bạnukʼkoa.

Sereńko 69:20

Hirkhạ iạte ińakʼ mon do rạputʼ akana onate iń doń kạhil akana. Ińakʼ dukte jemon eṭakʼkoko dukokʼ ar onage iń doń khojkan tahẽkana, menkhan ona do bạń ńamleda. Jiwi raṛecʼko emdaṛeạń hoṛiń khojletʼkoa, menkhan onkan okoe hõ bạń ńamletʼkoa.

Jobakʼ 42:11

Uniren boeha ar miserako okoe do laha khonko orom akade tahẽkan onko sanamkoge uniyakʼ oṛakʼre hecʼkateko jom ńukeda. Ar Probhu Isor do uni cetanre okako duke ạguketʼ ona lạgitʼ jiwi raṛecʼko emadea. Onko do mimitʼ hoṛ thoṛa thuṛi ṭaka poesa ar mimitʼ goṭecʼ sona mundạmko emadea.

Jobakʼ 2:11

Temani Eliphas, Suhi Bildad, Namathi Sophar ńutuman Jobren pea gate tinre Jobakʼ muhin reakʼ kathako ańjomkeda unre onko do akoakʼ oṛakʼ khonko mohnḍayena. Ar jarwakateko sopolhawana, onko do senkate uni sãoteko dukokʼa ar jiwi raṛecʼko emaea.

Jesaea 8:21

Onko do reṅgecʼ ar kosṭote disạm talareko ạcur baṛaea. Reṅgecʼ jalate coṭ secʼ beṅgetʼkate raj ar onkoren Isorko sarapaea.

Jesaea 9:20

Onko do leṅgati secʼko losagre hõ reṅgecʼkoa ar jojomti secʼko tạhuṛre hõ bako tirpitokʼa. Sesre onko do apnarren hoṛkoakʼ jelgeko joma.

Jesaea 54:11

Probhu Isore meneda, “E birbão hoete gurlạu akanicʼ, ar jiwi raṛecʼ baṅ ńamakatʼicʼ ar nihạ̃t ocokʼicʼ nagraha, iń do nirola dhiriteń benaome lạgidokʼ kana ar amakʼ rehetʼ do nilkanto muniteń bạisạua.

Jesaea 60:18

Amakʼ disạmre jor jobor reakʼ katha ar do baṅ ańjomokʼa, ar amakʼ simạna talare jãhãn jarkharokʼ ar maraokʼ reakʼ katha hõ baṅ ańjomokʼa. Babańcao do pạcriko reakʼ ńutum hoyokʼa ar sarhao do amakʼ duạrko reakʼ ńutumge.

Jirimiạ 15:5

“E Jerusalem, am do okoeye dayawama? Am lạgitʼ do okoeye homor halaṅa? Cetʼ leka menama ona kulime lạgitʼ do okoeye hijukʼa?

Jirimiạ 24:10

Ar onkoren hapṛamko okaṭakʼ disạmiń emakawatʼko ona disạmre tin hạbicʼ bako marao utạrokʼ un hạbicʼ onko talare lạṛhại, mahamạri ar akal iń kola.”

Nạhum 3:7

Am ńelte hoṛ do mẽtʼãhãko ạcurtakoa arko mena, ‘Niniwi do maraoena, ar ona lạgitʼ do okoeye homor halaṅa?’ Am lạgitʼ jiwi rakʼṛecʼicʼ do okareń ńamea?”

Rak̕joṅ 3:47

Ale do toras, jhãmpa, dhaṅdhaser ar jarkharge hecʼ akatʼlea. ”

Jeheskel 14:15

“Iń do ona disạmre bir janwarkoń dãṛã ạcur ocoko ar onko do onako jarkhar ar ona do nonkan ujạṛakʼ hoyokʼ, onko janwarko iạte onkate cele hõ bako parom sen daṛeakʼ,