Jesaea 51:15 - সান্তালী বাইবেল

¹⁵ Ińge Probhu, aperen Isor do. One jalapuriń leoḍalere ona do ḍheokote hud hudạukʼkan. Ińakʼ ńutum do phạdkoren Probhuge.

Jesaea 51:15 Referans Kwoze

Jirimiạ 31:35

Okoe do sińre siń cando, ńindạ do ńindạ cando ar ipilko marsal emokʼ lạgitʼe hukumako, ar okoe do jalapuriye lebḍayetʼkan jemon onako reakʼ ḍheoko hud hudạukʼ, ar okoeyakʼ ńutum do phạdkoren Probhu Isorkan,

Jesaea 54:5

Amren sisirjạuicʼge amren jãwãe do, uniyakʼ ńutum do phạdkoren Probhuge; Israelren uni sonoticʼge amren chakʼḍaoicʼ do. Unige goṭa dhạrtiren Isore ńum ocokʼkana.

Jirimiạ 10:16

Jakob reakʼ bakhra do noako leka do baṅkana, ente unige sanamakʼ jinisko reakʼ sisirjạuicʼ kanae ar Israel do uniyakʼ sompotti kana. Uniyakʼ ńutum do phạdkoren Probhu Isorge.

Jesaea 51:10

Amge cetʼ khạndri jalapuri reakʼ dakʼ do bam ańjetʼ ocoleda? Amge cetʼ jalapuri bhitrite hor do bam tearleda one amren chaḍao akan hoṛko taṛam paromlen?

Jesaea 47:4

Aboren babańcaoicʼ do Israelren uni sonoticʼ kanae; uniyakʼ ńutum do phạdkoren Probhuge.

Sereńko 136:13

Okoe do Arakʼ doreãoe bar hạṭińletʼ tahẽkan uni gun manao joharaepe; ente uniyakʼ dulạṛ do jaejuggetaea.

Sereńko 74:13

Amakʼ daṛetege am do jalapurim bar hạṭiń akada; amge jalapurire dakʼ maṅgaṛkoakʼ bohokʼem gejer akatʼtakoa.

Jesaea 48:2

Ape do sonot nagraharen hoṛ mentepe ńumogokʼ kana ar Israelren Isor cetanrepe bhorsakʼ kana, one uniyakʼ ńutum do phạdkoren Probhuge.

Jobakʼ 26:12

Uni do acʼakʼ daṛete jalapuriye ạulạ ạuli ocoyeda; acʼakʼ budte uni do Rahabe chaka chunekana.

Nehemiạ 9:11

Amge onko samaṅre jalapurim bar hạṭiń ocoleda, onate kuṭhạ̃ṛgeko paromlena; menkhan okoe onkoko khudạuletʼko onko do athantar dakʼre dhiri giḍikakʼ lekam khadlekatʼkoa.

Levitikus 11:44

Iń do aperen Probhu Isor kạnạń. Onate ape do iń ńutumte begar akae tahenpe ar sonotko hoyokʼpe, ente iń doń sonotgea. Ot cetanre ạcur baṛae kạṭicʼ jãhãn janwarte hõ alope besapha ocokʼa,

Sereńko 107:25

Mitʼ dhao uniyakʼ kathate maraṅ birbão hecʼena, onate maraṅ maraṅ ḍheoko rakapʼena.

Exodus 6:7

Ona tayom ińren hoṛ menkate apeń ataṅpea ar aperen Probhu Isoriń hoyokʼa. Unrepe baḍae daṛeakʼa, iń Probhu Isor doń aperen Isor kana, ar Misorrenkoakʼ bojhatepe ten akan khon ińgeń oḍok ạguakatʼpea.

Jirimiạ 51:5

Israel ar Jihudạ do phạdkoren Probhu Isor do bae bạgi akatʼkinạ, Israel do uni sonoticʼ samaṅre acʼakʼ disạmre ghạṭteye perecʼ akada.