Jesaea 51:12 - সান্তালী বাইবেল

¹² Probhu Isore meneda, “Iń kangeạń apeakʼ jiwi rakʼṛecʼicʼ do. Manwa do cedakʼpe botorako kana? Onko doko gujukʼgea. Manwa hopon do ghãs baragge thoṛa okteko tahena.

Jesaea 51:12 Referans Kwoze

Sereńko 118:6

Probhu Isor do iń sãore menaea, iń do bạń botorokʼa; manwa do cetʼe cekayiń baṅ?

1 Patras 1:24

Sonot sostorre ol menakʼa, manwako do ghãs leka kanako, ar ghãs reakʼ bahako lekage onkoakʼ sanam ṭhonoktetʼ hõ; ente ghãs do rohoṛokʼa, ar baha do ńurokʼa,

Jesaea 2:22

Manwako cetanre do alope bhorsakʼa. Uniyakʼ jiwi ma uniyakʼ mũ reakʼ sahẽtʼ chaḍa ar cetʼge baṅkan; uniyakʼ do cetʼ damge bạnukʼtaea.

Johan 14:18

“Bạń ṭũạr oṭokapea; iń do ape ṭheniń hijukʼa.

Jesaea 66:13

Gogo cetʼleka acʼren hoponakʼ jiwiye raṛejtae onkage jiwi raṛecʼ iń emapea; ar ape do Jerusalemre jiwi raṛecʼpe ńama.”

Mathae 10:28

Okoe eken hoṛmo motoko gocʼ daṛeakʼ menkhan jiwi do baṅ onko do alope botorakoa. Menkhan okoe hoṛmo ar jiwi banarge norokre marao reakʼ daṛe menakʼtae unige botoraepe.

Jesaea 51:3

Sion do khạṭige jiwi raṛecʼ iń emaea ar uniyakʼ sanam jarkharakʼko cetanreń mãyãkʼa; Ona reakʼ hahaṅkar do Eden bagwan lekań hoeocoya ar khaṅgoṭ ot do Probhu Isorakʼ bagwan leka. Onare do hulạs, rạskạ, sarhao ar sereń reakʼ aṛaṅkoge ńamokʼa.

Jesaea 43:25

“Ińge amakʼ ghạṭkoń meṭao akada; iń do amakʼ kạiko bạń disạ dohoytama.

Kạhtukko 29:26

Bicạrre disạm cakʼlaoicʼakʼ daya ńam lạgitʼ ḍherkogeko kurumuṭuiya. Menkhan Probhu Isor ṭhen manwa do hok reakʼ bicạrko ńama.

Sereńko 146:4

Onkoakʼ jiwi oḍoklen tako khan onko do hasareko mesaokʼa, ar enhilokʼge onkoakʼ joto lekan goṭawakʼ do cabakʼtakoa.

Sereńko 92:7

Bedhorom hoṛko do ghãs lekako hara rakabokʼ kana ar dusṭạmi kạmikanko do usạrateko phulạukʼ kana enhõ onko do jaejug lạgitʼko marao utạrokʼa.

Aposkạmi 9:31

Ona oktere Jihudạ, Gạlil ar Samariạ disạm reakʼ manḍerkore do suluk tahẽkana, ar ona manḍerko benao rakabokʼkan tahẽkana. Onate Probhu Isor botoraete ar sonot Jiu reakʼ uskurte onko doko saṅge idikʼkan tahẽkana.

1 Samuel 15:24

Unre Sạul do Sạmuele metadea, “Iń doń kại akada. Ar Probhu Isorakʼ hukum ar amakʼ kathako bạń manao akada. Hoṛko botorte iń do onkoakʼ katha lekageń kạmi akada.

2 Rapajko 1:15

Unre Probhu Isorren goḍet do Eliại metadea, “Uni sãote pheḍ calakʼme, ar alom botoraea.” Onate Eliạ do uni sãote pheḍkate raj ṭhene senena.

Jesaea 40:1

Aperen Isorre meneda, “Ińren hoṛko jiwi raṛecʼ emakope, Jiwi raṛecʼ emakope.

Jesaea 49:13

E sermako rạskạte sereńpe; E pirthimi, hulạsokʼme; E buru-ḍuṅgriko, hulạsokʼpe; ente Probhu Isor do acʼren hoṛko jiwi raṛecʼe emakoa ar santao ocokʼkan acʼren hoṛko cetanreye mãyãkʼa.

Jesaea 57:11

“Okoeyem botoraekante iń ṭhen eṛe katham roṛkeda, ar ińem hiṛińkedeńạ ar bam moneyạń kana? Ḍher din khon hape akae minạńte cetʼ bam botorạń kana?

Jirimiạ 38:19

Sedekiạ raj do unre Jirimiại metadea, “Okoe Jihudiko Babelteko idi ocoakan iń do onkoń botor akokana, ente Babelrenko do hoedaṛeakʼa onkoakʼ tireko soprotińạ ar onko do iń tulucʼ bạṛicʼko beohara.”

Jirimiạ 41:18

Onko do Babelrenko botorte Jihudạ khonko dạṛetʼkan tahẽkana, ente Ismael do Babel rajren bahalicʼ disạm cakʼlaoyicʼe gocʼledea.

Jeheskel 2:6

Menkhan E manwa hopon, am do onko ar onkoakʼ kathate alom botorokʼa. Onko do seṅgel siń ar jạnumko leka am beṛhaeteko tahẽlenrehõ ar kidiń kaṭkom talare menamre hõ am do alom botorokʼa. Onko ńelte se onkoakʼ katha ańjomte hõ alogem botorokʼa; ente onko do huhul jạtrenko kanako.

1 Samuel 17:11

Uniyakʼ noako katha ańjomkate Sạul ar eṭakʼ Israelko do ạḍi botor caṛhaoatʼkoa.

1 Samuel 21:13

Ona iạte uni tinạkʼ din onko ṭhene tahẽyen unạkʼ din onko samaṅre koṅka lekae bhankeda. Ar tinre uniko sapʼkedea unre uni do koṅka leka duạr reakʼ kapaṭkore ạuṛige dag baṛaeye ehopʼena ar acʼakʼ ulidakʼ do goco cetanre tiṛạ toṛoy joro ocokeda.

Jesaea 8:12

“Noko hoṛ okaṭakʼ do soṛojontroko metakʼkan ape do onako okaṭakʼ hõ soṛojontro do alope metakʼa. Ar onko okaṭakʼko botorakʼ ape do ona alope botorokʼa; ar botoranakʼ mente hõ ona do alope hudisa.

Jesaea 12:2

Sạriyakʼren, Isorge ińren babańcaoicʼ do; iń do uniregeń bhorsakʼkana, ar bạń botorokʼa. Probhu Isorge, ińakʼ daṛe ar ińakʼ sereń; ińren babańcaoicʼ doe uni kangea.”

Jesaea 52:9

E Jerusalem reakʼ jarkharakʼko, ãṭ aṛaṅte hulạsate sereńpe, ente Probhu Isor do acʼren hoṛko jiwi raṛecʼe emakatʼkoa ar Jerusalem doe chaḍao akadea.

Jesaea 61:2

Probhu Isorakʼ daya reakʼ bochor ar aboren Isorakʼ hala hạli reakʼ dinko lại pasnao lạgitʼ ar hirdạukʼkanko jiwi raṛecʼtako lạgitʼ;