Jesaea 50:8 - সান্তালী বাইবেল

⁸ Okoe bin dusạnicʼ menteye sạbud akadiń uni do sorrege menaea; enḍekhan okoe iń upạrte doe lạlisa? Dela, bon teṅgo ńapamlenge. Ar okoeye dusi akadiń, uni do iń samaṅreye hecʼ sorokʼma.

Jesaea 50:8 Referans Kwoze

Johan sodor 12:10

Ona tayom iń do serma khon ãṭ aṛaṅte mitʼ hoṛ roroṛkaniń ańjomkedea, “Ńitokʼ do babańcao, daṛe ar aboren Isorakʼ rajosṭi ar uniren ojokʼicʼakʼ ektiạri hoyakana, ente okoe aboren boehakoe dusiyetʼko tahẽkan uni do serma khone lebda ńur ocoakana. Aboren Isor samaṅre siń ńindạ uni do onkoakʼ doskoe udukʼetʼ tahẽkana.

Jesaea 41:1

Probhu Isore meneda, “E sạṅgiń disạmren hoṛko, iń samaṅre thir hape akae tahenpe. E jạt jạtrenko, ape do nãwã daṛepe ńama; ape do hecʼ sorokʼpe ar katha roṛpe. Dela, bicạr lạgitʼ mitʼ sãote bon jarwakʼ ma.

Jesaea 43:26

Amakʼ bisoeko reaṅ disạ ocoyińme; ar dela hijukʼme, dela ona reaṅ laṅ reṭepeṭelenge, am do apnar secʼ katha roṛme jemon dhoromem ṭarhaokʼ.

Jesaea 41:21

Probhu Isor, metakʼme Jakobren raje meneda, “Apeakʼ mambla samaṅtape, ar sạbudko ạguiytape.

1Timothi 3:16

Isor bhokti reakʼ sạri okoakʼ je maraṅge ona do jotokogeko aṅgoca. Ona sạritetʼ do noage, Uni do manwa lekateye sodorena; ar Jiureye dhorom ocoyena; serma goḍet do uniko ńelledea; sanam jạtrenko ṭhen uni reaṅ porcarlena; dhạrtiren hoṛko do unireko pạtiạuena; ar serma ṭhonokre uni doe rakapʼ ocoyena.

Mathae 5:25

“Jãhãe am upạrteye mamblae khan adalotte ạuri calakʼrege uni sãote samka sạṭikʼme. Ar baṅkhan uni do hạkim ṭhene soprotmea, ar hạkim do pulis ṭhen, ar pulis do hajotreye bhoraomea.

Dosar Biboron 19:17

enḍekhan ona babotre unkin bana hoṛge naeke se bikʼcạricʼ ṭhen idikate Probhu Isor samaṅre teṅgokin hoyokʼa.

Exodus 22:9

Eṭakʼ hoṛakʼ dokholre menakʼko nonkan ḍaṅgra se gadha se bheḍa se hoṛmo reakʼ kicricʼ se eṭakʼ jãhãnakʼ atʼ akan jinis ńelte jãhãegeye men ona do acʼakʼ kana, enḍekhan miṭmaṭ lạgitʼ banar secʼrenge Isor ṭhen hạjirokʼ hoyokʼtạkina. Ar Isor okoe do dusi menteye ṭarhaoe uni do eṭakʼicʼ ona reakʼ doboṛe ruạṛkataea.

Jobakʼ 13:19

Jãhãege cetʼ iń upạrteye reṭepeṭekokʼa? Ariń daṛeakʼ khan iń doń gujukʼa.

Sereńko 119:151

Menkhan E Probhu Isor, am do sorre menama, ar amakʼ sanam hukumko do sạrigea.

Jesaea 1:18

Probhu Isor do arhõe meneda, “Dela hijukʼpe, ńitokʼ bon galmarao phanḍaolege. Ente apeakʼ sanam kạiko sindur leka arakʼ akanre hõ enhõ ona do him leka ponḍokʼa; ar jeṅgetʼ arakʼ kanre hõ enhõ ona do bhiḍi upʼ leka ponḍokʼa.

Jesaea 45:25

Ińrege Israelren sanam bõsko do bin dusạn menteko sạbudokʼa ar ińko sarhaoińạ.”

Jesaea 54:17

Am upạrte tearakʼ khanḍa bhanḍako hõ oka kajrege baṅ jojaokʼa; ar bicạrre am upạrteko teṅgokʼ hoṛko do amge dusirem paṛaokoa. Noa kangea Probhu Isorren golamkoakʼ bakhra do, ar noa kangea onkoakʼ dhorom hõ.”