Jesaea 50:6 - সান্তালী বাইবেল

⁶ Okoeko daleńkan onko ṭhen ińakʼ dea doń alae akatʼtińạ ar okoe ińakʼ gocoko racakʼ topakʼ akatʼtiń onko do ińakʼ johageń samaṅ akatʼkoa. Ar tinre ińko opoman arko thoạńkan tahẽkana unre ińakʼ mẽtʼãhã do bạń betʼ esetʼletʼtińạ.

Jesaea 50:6 Referans Kwoze

Mathae 26:67

Unre mẽtʼãhãreko thoadea, arko kuhạukedea arko thapakedea.

Mark 14:65

Unre adomko do hoṛmoreko thoadea ar uniyakʼ mẽtʼko betʼketʼtaea ar kilạukedeteko metadea, “Am do cetʼ nạbi kanam? Mase lạime okoeye dalketʼmea!” Ona tayom palṭonko do idikateko thapa baṛakedea.

Mark 15:19

Onko do mitʼṭecʼ ṭheṅgate bohokʼreko dal dalaekan arko thoaekan tahẽkana, ar ikhṛumkateko ḍobokʼaekan tahẽkana.

Mathae 27:30

Onko do hoṛmoreko thoadea ar ona ṭheṅga hatao ruạṛkate bohokʼreko dal daladea.

Jesaea 53:5

Aboakʼ kại gunạkʼtege uni doe ghạl ocolena; aboakʼ ghạtko iạtege uni doe talga tạuạkʼ ocoyena. Okaṭakʼ sạjại hotete abore suluk hecʼakan ona sạjại do unigeye em ocoyena, ar uniyakʼ dal ur iạte abo do bon bogeyena.

Johan 18:22

Jisu noa kathae roṛketʼ khan sorre teṅgo akan tahẽkan kạmiyạko modren mitʼ hoṛ do uniye thapakedeteye metadea, “Maraṅ naeke nonkam roṛ ruạṛae kana?”

Rak̕joṅ 3:30

Uni do thapakạnicʼ acʼakʼ johae ạcuraema ar henostateye tuhedokʼma.

Ibriko 12:2

Delabon, Jisu secʼ beṅgetʼ akae bon tahenma, one okoe do biswạs reakʼ rehetʼ are sạbit utạricʼ kan. Uni samaṅre oka rạskạ dohoakan ona lạgitʼge uni do manot secʼ bae moneyatʼte kurusre gujukʼe sahaokeda ar ńitokʼ do Isorakʼ siṅghạson reakʼ jojomsa aṛereye duṛupʼ akana.

Mathae 5:39

Menkhan ińiń metapekana, jãhãe ape tulucʼ bạṛicʼko beohar khan onko upạrte cetʼhõ alope cekaea; bickom jãhãe jojom johae thapame khan uni do leṅga joha hõ thapa ocoaeme.

Nehemiạ 13:25

Iń do onkoń ruhetʼketʼkoa ar onko cetanre jemon sarap hecʼako ona hõń metatʼkoa. Onkoren adomko doń dalketʼkoa ar bohokʼ upʼkoń racakʼ tutʼketʼtakoa. Isor ńutumte noań kiriạ ocoketʼkoa jemon porjạtren koṛako sãote akoren hoponerako aloko baplako ar akoren hoponko hõ jemon porjạtren kuṛiko tulucʼ aloko baplako.

Mathae 27:26

Unre Pilạt do Barabbageye aṛakʼatʼkoa, menkhan Jisu do cạbuk baṛakate kuruskae lạgitʼe soprotkedea.

Mikạ 5:1

E lạṛhại phạdko hotete gherao akan nagraha, amren lạṛhại phạdko jarwakotam, ente onko do abonko gherao esetʼ akatʼbona. Bạiriko do Israelren cakʼlaoicʼ ṭheṅgate johareko dal akadea.

Numeri 12:14

Probhu Isor do Moseye metadea, “Uniren apattetʼ uniyakʼ mẽtʼãhãreye thoae khan enḍekhan uni do cetʼ ona eae din lajao paṛare bae tahẽkokʼa? Uni do eae din ḍera bahrere dohokae hoyokʼa, ar ona tayom doe ruạṛ ạgu ocokʼa.”

Jobakʼ 16:10

Iń landa-dhutʼạń lạgitʼ hoṛ do mocako cahapʼ akatʼtakoa; siṛogate johareko thapa edeńkana ar iń upạrte mitʼ sãoteko jarwakʼ kana.

Jobakʼ 30:10

Hirkhạwạń kanako ar iń khon sạṅgińreko tahenkana; ar mẽtʼãhãre thoạń hõ bako bataoetʼkana.

Sereńko 69:7

Iń do am lạgitʼge opomaniń sahao akada, ar bemanotte ińakʼ moca do danaṅ esetʼakana.

Sereńko 69:8

Ińren boehako ṭhen iń do bin opromicʼ iń hoyakana, ar eṅgat lacʼren boehako ṭhen do porjạt lekań hoyakana.

Sereńko 129:3

Cacasko leka onko do ińakʼ deareko cas akada. Onko do jeleńgeko nala akada;

Jesaea 53:7

Uni doe santao ocoyena ar duke jomkeda, menkhan enhõ acʼakʼ moca do bae jhicʼletʼtaea; uni do mage lạgidokʼkan bhiḍi hopon lekae tiyạkʼ idi ocoyena, ar kạpciyicʼ samaṅre hape akan bhiḍi leka uni do moca bae jhicʼletʼtaea.