Jesaea 50:10 - সান্তালী বাইবেল

¹⁰ Ape modre okoe Probhu Isore botorae kan, ar uniren gutiyakʼ kathae bataoetʼtaea, ar marsal bạnukʼte ńũtreye taṛametʼkan, uni do Probhu cetanreye pạtiạukʼ ma ar uniren Isor cetanre bhorsa akane tahenma.

Jesaea 50:10 Referans Kwoze

Johan 12:46

Iń do noa dhạrtire marsal lekań hecʼakana, jemon ińre okoeye pạtiạukʼ uni do ńutre aloe tahen.

Johan 8:12

Jisu do arhõ hoṛkoe metatʼkoa, “Ińge dhạrti reakʼ marsal do. Okoe ińakʼ horteye calakʼ uni do tis hõ ńutre bae taṛama, bickom jion reakʼ marsale ńama.”

Sereńko 23:4

Gujukʼ umul reakʼ lodamreń taṛamlere hõ muhinko reakʼ do bạń botorokʼ kana, ente am do iń sãore menama; ar amakʼ ṭheṅga ar ṭhuṅgrạ do muhin khonkin bańcaoińạ.

Ibriko 5:9

Nonkate tinreye sạbit ocoyena unre acʼakʼko bataotae sanamko lạgitʼ jaejug bańcaokʼ reakʼ hore hoyena.

Jesaea 9:2

Okoeko hoṛ do ńutreko tahenkan onko do maraṅ marsalko ńela; ar okoe kaṛaṅ ńut reakʼ umulreko duṛupʼ akan onko do marsal bamberakoa.

Sereńko 25:14

Probhu Isor okoeko botorae kan onko ṭhenge uni do acʼakʼ monsubại sodortaea, ar acʼe dohoakatʼ bondobose baḍae ocokoa.

1 Patras 5:7

Apeakʼ sanam dạndiko unire lade giḍikakʼpe, ente uni do ape reaṅe dạndikʼ kana.

Sereńko 42:11

E ińakʼ jiwi, cedakʼ am dom be asokʼkana? Cedakʼ nunạkʼ dom cońcol akana? Isorre bhorsa dohoyme, ente uni do arhõń sarhaoea; uni do ińren babańcaoicʼ ar ińren Isor kanae.

Sereńko 28:7

Probhu Isorge ińakʼ daṛe ar ḍhal do; ińakʼ ontor do unirege hirlạ akana, ar onatege iń do goṛoń ńam akada; iń do õṛhẽ sereńateń sarhaoea.

Malaki 3:16

Unre okoe do Probhu Isorko botorae kan tahẽkan onko do ako akore kathako roṛana ar Probhu Isor do onae moneyada. Okoe Probhu Isorko botorae kan tahẽkan ar uni babotre khạndri reakʼko hudisetʼkan tahẽkan onko disạko lạgitʼ onko samaṅre mitʼṭecʼ puthi do olena.

Jesaea 53:11

Uni do acʼakʼ jiwi reakʼ duke ńela are tirpitokʼa; Probhu Isore meneda, ‘ińre dhorom golam do acʼakʼ baḍaete ḍher hoṛkoe dhorom ocokoa, ente uni do onkoakʼ sanam ghạṭkoe gogtakoa.

Jesaea 50:4

Probhu Isor do sikhnạt reakʼ alaṅgeye em akawadińạ jemon katha hotete laṅga akan hoṛkoń goṛo daṛeako. Uni do dinạm hilokʼ setakʼ jokhecʼe ebhen edeńkana ar ińakʼ luture cetao ocoyetʼtińạ jemon mitʼṭen cela lekań ańjomtae.

Sereńko 25:12

Okoe kanae uni hoṛ, okoe do Probhu Isore botorae kan? Ar okaṭakʼ hor bachao hoyokʼtaea ona do unigeye udukʼaea.

Jobakʼ 29:3

Ińakʼ bohokʼ cetanre uniyakʼ diuhe do jolokʼkan tahẽkana, uniyakʼ marsalte iń do unre ńutreń dãṛãnkan tahẽkana.

Sereńko 128:1

Bhạgangeako onko do, okoe do Probhu Isorko botorae kan ar uniyakʼ horteko calakʼkan.

Sereńko 111:10

Probhu Isor botorae do ạkil reakʼ etohopʼ kana; okoe ona lekako kạmi onko do akelko ńama. Probhu Isorakʼ sarhao do jaejug hạbicʼ tahenma.

Sereńko 62:8

E ińren hoṛko, Isorge ińren hirlạ; ape do jaoge unire bhorsa akan tahenpe, uni ṭhen apeakʼ ontor dul tape. (Sela)

Sereńko 145:21

Ińakʼ moca do Probhu Isorakʼgeye sarhao sereńa; ar sanam jiwiyanko do piṛhike piṛhi uniyakʼ sonottetʼko sarhaotaea.

2 Bõsbudạ 20:20

Dosar hilokʼ ạḍi setakʼre onko do Tekoa hahaṅkar secʼko oḍok calaoena. Ar oḍok calakʼ lahare Jehosaphat do teṅgoyenteye metatʼkoa, “E Jihudạ ar Jerusalemren hoṛko, ińakʼ katha ańjompe. Ape do aperen Probhu Isor cetanre bhorsa dohoype, enḍekhanpe ṭarhao tahẽ daṛeakʼa. Uniren nạbiko cetanre pạtiạu dohoype, ar onatepe jo bahakʼa.”

Jesaea 42:1

Probhu Isore meneda, “Ńelpe, ińren guti, one uniń goṛowae kan; ariń bachao akade ar one unireń kusi akan. Ińren Jiu do unireń dohoyea ar uni do boṅgan hoṛ jạtrenko ṭhen hok reakʼ bicạre lại jạhira.

Sosolhayic̕ 12:13

Kathako reakʼ mucạtʼ do nokʼõe; tobe ses katha do hoyokʼkana, Isor botoraeme ar uniyakʼ hukumko dohoyme; ente noa kangea manwakoakʼ dạyik do.

Jobakʼ 13:15

Ńelpe, uni doe gocʼ giḍikạńre hõ enhõ uni cetanre asiń dohoya; ar khạṭige uni samaṅre coloniń sojhetińa.

2 Bõsbudạ 20:12

E aleren Isor, am do cetʼ bam bicạrkoa? Noko maraṅ lạṛhại phạdko teṅgo daramko lạgitʼ daṛe aleakʼ do bạnukʼ talea. Ar cetʼle cekaya ona hõ bale baḍaea, menkhan eken am secʼgele koyokʼ hor akada.”

1 Bõsbudạ 5:20

Noko sãote lạṛhại jokhecʼ Isor do onkoe goṛowatʼko tahẽkana. Uni do Hagariạko ar onkoren sanam hoṛko onkoakʼ tireye jimạletʼkoa, ente lạṛhại jokhecʼ onko do Isor ṭhenko koejoṅkan tahẽkana. Ar uni cetanreko bhorsalen iạte uni do onkoakʼ koejoṅe ańjomletʼ takoa.

1 Samuel 30:6

Unre Dạud do ạḍi muhinreye paṛaoena, ente hopon ar hoponerako iạte uniren hoṛkoakʼ mon do Dạud cetanre nonka haṛhatʼentakoa, onko do dhirite Dạud tińe lạgitʼko roṛ baṛayetʼ tahẽkana. Menkhan Dạud do acʼren Probhu Isor cetanre bhorsakate ontorre dile ńam ruạṛkeda.

Jesaea 59:9

Ona iạte hok reakʼ bicạr do abo ṭhen khon sạṅgińre tahen kana ar dhorom do abo hạbicʼ baṅ seṭerokʼ kana. Abo do marsal bon khojkana, menkhan jotoge ńutgea; ḍig ḍig marsal bon khojkana, menkhan kaṛaṅ kucạṅ ńutre bon dãṛãnkana.

Rak̕joṅ 3:2

Uni doe laga ńir akadińạ; marsalre do baṅ, menkhan ńutreye taṛam ocoakadińạ;

Ephesiko lạgitʼ Pạul Apostolakʼ ciṭhi 5:8

ente pạhil do ńutrepe tahẽkana menkhan ńitokʼ do Probhu Isorrepe mitʼ akante marsaltepe hecʼakana. Marsalte perecʼ hoṛkoakʼ cetʼleka calakʼ lek kan onkage ape hõ calakʼpe,

Jesaea 10:20

Enhilokʼ Israelren jiwetʼ tahen hoṛko, metakʼme Jakobakʼ bõsren sarecʼ hoṛ do akoren hạhạnko cetanre ar bako bhorsakʼa, menkhan Probhu Isor cetanre, Israelren uni sonoticʼ cetanre sạrigeko bhorsakʼa.

Jesaea 12:2

Sạriyakʼren, Isorge ińren babańcaoicʼ do; iń do uniregeń bhorsakʼkana, ar bạń botorokʼa. Probhu Isorge, ińakʼ daṛe ar ińakʼ sereń; ińren babańcaoicʼ doe uni kangea.”

Jesaea 26:9

Ińakʼ jiwi do ńindạ am lạgitʼe rakʼeda. ińren jiu do am lạgitʼe ahkaokʼ kana. Dhạrtire amakʼ hok bicạr hecʼlenre prithimiren hoṛ do dhorom reakʼ cecetʼakʼ ko ńama.

Daniel 3:28

Unre Nebukadnesar doe menkeda, “Sedrok, Mesak ar Abed-negoren Isorakʼge sarhao hoyokʼtae ma, okoe do acʼren serma goḍetko kolkate acʼren gutikoe bańcaoketʼkoa. Noko do uni cetanre biswạskatege rajakʼ hukumko bebataoleda ar akoren Isor chaḍa ar jãhãn debota sewawako bodolte gujukʼ hõ rạjigeko tahẽkana.

Sephaniạ 3:12

Okoe Probhu Isor cetanreko bhorsakʼkan onkan mạ̃hir ar iń botorạńkan hoṛ do amreń sarecʼ dohokoa.

Hagae 1:12

Unre Sealṭiel hopon Serubabel, Jehosadek hopon maraṅ naeke Josuạ ar eṭakʼ sanam hoṛko do akoren Probhu Isorakʼ katha leka ar uniye kollede Hagae nạbiyakʼ katha lekako kạmikeda, ente onko do Probhu Isorko botorae kan tahẽkana.

2 Samuel 22:29

E Probhu Isor, amge ińakʼ diuhe do; amge ińakʼ ńut dom marsal ocoyetʼtińạ.

Jesaea 8:17

Iń do Probhu Isor lạgitʼ koyokʼ hor akaeyiń tahena, okoe do Jakob bõsrenko secʼ khon mẽtʼãhãe ạcur akatʼtae; iń do uni cetanrege bhorsa akaniń tahena.

Nạhum 1:7

Probhu Isor doe bhagegea, ar gạr hilokʼren doe aotan gaṛ kana. Ar acʼre okoeko hirlạkʼkan onko doe baḍaeyetʼkogea.