Jesaea 5:9 - সান্তালী বাইবেল

⁹ Ińakʼ luturte phạdkoren Probhu Isorakʼ niạ kathań ańjomakada, “Sạrige maraṅ maraṅ oṛakʼko do marao utạrokʼa, ar napae napae dolanre do celege bako tahena.

Jesaea 5:9 Referans Kwoze

Mathae 23:38

E Jerusalemren hoṛko, apeakʼ oṛakʼ do ujạṛokʼa.

Amos 5:11

Ape do reṅgecʼ hoṛpe santaoetʼkoa ar jor julumkate onko ṭhen khon guhumpe ạdạiyetʼkana. Ape do dhiri reakʼ maraṅ maraṅ oṛakʼkope benaojoṅ kangea menkhan onare do bape girobas daṛeakʼa. Ape do mońj darkha bagwanpe benao joṅkangea enhõ ona reakʼ darkha rasa do bape ńũ ńama.

Amos 3:7

Probhu Isor do acʼren guti nạbiko ṭhen acʼakʼ jãhãnakʼ goṭawakʼ bae sodorle khan cetʼge ohoe cekalea.

Jesaea 22:14

Phạdkoren Probhu Isor do niạ katha iń ṭhene sodor akada, “Apepe gujukʼre hõ niạ kại do baṅ ikạkʼtapea. Iń phạdkoren Probhu Isorge niạ kathań meneda.”

Mathae 22:7

Unre raj doe raṅgaoena ar acʼren palṭonkoe kolketʼkote khũniạhikoe maraoketʼkoa ar onkoakʼ nagrahakoe jeretʼ giḍikatʼtakoa.

Amos 6:11

Probhu Isor do tinreye hukuma unre maraṅ maraṅakʼ oṛakʼko do rạputʼ dhaṅdhaserokʼa ar huḍiń huḍiń oṛakʼko do rạputʼ gejerokʼa.

Jesaea 27:10

Pạcrite esetʼ nagraha do nisun akana; ona do bạgi giḍiyakʼ oṛakʼ ar hahaṅkar leka bạgi giḍi hoyakana. Onḍe do mĩhũko ạtińa arko burumokʼa; ar dare reakʼ sakamko joma.

Jesaea 5:6

Iń do mitʼṭecʼ dhaṅ dhaser jaegageń hoeocoya; nạ̃ṛĩ hõ baṅ kamanokʼa ar jumi hõ baṅ casokʼa, onḍe do rạṅgạini ar aṭkuṭige hara perejokʼa. Rimil hõń hukumakʼa onare jemon dakʼ aloe jạṛiyakʼ.”

2 Bõsbudạ 36:21

Niạ oktere Israel disạm do acʼakʼ jirạukʼ-bochorreye jirạuena. Jirimiạ hotete roṛlen Probhu Isorakʼ katha eae gel bochor ạuri purạukʼ hạbicʼ onkoakʼ disạm reakʼ sanam jumiko do khạlige tahẽyente jirạuena.

Jakob 5:4

Apeakʼ khetre okoe kạmiyạko phosolko samṭao akatʼtape onko do kuṛại bape emakatʼkoa; ar ńelpe, ona kuṛại do ńitokʼ ãṭ aṛaṅteye dusiyetʼpea. Sanam daṛean Probhu Isorakʼ luturre onko kạmiyạkoakʼ rakʼ do seṭerakana.

Jobakʼ 15:28

Uni do dhaṅdhaser nagrahareye girobasokʼ kana; okaṭakʼ oṛakʼre celege bako tahenkan, ar oka oṛakʼ do dhaṅ dhaserokʼ lạgitʼ sapṛao akan, onḍege uni doe girobasokʼ kana.

Jobakʼ 20:21

Jom leka do cetʼge sarecʼ baṅ tahentaea; uniyakʼ kisạ̃ṛtetʼ do ar baṅ ṭambhaokʼtaea.

Kạhtukko 15:27

Lalociạ hoṛ do acʼakʼ gharońjre duke ạguiya, menkhan okoe hoṛ ghuse hirkhạwakʼ uni do jione ńama.