Jesaea 5:24 - সান্তালী বাইবেল

²⁴ Onatege seṅgel reakʼ alaṅ do cetʼleka busupʼe loyetʼ ar seṅgel reakʼ lepʼre rohoṛ ghãsko jarkharokʼkan, onkage onkoakʼ benaoakʼ do seakʼtakoa ar dhuṛi lekage onkoakʼ baha do oṭaṅokʼtakoa; ente onko do phạdkoren Probhu Isorakʼ hukumko bebatao akada ar Israelren uni sonoticʼakʼ kathako lebetʼ gańjao akada.

Jesaea 5:24 Referans Kwoze

Jesaea 30:12

Ona iạte Israelren uni sonoticʼ do niạ kathae meneda, “Ape do ińakʼ kathape nihạ̃t akada, ar eṛe ar sasantaoko cetanrepe bhorsakʼkana.

Jobakʼ 18:16

Latarre uniyakʼ rehetʼko do rohoṛokʼkana ar cetanre uniyakʼ ḍạrko do gujukʼkana.

Luk 3:17

Uniyakʼ haṭakʼ do tirege menakʼtaea; onate khạrại do mońjteye saphaea ar phosol do acʼakʼ golareye doho jarwaea, menkhan peṭecʼ do baṅ iṛijokʼ seṅgelreye atar giḍikakʼa.”

Joel 2:5

Rãt gạḍi reakʼ sabad leka, lanḍha jolokʼkan seṅgel reakʼ saḍe leka onko do buru cetanteko don hijukʼa. Onko do lạṛhại lạgitʼ sajao akan mitʼ dol daṛean lạṛhại phạdko lekage.

Jesaea 47:14

Onko do bhusạ lekan kanako; cetʼ leka seṅgel do onkoe ḍahaoko. Onko do seṅgel lepʼ khon apnarte bako rukhiyạ daṛeakʼa. Niạ seṅgel lepʼ do aṅgra seṅgel do baṅ kana one duṛupʼkateko jorokʼ daṛeakʼ se marsalko ńam daṛeakʼ.

Jesaea 30:9

Noko do kạṭhuạ jạtren kanako, eṛe roroṛ hoponkoge: Probhu Isorakʼ cecetʼakʼ baṅ ańjometʼkan hoponkoge.

Exodus 15:7

Okoe am upạrteko teṅgoyen amakʼ maraṅ ṭhonokte onko do latartem giḍikatʼkoa; ar amakʼ jal jalaokʼkan edre do busupʼ leka onkoe lo maraoketʼkoa.

1 Thessalonikikko 4:8

Onate okoe noa cecetʼakʼ bae hetawakʼ uni do manwa do baṅ, bickom okoe acʼren sonot Jiue dan akawatʼpe uni Isorge bae hetawae kana.

Aposkạmi 13:41

Ape okoe do Isor sãotepe khiloḍkan, ańjompe ape do bhaṛokʼpe ar mohor meṭaokʼpe; ente ape bidạlrege iń do nonkanakʼ iń kạmiya one uniyakʼ katha ohogepe pạtiạulen, jãhãeye lạiyapere hõ baṅa.”

Johan 12:48

Okoe iń bae bạsutạń ar ińakʼ katha bae ańjom uni lạgitʼ do bicạricʼ menaea. Oka kathań roṛakatʼ ona kathage mucạtʼ dinre uni do dusi menteye sạbudea;

Luk 10:16

Jisu do arhõ celakoe metatʼkoa, “Okoe apeakʼ kathako ańjometʼkan onko do ińakʼ kathageko ańjomeda. Okoe apeko nihạ̃tetʼpe onko do ińgeko nihạ̃tediń kana. Ar okoe ińko nihạ̃tedińkan onko do kol akadińicʼgeko nihạ̃tedekana.”

Luk 7:30

Menkhan Phạrusiko ar sostor baḍaeko do Johan ṭhen bako bạptislente Isorakʼ monejoṅakʼko neṅghaokeda.

Mathae 3:12

Uniyakʼ haṭakʼ do tirege menakʼtaea ar khạrại do mońjteye saphaetaea. Ar phosol do acʼakʼ golareye jarwaea, menkhan bhusạ do tishõ baṅ ĩṛĩjokʼ seṅgelreye atar giḍikakʼa.”

Malaki 4:1

Phạdkoren Probhu Isore meneda, “Ńelme, ona din hijukʼkana, ona do culhạ reakʼ seṅgel leka jolokʼa. Enhilokʼ sanam bạḍại hoṛko ar sasantaoko do lanḍha busupʼ lekako hoyokʼa arko lo torojokʼa. Mitʼṭecʼ rehetʼ se mitʼṭecʼ ḍạr hõ sarecʼ do baṅ tahena.

Nạhum 1:10

Ape do jạnum jhạuạrepe ramphakʼa ar darkha rasa ńũtepe bulokʼa; ar lanḍha lekape lokʼa.

Amos 2:9

“E Israelren hoṛko, Amoriko do debdạru dare leka usul ar Elon dare leka daṛeanko tahẽkanre hõ enhõ onko Amoriko do ape samaṅregeń marao giḍiletʼkoa. Iń do onkoakʼ rehetʼ ar jo sudhạgeń maraoletʼtakoa.

Hosea 9:16

Ephrayim doe ńẽtʼ akana, onkoakʼ rehetʼ do rohoṛ akana, onare jo do baṅ sabokʼkana. Ar onkoren hoṛko do gidrạko janamlekore hõ iń do onkoren dulạṛiạ gidrạkoń gocʼ cabakoa.”

Hosea 5:12

Ephrayimko ṭhen do tejo leka ar Jihudạren hoṛko ṭhen do heṛ akan jinis lekageń hoyakana.

Jirimiạ 8:9

Ạkilan hoṛ do lajao arko torasokʼ kana ar jhạlireko paṛaokʼ kana. Onko do Probhu Isorakʼ kathako nihạ̃t giḍiakada, enḍekhan onko do cetʼ lekan ạkil menakʼtakoa?

Jirimiạ 6:19

E pirthimi, ańjomme, iń do hoṛko cetanre muhiniń paṛao ocoya; ona do onkoakʼ hudis joṅ reakʼ joge hoyokʼa, ente ińakʼ katha do bako ańjomleda ar ińakʼ ạn-ạri hõko nihạ̃t giḍiakada.

Jesaea 8:6

“Noko hoṛ do Siloah reakʼ legem ạtukʼ dakʼko nihạ̃tetʼ kana, onko do Resin ar Remaliạren hopon iạteko rạskạkʼ kana.

Sereńko 50:17

Am ma ińakʼ ḍanṭaoem hirkhạwakʼ kan ar ińakʼ katha ma bam moneyakʼkan.

Nehemiạ 9:26

“Menkhan enhõ onko do bebatao iạte am upạrteko hulkeda; ar amakʼ ạn-ạriko bạgiyada. Amren okoeko nạbi do am secʼ ruạṛ lạgitʼko sontoretʼko tahẽkan onko nạbi doko gocʼketʼkoa; ar am do ạḍi bạṛicʼko opomanketʼmea.

1 Samuel 15:26

Menkhan Sạmuel do uniye metadea, “Am sãote do bạń calakʼa. Am do Probhu Isorakʼ hukumem bebatao akatʼte Probhu hõ Israelkoren raj lekateye nihạ̃t giḍi akatʼmea.”

1 Samuel 15:23

Huhul ar gunidari kạmi do inạ mitʼ lekan kạikangea; bebatao ar boṅga sewa hõ inạ lekan kại kangea. Am do Probhu Isorakʼ hukum bam batao akatʼte uni hõ am do raj lekateye nihạ̃t giḍi akatʼmea.”

2 Rapajko 19:22

Am do okoeyem henosta akadea? Ar okoe upạrte opoman reakʼ katham roṛeda? Am do okoe upạrtem kikiạukʼ kana ar okoe cetantem beṅgetʼ parom akada? Am do Israelren uni sonoticʼ upạrtege noakom nonka akada.

Jesaea 1:4

Hae! Onko do kạite perecʼ mitʼṭen jạtrenkoge, dusi reakʼ bojhate perecʼ hoṛge, behoketʼren bõskoge, bạṛicʼakʼ kạmiyetʼkan hoponkoge. Onko do Probhu Isorko bạgi giḍi akadaea ar Israelren uni sonoticʼko nihạ̃t akadea arko dea giḍi akadea.

Jesaea 1:31

Daṛean hoṛko do rohoṛ busupʼ lekan kope hoyokʼa, ona reakʼ kạmi do seṅgel reakʼ alaṅ leka. Ona do mitʼ dhaogeye lokʼa; ar okoehõ ona seṅgel do bako ĩṛĩcʼ daṛeakʼa.” bańcaoicʼ

Jesaea 7:9

Ephrayimren matha Samariạ baṅ cetʼ kan, ar Samariạren matha Remaliạren hoponge baṅe celekan? Apeakʼ pạtiạure ṭehãḍ akanpe tahen khan ape do oka lekate hõ ohope teṅgo keṭecʼ daṛelena.’ ”

Jesaea 9:18

Sạrige dusṭạmi do seṅgel leka jolokʼ kana, ona do jạnum ar rạṅgạinikoe atar giḍikakʼa. Ona do bir gajaṛkoe jeretʼeda ar onate dhũạ do cetante tutʼ tutʼ gurlạu rakabokʼa.

Jesaea 9:19

Phạdkoren Probhu Isorakʼ edrete disạm do jarkharokʼa, ar hoṛko do seṅgel lạgitʼ sahan lekako hoyokʼa. Celege acʼren boeha hõ bae dayawaea.

Jesaea 24:6

Ona iạte mitʼṭecʼ sarap do dhạrtiye utʼ cabaea; ar uniren hoṛko do dusikoko hoyokʼa. Ona iạte dhạrtire okoeko girobasokʼ kan onko doko atar giḍi ocokʼa ar thoṛa hoṛge jiwetʼko tahena.

Jesaea 26:11

E Probhu Isor, amakʼ ti do coṭte tul akan tahen kana, menkhan onko do ona bako ńeleda. Amren hoṛko lạgitʼ amakʼ ãṭ baṛeko ńelma arko lajaokʼma; ar seṅgel do amren bạirikoe jom cabakoma.

Hosea 11:9

Ińakʼ botoranakʼ edre do bạń sodora, Ephrayim do ar bạń marao utạrea, ente iń doń Isor kana, manwa do baṅa; iń do amreń tahenkan uni sonoticʼ kangeạń. Edre do bạń ạguiya.

Exodus 5:12

Onate onko do busupʼ bodolte lanḍha jogaṛ lạgitʼ Misor disạm reakʼ sanam jaegako pasnao idiyena.

Dosar Biboron 28:24

Probhugeye nonkaea jemon apeakʼ disạmre dakʼ bodolte serma khon dhuṛi ar gitilge ńurokʼa. Ar ạuripe caba utạrokʼ hạbicʼ ape cetanre onako ńurokʼa.

Jobakʼ 8:17

Ona reakʼ rehetʼ do dhiri ḍạṅ beṛhaete pasnao akana; ar dhiri talare mitʼṭecʼ nirại ṭhạ̃iye ńamakada.

Jeheskel 15:6

“Ona iạte iń Probhu Isorgeń menetʼ kana, bir reakʼ dareko talare menakʼ darkha nạ̃ṛĩ cetʼ leka sahan lekate seṅgelreń jimạ akatʼ, onkage Jerusalemre girobasokʼ kan hoṛko hõ seṅgeteń atar cabakoa.

Amos 2:4

Probhu Isore meneda, “Jihudạ reakʼ pea ghạṭ iạte, hẽ, ponea ghạṭ iạte iń do khạṭige uniń sạjạiyea, ente uniren hoṛko do Probhu Isorakʼ ạn-ạriko bebatao akada, ar uniyakʼ niạmko bako dohoakada. Onkoren hapṛamko okoe do eṛe debotako pańjaletʼko onkage onko hõ bạṛicʼ horteko senakana.