Jesaea 5:22 - সান্তালী বাইবেল

²² Hae, onko hoṛ do, okoe doe darkha rasa hoṅgorkoren guru ar bubulakʼ mesalakʼ kạmireko gạkhuṛge,

Jesaea 5:22 Referans Kwoze

Jesaea 5:11

Hae, onko hoṛ do, okoe do bubulakʼ ńũi lạgitʼ setakʼreko beredokʼkan ar ḍher ńindạ hạbicʼ duṛupʼkate darkha rasako hoṅgorkan, one ạuriko ńũ bhuteṛokʼ hạbicʼ.

Habakkuk 2:15

“Jạt jạtrenkoko mena, ‘Hae uni do, okoe do edrete acʼ aḍepaseren hoṛko bubulakʼteye ńũ bul ocoyetʼko jemon onkoakʼ lajaoakʼtetʼe ńel daṛeatako.’

Jesaea 28:7

Menkhan Ephrayimren naekeko ar nạbiko do ńitokʼ darkha rasa ńũkateko bul akana arko guṛdạu baṛaekana; onko do kiḍạkaḍe akan tahenrege dorsonko ńela ar inạ dosarege rayko ema.

Jesaea 56:12

Onkoko meneda, “Dela hijukʼpe, darkha rasa bo ạgujoṅa; dela, bubulakʼkote bon ńũ turedokʼa. Teheń khon gapa do arhõ mońj hoyokʼa.”

Exodus 23:8

Ghus alom joma, ente okoeyakʼ mẽtʼ menakʼ uni hõ ghusteye kãṛã ocokʼa. Ghus do dhorom hoṛakʼ katha hõe ulṭạu ocoya.

Kạhtukko 20:1

Okoe hoṛ darkha rasa ńũkateye bulokʼ uni doe landa dhudhutʼa, ar okoe bubulakʼe ńũi uni doe jhogṛakʼa; noako ńũkate okoeye bulokʼ uni do ạkilan hoṛ doe baṅkana.

Kạhtukko 23:29

Okoeye hae haeyokʼkana? Ar okoe doe jare jarekʼ kana? Okoe doe jhogṛakʼ kana? Ar okoe doe bok bokaokʼ kana? Okoe ạuṛiyakʼe ghạl ocokʼ kana? Ar okoeyakʼ mẽtʼ do arakʼgea?

Kạhtukko 31:4

E Lemuel, rapajko reakʼ lek do baṅ kana, darkha rasa ńũi do; ar bubulakʼ ńũi hõ disạm cakʼlaoko lạgitʼ lek anakʼ hõ baṅkana.

Jesaea 22:13

Menkhan ńelpe, ape do onḍe ḍaṅgra ar bheḍape guretʼkoa, jel ar darkha rasape ńũiyetʼte rạskạ arpe hulạsokʼ kana. Arpe meneda, “Dela, bon jom-ńũwanrege, ente gapa do bon gujukʼa.”

Jesaea 24:9

Onko do sereńate darkha rasa do ar bako ńũiya; ar bul hoṛkoakʼ mocare bubulakʼ do haṛhatʼge ạikạukʼa.

1 Rapajko 20:16

Onko do tikin okteko oḍok hecʼena. Ar eṭakʼ eṭakʼ ṭoṭharen disạm cakʼlaokoren onko lạṛhại juạnkoge pạhilteko oḍok calaoena. Benhadad ar uni sãoten pegel bar rapajko do ńu bulkatere hõ bubulakʼko ńuńukan tahẽkana. Ona jokhecʼ Benhadad do khoj khobor hatao lạgitʼ okoe hoṛkoe kolletʼko onko do uniko metadea, “Samariạ khon hoṛko oḍok hijukʼ kana.”

Kạhtukko 31:5

Bubulakʼ ńũite onko do ạn ạrikoko hiṛińa, ar santaokʼkanko secʼ behokakʼko bicạra.