Jesaea 5:11 - সান্তালী বাইবেল

¹¹ Hae, onko hoṛ do, okoe do bubulakʼ ńũi lạgitʼ setakʼreko beredokʼkan ar ḍher ńindạ hạbicʼ duṛupʼkate darkha rasako hoṅgorkan, one ạuriko ńũ bhuteṛokʼ hạbicʼ.

Jesaea 5:11 Referans Kwoze

Romiko lạgitʼ Pạul Apostolakʼ ciṭhi 13:13

Rij roṅ ar ńu bulokʼte do baṅ, loṭghuṭi ar lucạ lamoṭte do baṅ, reṭha reṭhi ar hiskạte do baṅ, menkhan siń marsalre dãṛãnkanko leka jion bon khemao ma.

Jesaea 5:22

Hae, onko hoṛ do, okoe doe darkha rasa hoṅgorkoren guru ar bubulakʼ mesalakʼ kạmireko gạkhuṛge,

Kạhtukko 20:1

Okoe hoṛ darkha rasa ńũkateye bulokʼ uni doe landa dhudhutʼa, ar okoe bubulakʼe ńũi uni doe jhogṛakʼa; noako ńũkate okoeye bulokʼ uni do ạkilan hoṛ doe baṅkana.

Galathiko lạgitʼ Pạul Apostolakʼ ciṭhi 5:21

bhinạ bhini, dola duli, hiskạ, ńu bulokʼ, rij roṅ, arhõ onkanakʼko. Iń do cetʼ leka noa lahareń sontorletʼpe ńitokʼ hõ onkageń metapekana, ar nonka kạmikanko do Isorakʼ raj baṅgeko ạidạri joṅa.

1 Korinthiko 6:10

baṅ do kombṛoko, baṅ do dhon lalociạko, baṅ do bulokʼko, baṅ do cokakʼ baklakʼ roroṛko, baṅ do luluṭko, onko do okoege Isorakʼ raj do bako ạidạri joṅa.

Luk 21:34

“Sontor akae tahenpe, jemon apeakʼ mon do rij roṅ, ńũ bulokʼ ar gharońj reakʼ dạndite ten alo tahentape.

Jesaea 28:1

Hae, Ephrayimren bul hoṛkoakʼ mukuṭ lekan nagraha, one oka iạte onko doko bạḍạiyetʼ tahẽkan! Hae, ona Ephrayim reakʼ bạḍạite perecʼ ṭhonok reakʼ mosotʼ akan mala, one oka do buru-nala otet reakʼ muthnire menakʼakʼ! Ona buru-nalaren hoṛko do darkha rasateko ńũ oborakana.

Habakkuk 2:15

“Jạt jạtrenkoko mena, ‘Hae uni do, okoe do edrete acʼ aḍepaseren hoṛko bubulakʼteye ńũ bul ocoyetʼko jemon onkoakʼ lajaoakʼtetʼe ńel daṛeatako.’

Kạhtukko 23:32

Mucạtʼre ona do biń lekae sogakʼa, ar kạrinạṅgiń biń lekae gegera.

1 Samuel 25:36

Abigael do Nabal ṭhen tinreye ruạṛ calaoena unre raj oṛakʼre leka uniyakʼ oṛakʼre kheloḍ ehopʼ akane ńelkeda. Unre Nabal do bubulakʼ ńũkateye kusiyena ar ạḍiye ńũ bulena. Ona iạte Abigael do ạuri setagokʼ hạbicʼ cetʼge bae metadea.

2 Samuel 19:35

Ńitokʼ ińakʼ umer do irạlgel bochor. Okaṭakʼ bhage ar bạṛicʼ ona do cetʼ ńit iń men daṛeakʼa? Amren guti ńitokʼ okań jom-ńũi ona reakʼ sebeltetʼ do cetʼ iń lại daṛekea? Sekʼreńkoakʼ sereń do cetʼ ńit hõń ańjom ńama? Amren guti do cedakʼ ińren mạlik maharaj ṭhen mitʼṭecʼ bojha leka doń hoyokʼa?

Jesaea 22:13

Menkhan ńelpe, ape do onḍe ḍaṅgra ar bheḍape guretʼkoa, jel ar darkha rasape ńũiyetʼte rạskạ arpe hulạsokʼ kana. Arpe meneda, “Dela, bon jom-ńũwanrege, ente gapa do bon gujukʼa.”

Jesaea 24:9

Onko do sereńate darkha rasa do ar bako ńũiya; ar bul hoṛkoakʼ mocare bubulakʼ do haṛhatʼge ạikạukʼa.

Jesaea 28:3

Ephrayimren bubulkoakʼ ona bạḍạiteakʼ mukuṭ do otre lebetʼ gasmanḍaokʼa.

Jesaea 56:12

Onkoko meneda, “Dela hijukʼpe, darkha rasa bo ạgujoṅa; dela, bubulakʼkote bon ńũ turedokʼa. Teheń khon gapa do arhõ mońj hoyokʼa.”

Habakkuk 2:5

Bạḍạite perecʼ Babel sãote darkha rasa doe bepạtiạr akada, uni doe andesale ocoyedekana. Uni do Seoulre leka lalocicʼ ar gujukʼicʼ leka tishõ bae tirpitokʼa; uni do sanam jạtrenko acʼ ṭhene jarwayetʼkoa ar bondikateye idiyetʼkoa.