Jesaea 49:25 - সান্তালী বাইবেল

²⁵ Mekhan Probhu Isore meneda, “Hẽ, daṛeanicʼren jhuṭiạuicʼ hõe recʼ idi ocokʼa ar kumãyaicʼren recʼ akawanicʼ hõe chaḍao ocokʼa. Okoe am tulucʼko jhogṛakʼ onko tulucʼ do ińgeń jhogṛakʼa ar amren hoponko do ińgeń rukhiyạkoa.

Jesaea 49:25 Referans Kwoze

Jesaea 35:4

Ḍurukiạ monanko metakope, “Ape do daṛeanko hoyokʼpe, ar alope botorokʼa. Aperen Isor doe hijukʼa, uni do halahạli ar sạjại emokʼ lạgitʼgeye hijukʼa; ar hecʼkateye bańcaopea.”

Jesaea 54:13

Amren sanam hoponko do Probhu Isor hoteteko cetʼ ocokʼa ar amren hoponkoakʼ bhạlại hoyokʼa.

Sakariạ 14:12

Ar jãhãn jạtrenko Jerusalem upạrteko lạṛhại khan Probhu Isor do onko jạtrenko mahamạriteye ńẽtʼkoa. Onko do teṅgo akaeko tahenrege onkoakʼ hoṛmo reakʼ jel do seakʼtakoa ar onkoakʼ mẽtʼ do mẽtʼ ṭhuyạ̃kʼre tahenrege seakʼa ar alaṅ hõ mocarege seakʼtakoa.

Jesaea 14:2

Ar eṭakʼ eṭakʼ jạtrenko do akoakʼ disạmteko idi seṭerkoa. Probhu Isorakʼ disạmre eṭakʼ jạtrenko do Israelren guti kạ̃ṛmĩko hoyokʼa. Ar okoe do Israelko bondiletʼko ńitokʼ onko do akogeko bondi ocokʼa ar Israelko do akoren sasantaoko cetanre mạlikiko calaoa.

Jesaea 10:27

Enhilokʼ onkoakʼ bojha ar arãṛ do apeakʼ taren khon ocogokʼa; arpe moṭa akante ona arãṛ do rạpudokʼtakoa.

Genesis 12:3

Okoe amko bhoram iń hõ onkoń bhorakoa ar okoe amko sarapam onko hõ ińiń sarapakoa. Ar am iạtege dhạrtiren sanam jạtrenko do bhorko ńama.”

1 Johan 3:8

Okoeye kại idiyetʼkan uni doe Soetanren kana, ente Soetan do etohopʼ khongeye kạiyeda. Ar Soetan kạmi marao giḍikakʼ lạgitʼge Isorren Hopon doe sodorakana.

Sakariạ 9:11

E Jerusalem, am lạgitʼ ińakʼ bondobos bạisạu reakʼ mãyãm iạte amren bondi akanko do ona rohoṛ khorloṅ khoniń chaḍaokoa.

Jirimiạ 29:10

“Babel reaṅ eaegel bochor reakʼ okaṭakʼ katha roṛakan ona purạulen khan iń do apeń moneyapea; ar okaṭakʼ bhạlạipe reakʼ iń gokʼ akawatʼpe onań purạua, metakʼme noa ṭhạ̃iteń ạgu ruạṛpea.

Jesaea 25:9

Enhilokʼ hoṛko mena, “Ńelpe, nui kangeae aboren Isor do; abo do uni koyokʼ horrege bon tahẽkana jemone bańcao daṛeabon. Uni kangeae Probhu do; abo do uni koyokʼ horre bon tahẽkana. Dela, abo do uniyakʼ bańcao kạmi iạte rạskạ arbon hulạsokʼma.”

Johan sodor 18:20

Unre uni serma goḍet doe menkeda, “E serma, ona nagraha ḍahao maraoen iạte rạskạkʼme. E Isorren hoṛko, apostolko ar nạbiko hulạsokʼpe. Ape upạrte uni okae cekaletʼ ona lạgitʼ Isor do uniye bicạr akadea.”

Galathiko lạgitʼ Pạul Apostolakʼ ciṭhi 4:26

Menkhan okaṭakʼ Jerusalem do serma reakʼkan, uni doe sạdhingea; ar unige aboren gogo do.

Sakariạ 14:3

Ona tayom Probhu Isor doe oḍokokʼa ar lạṛhại jokhecʼ okae cekae onkage uni do jạtrenko upạrteye lạṛhạiya.

Mark 3:27

Noa katha do sạri kana je, mitʼṭen daṛean hoṛ do bako tol maṛaṅ lekhan okoe hõ uniyakʼ oṛakʼre bolokate jinisko ohoe luṭ daṛeletaea. Menkhane tol maṛaṅle khan doe luṭ daṛeakʼgea.

Sereńko 35:1

E Probhu Isor, okoe doko iń upạrtenkan onko upạrte amhõ teṅgonme; ar iń upạrte okoeko lạṛhạikan onko upạrte amhõ lạṛhạime.

Jesaea 5:29

Kul eṅga lekage onkoakʼ hạnḍrạukʼ do; onko do dhạcri kul lekako hạnḍrạukʼa ar guńjrạukʼ kanako akoren sikạrko lạgitʼ. Onko doko ger ạtkirkoa; ar celege bako rukhiyạ daṛelekoa.

Jesaea 10:6

Uni do Isor baṅ botorae kan mitʼ jạtrenko upạrteń kolekana ar okoe ińko khĩs ocoakadiń onko upạrteń kolekana jemon uni do luṭ are recʼko ar hor reakʼ losotʼ lekae lebetʼ gańjao daṛeako.

Jesaea 14:1

Probhu Isor do Jakobe mãyãwaea; uni do arhõ Israele bachaoea ar onkoakʼ disạmreye duṛubea. Bidisiạ hoṛko do onko sãoteko seledokʼa ar onko do Jakobakʼ bõsrenko tulucʼko midokʼa.

Jesaea 19:20

Ar noage hoyokʼa Misor disạmre phạdkoren Probhu Isor ńutumte mitʼṭecʼ cinhạ ar goha do. Onkoakʼ santao iạte onko do tinre Probhu Isor ṭhenko raga unre onko ṭhen mitʼṭen babańcaoicʼ ar rurukhiyạicʼe kolea ar uni do onkoe bańcaokoa.

Jesaea 25:4

Am do nandankoren aotan gaṛ kanam, ar nacarkoakʼ kosṭokʼ okteren hõ aotan gaṛ kanam, birbão hoe khon rukhiyạ reakʼ jaega kanam ar khaṅgoṭ jaegare jharla jhạrli setoṅ khon aḍ ńam lạgitʼ umul kanam. Am do bidisiạkoakʼ kạumạuem thir akatʼtakoa. Rimil reakʼ umul cetʼleka loloye komaoetʼ onkage kurmutạhakoakʼ sereń hõm thir ocoakatʼtakoa.

Jesaea 33:22

Probhu Isorge aboren hokren bikʼcạricʼ ar aboren cakʼlaoyicʼ do; Probhu Isorge aboren raj, unige abo doe rukhiyạbona.

Jesaea 40:2

Jerusalemren hoṛko sãote mạ̃hir salakʼ katha roṛpe, ar onko ṭhen niạ katha lại sodorpe, onkoakʼ duk ar kosṭo do caba akana, onkoakʼ ghạṭko do ikạ akantakoa, onkoakʼ sanam kạiko reakʼ jo do Probhu Isor ṭhen khon purạgeko ńamakada.”

Jesaea 51:22

Amren Probhu, amren Isor, okoe do acʼren hoṛko secʼ menae uni do noa kathae meneda, “Ńelme, am oka bạṭi reakʼ ńũkatem konḍe manḍekʼ kan tahẽkan ona do amakʼ ti khoniń hatao akada; ińakʼ edre reakʼ ona bạṭi khon do ar tishõ bam ńũiya.

Jirimiạ 15:21

Iń do bạṛicʼkoakʼ ti khoniń rukhiyạmea ar kurmutạhakoakʼ ti khon doń chaḍaomea.”

Nạhum 2:13

Phạdkoren Probhu Isore meneda, “E Niniwi, iń do am upạrte; amakʼ rãt gạḍikoń jeretʼ giḍikakʼa, ar tarwaṛe do amren dhạcri kulkoe jomkoa. Iń do amren sikạr lạgitʼ celege noa dhạrtire bạń doho oṭokakoa. Ar amren sombat emokʼkoakʼ aṛaṅ hõ ar baṅ ańjomokʼtakoa.”

Levitikus 25:54

Noako reakʼ jãhãn upạite uni bae chaḍao ocoakan khan enḍekhan uni ar uniren hoponko do hulạsokʼ bochorre aṛakʼako hoyokʼa.

Jesaea 51:14

Bondi akanko do usạrageko aṛakʼ ocokʼa. Onko do kạd oṛakʼ reakʼ khạndṛuṅre bako gujukʼa, ar jomakʼte hõ bako ṭonṭakʼa.

Jirimiạ 31:11

Iń Probhu Isorge Jakob doń chaḍao ạguiyea ar onko khon hõ daṛeankoakʼ ti khoniń owareya.