Jesaea 49:23 - সান্তালী বাইবেল

²³ Rapajko do amko ạsul haramea ar onkoren rạniko do amren bukạ getʼ buḍhiko hoyokʼa. Onko do otre ombakʼkateko ḍobokʼama ar amakʼ jaṅga reakʼ dhuṛiko caṭoga. Unrem baḍae daṛeakʼa, ińkangeạń Probhu Isor do; ar okoe ińreko bhorsakʼkan onko do bako lajao ocokʼa.”

Jesaea 49:23 Referans Kwoze

Jesaea 60:16

Gogo cetʼleka acʼren hopone nunuae onkage boṅgan hoṛ jạtrenko ar rapajko do akoakʼ bhage bhage jinisko emama. Ar unrem baḍae daṛeakʼa, iń Probhuge amren babańcaoicʼ, amren chakʼḍaoicʼ, ar ińge Jakobren uni daṛeanicʼ do.

Jesaea 60:14

Okoe amko santaoetʼme tahẽkan onkoren hoponko do am ṭhen tumbutʼkateko hijukʼa; ar okoeko nihạ̃tetʼme tahẽkan onko jotoge amko ḍobokʼama ar Probhu Isorakʼ nagraha, Israelren uni sonoticʼakʼ Sion menteko bikạumea.

Jesaea 60:3

Jạt jạtrenko do amakʼ marsal ṭhenko hijukʼa; ar rapajko do aṅga marsal ṭhenko hijukʼa.

Mikạ 7:17

Onko do biń ar eṭakʼ lacʼte takʼṛam jiwiyanko leka dhuṛiko caṭoga. Onkoakʼ gaṛ khon onko do thar tharaoate am ṭhen, aleren Probhu Isor ṭhenko oḍok hijukʼa arko botoram ma.

Jesaea 45:14

Probhu Isor do Israel jạtrenkoe metakokana, “Misorakʼ hameṭakʼ dhon ar Kusren bạnij beparikoakʼ jinis do am ṭhen hijukʼa. Ar Sabarenko hõ apnartege am ṭhenko hijukʼa; onko do amrenko hoyokʼa ar amko pańjamea. Onko do sikṛikote tol akan dosarege am ṭhenko hijukʼa. Onko do otre ombakʼkate amko ḍobokʼama ar nehõrkateko metama, ‘Isor do khạṭige am sãote menaea. Eken uni eskar kangeae Isor do, uni chaḍa ar cele Isor hõ bạnukʼkoa.’ ”

Romiko lạgitʼ Pạul Apostolakʼ ciṭhi 10:11

Sonot sostorreye meneda, “Jãhãege unireye pạtiạukʼ uni do bae lajao ocokʼa.”

Sereńko 25:3

Okoe amre bhorsae dohoyetʼkan uni do bae lajao ocokʼa, menkhan okoe ạuṛiyakʼteko chol kopoṭetʼ onkoge lajaoreko paṛaokʼa.

Johan sodor 3:9

Okoe apnarte Jihudiko ńumogokʼkan, menkhan Jihudiko baṅkan, onko Soetanakʼ dolren eṛe hoṛko am ṭheniń ạgukoa ar amakʼ jaṅga ṭheniń sewa ocokoa, ariń baḍae ocokoa, iń do amiń dulạṛetʼmea.

Jesaea 64:4

Ona sedaeakʼ piṛhi khon am chaḍa ar jãhãe Isorakʼ katha do okoe hõ luturte bale ańjom akada, ar mẽtʼte hõ bale ńel akadea, one uni do acʼ ńeńelko lạgitʼe kạmiyetʼkan.

Jesaea 49:7

Hoṛko okoeko nihạ̃t giḍi akade arko hirkhạwaekan, okoe doe disạm cakʼlaokoren golamkan, uni Israelren sonoticʼ ar chakʼḍaoicʼ do Probhu Isor niạ kathae metaekana, “Rapajko do am ńelteko beredokʼa, ar mukhiyạko do amko ḍobokʼama, ente Probhu Isor do ame bachao akatʼmea; Israelren uni sonoticʼ doe pạtiạranicʼ kana.”

Jesaea 25:9

Enhilokʼ hoṛko mena, “Ńelpe, nui kangeae aboren Isor do; abo do uni koyokʼ horrege bon tahẽkana jemone bańcao daṛeabon. Uni kangeae Probhu do; abo do uni koyokʼ horre bon tahẽkana. Dela, abo do uniyakʼ bańcao kạmi iạte rạskạ arbon hulạsokʼma.”

Sereńko 34:22

Probhu Isorge acʼren golamkoe chaḍaoetʼkoa; okoe unireko hirlạkʼkan okoehõ onko do sạjại bako ńama.

1 Patras 2:6

Sonot sostorre ol menakʼa, Ńelpe, mitʼṭecʼ damanakʼ dhiriń bachao doho akawana; ona do Sion reakʼ konac dhiri lekateń, bạisạu akada. Ar okoe unireye pạtiạukʼ uni do oka lekate hõ bae lajao ocokʼa.

Romiko lạgitʼ Pạul Apostolakʼ ciṭhi 9:33

Noa reaṅ sonot sostorre olakana, Ńelpe, Sionre tohotʼakʼ dhiri ar tạkicʼakʼ cạṭạniń dohoyeda, unire pạtiạuicʼ do baṅgeye lajao ocokʼa.

Jesaea 62:2

E Jerusalem, boṅgan hoṛ jạtrenko do amakʼ dhorom, ar sanam rapajko do amakʼ ṭhonokko ńela; am do mitʼṭecʼ nãwã ńutumem ńum ocokʼa, Probhu Isorge ona ńutum doe emokʼa.

Numeri 11:12

Iń do cetʼ noko hoṛko kukhireń ńam akawana? Noko do cetʼ iń janam akatʼkoa? Nokoren hapṛamko ṭhen okaṭakʼ disạm emokʼ reakʼem gokʼatʼko tahẽkan onḍe hobor nunu gidrạko leka cedakʼ idiko lạgitʼem mitạńkana?

Romiko lạgitʼ Pạul Apostolakʼ ciṭhi 5:5

Noa as do bae lajao ocobona, ente Isore emakan sonot Jiu hotete aboakʼ ontor do acʼakʼ dulạṛteye perecʼ akada.

Jesaea 52:15

Menkhan uni do aema jạtren hoṛkoe saphakoa, ar uni khạtirte rapajko do moca sikubokʼtakoa; ente okaṭakʼ baṅ lại akawatʼko tahẽkan onageko oroma.”

Sereńko 138:4

E Probhu Isor, amakʼ moca reakʼ katha ańjomkate dhạrtiren sanam rapajko do amko sarhaomea.

Sereńko 68:31

Misor khon rajren goḍet doko hijukʼa; ar Kusren hoṛko do hare phare Isor secʼ tiko tiạr takoa.

Joel 2:27

Unrepe baḍae daṛeakʼa, ińge Israelko talare minạńa ar iń kangeạń aperen Probhu Isor do, ar iń do eṭagicʼ doń baṅkana; ińren hoṛ do ar tishõ bako lajao ocokʼa.

Sereńko 69:6

E Probhu, sanam daṛeanicʼ Isor, okoe am koyokʼ horreko tahenkan onko do iń iạte lajao jemon aloko ńam. E Israelren Isor, okoe do am baḍaeme reakʼko ahkaokʼkan onko hõ iń iạte alo jemonko bemanot ocokʼma.

Genesis 43:26

Ado Joseph oṛakʼteye hecʼena khan onko do akoakʼ ona dan oṛakʼ bhitriteko ạgukeda ar uniko emadete ombakʼkateko ḍobokʼadea.

Genesis 27:29

Eṭakʼ jạtrenko do amko sapʼ sorama, ar sanam hoṛge amko ḍobokʼama. Am gusṭiren hoṛkoren mạlikkem hoyokʼa, onko do amko ḍobokʼama. Okoe amko sarapam onko cetanre hõ sarap paṛaokʼma; ar okoe amko bhoram onko hõ bhor hecʼakoma.”

Exodus 6:7

Ona tayom ińren hoṛ menkate apeń ataṅpea ar aperen Probhu Isoriń hoyokʼa. Unrepe baḍae daṛeakʼa, iń Probhu Isor doń aperen Isor kana, ar Misorrenkoakʼ bojhatepe ten akan khon ińgeń oḍok ạguakatʼpea.

Jesaea 14:1

Probhu Isor do Jakobe mãyãwaea; uni do arhõ Israele bachaoea ar onkoakʼ disạmreye duṛubea. Bidisiạ hoṛko do onko sãoteko seledokʼa ar onko do Jakobakʼ bõsrenko tulucʼko midokʼa.

Jesaea 14:2

Ar eṭakʼ eṭakʼ jạtrenko do akoakʼ disạmteko idi seṭerkoa. Probhu Isorakʼ disạmre eṭakʼ jạtrenko do Israelren guti kạ̃ṛmĩko hoyokʼa. Ar okoe do Israelko bondiletʼko ńitokʼ onko do akogeko bondi ocokʼa ar Israelko do akoren sasantaoko cetanre mạlikiko calaoa.

Jesaea 26:8

Hẽ, Probhu Isor, ale do amakʼ dhorom hortele taṛametʼkante am koyokʼ horre menakʼlea; aleakʼ khojokʼakʼ do amakʼ kạmi hotete sodorokʼme baṛe.

Jesaea 29:22

Ona iạte Abrahamren babańcaoicʼ Probhu Isor do Jakobakʼ bõs babotreye meneda, “Jakob do ar bae lajao ocokʼa; uniyakʼ mẽtʼãhã do ar baṅ mulinokʼtaea.

Jesaea 41:20

jemon ona ńelte hoṛko baḍae arko bujhạu daṛeakʼ, noa do Probhu Isorakʼ tigeye kạmi akada, Israelren uni sonoticʼge niạkoe nonka akada.”

Jesaea 43:10

Probhu Isor do Israelkoe metakokana, “Apege ińren goha ar ińren bachao akan golam kanape, ar ape jemonpe pạtiạukʼ arpe baḍae daṛeakʼ, iń kangeạń uni do. Iń lahate okoe Isor hõ bako sirjạu akana ar iń tayomte eṭakʼ cele Isor hõ bako tahena.

Jesaea 45:17

Menkhan Probhu Isor do jaejug lạgitʼ Israele bańcaoea; am do jaejug hạbicʼ bam lajao ocokʼa ar bam andmandaokʼa.

Jesaea 52:6

Onate ińren hoṛko baḍae daṛeakʼ iń doń okoe kana mente; enhilokʼ onko doko baḍae daṛeakʼa iń kangeạń roroṛicʼ; hẽ ińgeń roṛleda.”

Jeheskel 37:6

Iń do apeakʼ jaṅko sãote jaṅkoń tolkatapea, ar apeakʼ jelkoń janam ocoya ar hartate onakoń esetʼ ocoya. Ar sahẽtʼ iń emapea arpe jiwedokʼa. Unre ape dope baḍae daṛeakʼa, ińkangeạń Probhu Isor do.’ ”

Jesaea 50:7

Probhu Isore goṛowạńte iń do bạń opomanokʼa. Onate ińakʼ mẽtʼãhã do cok moki dhiri lekae hoyocoakatʼtińạ, ariń baḍaea, iń do bạń lajao ocokʼa.

Mathae 25:16

Ado okoe mõṛẽ hajar ṭakae ńamletʼ uni do onateye bạnij beparketʼte arhõ mõṛẽ hajar ṭakae labkeda.