Jesaea 49:22 - সান্তালী বাইবেল

²² Probhu Isore meneda, “Ńelme, iń do isạrate eṭakʼ jạtrenkoń hohowakoa ar ińakʼ nisạn iń udukʼakoa. Onate onko do hoborate ińren hoponkoko ạgukoa ar ińren hoponerko doko ghõṛa ạgukoa.

Jesaea 49:22 Referans Kwoze

Luk 13:29

Unre purub, pạchim, utạr ar dạkhin khon hoṛko hijukʼte Isorakʼ rajre jojomko duṛupʼa.

Sereńko 86:9

E Probhu Isor, amakʼ sirjonren sanam jạtrenko do hecʼkate amko manotmea arko ḍobokʼama; ar amko sarhao sereńama.

Malaki 1:11

Purub khon pạchim hạbicʼ sanam jạtrenko talare ińakʼ ńutum do maraṅokʼa. Iń ńutumte sanam ṭhạ̃irege dhupko jeredokʼa ar samaṅokʼ lạgitʼ sapha jinisko ạgukʼa, ente sanam jạtrenko talare ińakʼ ńutum do maraṅokʼtińạ.

Jesaea 66:20

Probhu Isor ńutumte samaṅokʼ lekate sanam jạtrenko tala khon aperen boehako do rãt gạḍikote, sadomkote, gadhakote ar ũṭkoante ińakʼ sonot buru Jerusalemteko hijukʼa. Israelko cetʼleka sapha bhajanre anaj samaṅokʼakʼ jinisko ạgui onkage onko do Probhu Isorakʼ oṛakʼteko ạguiya.

Jesaea 49:12

Ńelpe, onko do sạṅgiń khonko hijukʼa; okoe do utạr khon, okoe do pạchim khon ar okoe do Sinim disạm khonko hijukʼa.”

Jesaea 14:2

Ar eṭakʼ eṭakʼ jạtrenko do akoakʼ disạmteko idi seṭerkoa. Probhu Isorakʼ disạmre eṭakʼ jạtrenko do Israelren guti kạ̃ṛmĩko hoyokʼa. Ar okoe do Israelko bondiletʼko ńitokʼ onko do akogeko bondi ocokʼa ar Israelko do akoren sasantaoko cetanre mạlikiko calaoa.

Sereńko 72:17

Uniyakʼ namḍak do jaejug hạbicʼ tahenma; siń cando tinạkʼ din marsale emokʼa unạkʼ din uniyakʼ ńutum tahentae ma. Uni hotete sanam jạtren hoṛ jemon bhorko ńam ma; ar onko do bhạganko metaema.

Sereńko 72:8

Uniyakʼ rajosṭi reakʼ simạ do mitʼ jalapuri khon eṭakʼ jalapuri hạbicʼ, Uphreṭis gaḍa khon dhạrti reakʼ mucạtʼ hạbicʼ.

Sereńko 22:27

Dhạrti reakʼ ses simạren hoṛko hõ monko ạcurtakote Probhu Isor ṭhenko ruạṛ hijukʼa; ar eṭakʼ jạtren sanam gusṭirenko do uniko sewawaea.

Jesaea 18:3

E dhạrtiren hoṛko, E dhạrtire girobasokʼ kanko, ape do tinre buru boṭkocʼ cetanre jhạnḍi rakabokʼa ona ńelpe, ar tinre sakwa saḍekʼa ona ańjompe.

Jesaea 43:6

Ar utạr reakʼ disạm doń metaea, ‘onko aṛakʼkako me,’ Ar dạkhin disạm doń metaea, ‘alom aṭkaokoa. Iń do unkiniń metakinạ, ‘aben do sạṅgiń disạm khon ińren hoponko ạguko ben, ar pirthimi reakʼ ses simạna khon ińren hoponerako ạguko ben.

Jesaea 62:10

Ape do lahakʼpe, ar phaṭok duạr secʼ sen idikʼpe, ar hoṛko lạgitʼ hor sạriạupe. Apeakʼ ḍaharko benaope, ar tearpe. Joto dhiriko ocokʼ giḍikakʼpe; ar jạtrenko lạgitʼ mitʼṭecʼ nisạn rakabtape.

Jesaea 66:19

Probhu Isor do arhõe meneda, “Onko talare mitʼṭecʼ cinhạń dohoya ar okoe jiwetʼko tahen onko mod khon adom do boṅgan hoṛ jạtrenko ṭheniń kolkoa. Tạrsis, Put ar Ludren dhinkiạko, Tubal, Greece ar okako sạṅgiń disạmre ińakʼ ńutum bako ańjomakatʼ ar ińakʼ mạhima bako ńelakatʼ onko ṭheniń kolkoa. Onko do boṅgan hoṛ jạtrenko ṭhen ińakʼ mạhima reakʼ kathako lại jạhira.

Sakariạ 8:22

Iń sewawạń lạgitʼ ar ińakʼ bhor hatao lạgitʼ ḍher hoṛko ar daṛean jạtrenkoge Jerusalemteko hijukʼa.