Jesaea 49:19 - সান্তালী বাইবেল

¹⁹ “Am dom jarkhar akana arem ujạṛakana ar amakʼ disạm do nasao akatʼ disạm leka hoyakanre hõ enhõ okteko hijukʼkana unre amren hoṛko amre jaega do bam em daṛeakoa, ar okoe amko tạhuṛletʼme onko doko sạṅgińokʼa.

Jesaea 49:19 Referans Kwoze

Sakariạ 10:10

Misor disạm khon iń do onkoń ruạṛ ạgukoa ar Ạsur khoniń jarwakoa. Gilead ar Lebanonteń ạgukoa ar nunạkʼ hoṛko hoyokʼa, onḍe onkoakʼ jaega do baṅ anṭaokʼa.

Jesaea 51:3

Sion do khạṭige jiwi raṛecʼ iń emaea ar uniyakʼ sanam jarkharakʼko cetanreń mãyãkʼa; Ona reakʼ hahaṅkar do Eden bagwan lekań hoeocoya ar khaṅgoṭ ot do Probhu Isorakʼ bagwan leka. Onare do hulạs, rạskạ, sarhao ar sereń reakʼ aṛaṅkoge ńamokʼa.

Sakariạ 2:11

Enhilokʼ jạt jạtrenko do iń sãoteko midokʼa ar ińren hoṛko hoyokʼa. Ar iń do ape talareń girobasokʼa.” Ar tinre ona hoyokʼa unrepe baḍae daṛeakʼa, phạdkoren Probhu Isor do ape ṭhen ińe kol akadińạ.

Sakariạ 2:4

Uni doe menkeda, “Am do ńir senkate uni juạn koṛa metaeme, ‘Jerusalemre manwa ar janwar doko ḍher akante onare jãhãn pạcri do baṅ tahena.

Jeheskel 36:3

Onatege iń Probhu Isoriń menetʼ kana, jạt jạtrenkoakʼ dokholre jemonpe hijukʼ ar jemon hoṛko hiskạ arko landa dhutʼape ona lạgitʼ onko do beṛhae secʼ khonko maraoetʼpea arko utʼetʼpea.

Jirimiạ 51:44

Iń do Babelren Bel debotań sạjạiyea ar uni okae utʼ akatʼ ona doń becʼ oḍok ocoyea. Jạt jạtrenko do uni ṭhen ạtukʼ dakʼ leka ar bako calakʼa. Ar Babel reakʼ pạcri bhit hõ dạsuṛokʼa.

Jirimiạ 51:33

Iń phạdkoren Probhu Isorgeń meneda, “Babel kuṛi do phosol enokʼ jokhecʼ reakʼ khạrại lekageye hoyakana; ar phosol samṭao leka uni samṭaoe reakʼ okte do usạrage hijukʼa.”

Jirimiạ 30:16

“Menkhan okoe amko ses utạretʼme onko sanamgeko marao ocokʼa; amren sanam bạiri do bondi dosareko calakʼa. Ar okoe ame luṭ akatʼme uni hõe luṭ ocokʼa; okoe amakʼ jinisko recʼetʼme iń hõ onkoakʼ jiniskoń recʼ ocoytakoa. Hoṛ do amko metama, ‘nui kangeae uni sạṅgiń ocoakan Sion do one uniyakʼ khoj okoehõ bako hataoetʼkan,

Jesaea 49:17

Amren hoponko do ruạṛ hijukʼ lạgitʼko usạrayeda ar okoe amko jarkhar akatʼme onko do am khonko calaojoṅa.

Jesaea 49:8

Probhu Isor do nonkae meneda, “Bạsutakʼ okterege amiń roṛ ruạṛama ar bańcaokʼ reakʼ dinre amiń goṛowama. Iń do amiń rukhiyạmea ar am hotete hoṛko lạgitʼ mitʼṭecʼ bondobosiń dohoya, jemon disạmem teṅgo ruạṛ daṛeakʼ ar ujạṛakʼ jaegakore hoṛko arhõm ạidạri daṛeako.

Jesaea 5:6

Iń do mitʼṭecʼ dhaṅ dhaser jaegageń hoeocoya; nạ̃ṛĩ hõ baṅ kamanokʼa ar jumi hõ baṅ casokʼa, onḍe do rạṅgạini ar aṭkuṭige hara perejokʼa. Rimil hõń hukumakʼa onare jemon dakʼ aloe jạṛiyakʼ.”

Kạhtukko 1:12

Onko do jiwetʼ hoṛmowante cetʼleka patal purite, metatʼme ona khạndṛuṅteko pheḍokʼkan, onkage dela, abo do jiwetʼte onko bon utʼgotʼkakoma;

Sereńko 124:3

onko do ale upạrteko edre seṅgelkokʼa ar jiwetʼteko utʼkelea,

Jesaea 1:7

Apeakʼ disạm do ujạṛ akantapea, nagrahako do seṅgelte jarkhar akana. Apeakʼ khetko reakʼ phosolko do apeakʼ mẽtʼ samaṅrege porjạtrenko luṭ idiyetʼ kana; ar bidisiạko do disạmko jarkhar akada.

Jesaea 3:8

Jerusalem doe tohotʼ akana ar Jihudạ doe bhindạṛ akana, ente unkinakʼ katha ar kạmi do Probhu Isor birudrege hoyokʼkana; unkin do uni samaṅrege uniyakʼ ṭhonok kin nihạ̃tetʼ akada.

Jesaea 54:3

ente am do etom ar kõńe secʼem pasnaokʼa. Amren hoponko do eṭakʼ jạtrenkoakʼ disạmko dokholjoṅa ar ujạṛakʼ nagrahareko girobasokʼa.

Sakariạ 2:8

Phạdkoren Probhu Isor do acʼakʼ ṭhonok sodortae lạgitʼ onko jạtrenko ṭhene kol akadińạ one okoe do aboko luṭ akatʼbon. Uni doe meneda, “Jãhãege apeye joṭetʼpe uni do ińakʼ mẽtʼ reakʼ monigeye joṭeda.