Jesaea 49:15 - সান্তালী বাইবেল

¹⁵ Ona iạte Probhu Isore meneda, “Gogo do cetʼ acʼren nunu gidrại hiṛiń daṛekea? Gidrạ janam akadiyicʼ do cetʼ gidrạ cetanre bae mãyãkʼa? Hẽ, Eṅgat do acʼren gidrại hiṛiń daṛekea menkhan iń do tishõ bạń hiṛińmea.

Jesaea 49:15 Referans Kwoze

Jesaea 44:21

“E Jakob, E Israel, niạko disạ dohoyme, ente am do ińren guti kanam. Iń do amiń sirjạu akatʼmea, amge ińren golam do; E Israel bạń hiṛiń giḍimea.

Sereńko 103:13

Gidrạko lạgitʼ baba do cetʼ leka mãyã menakʼtae onkage acʼ botoraekanko cetanre uniyakʼ hõ mãyã menakʼtaea.

Mathae 7:11

Apepe bạṛicʼgere hõ aperen gidrạko bhage bhage jinisko emakope baḍaekan khan, enḍekhan sermare menae aperen Baba do tinạkʼ artetʼ acʼ koeye kanko bhageakʼkoe emakoa!

Hosea 11:1

Probhu Isore meneda, “Israel do gidrạ tahẽkan khongeń dulạṛedekana ar Misor khon do ińren hopongeń hoho ạgukedea.

Jirimiạ 31:20

Ephrayim do cetʼ ińren sadher hopon doe baṅ kantińạ? Nui do cetʼ uni hopon doe baṅ kantińạ one uni ńelteń kusikʼkan? Uni upạrte jao okte kathań roṛ akatʼrehõ enhõ iń do jaogeń disạyede kana. Ona iạte ińakʼ jiwi do uni lạgitʼe rakʼeda; uni lạgitʼ ińakʼ daya do menakʼgetińạ.

Malaki 3:17

Onko babotre phạdkoren Probhu Isore meneda, “Ińakʼ niṭ akatʼ dinre onko do ińren sompottiko hoyokʼa; onko do ińrengeko hoyokʼa. Mitʼṭen hoṛ cetʼleka acʼren sapʼsosoricʼ hopone mãyãwaekante sạjại khone sahaṛede onkage onko hõń sahaṛkoa.

Rak̕joṅ 4:10

Mãyãwan maejiuko do akoakʼ tite akoren hoponko teke isinetʼkoa. Ińren hoṛkoren hoporeawakʼ jarkharokʼre akoren hoponge onkoren jomakʼko hoylentakoa.

Rak̕joṅ 4:3

Toyoko hõ akoren hoponko nunuako kana, menkhan ińren hoṛko do hahaṅkarren ũṭ cẽṛẽ leka kurmutạhako hoyakana.

Romiko lạgitʼ Pạul Apostolakʼ ciṭhi 1:31

boge bạṛicʼ papachnao reakʼ buj bạnukʼtakoa, ar bepạtiạrko kanako. Gharońjrenko lạgitʼ dulạṛ do bạnukʼtakoa, enteko kumãyãgea.

Levitikus 26:29

Unre reṅgecʼte aperen gidrạkoakʼ jelpe joma.

Jobakʼ 24:20

Eṅgat kukhi do onkoe hiṛińetʼkoa, ar tejoko do onkoakʼ hoṛmoko jometʼtakoa; bạṛicʼ hoṛ do okoehõ bako disạ dohokoa, onko do dare lekako rạputʼ ńurokʼa.

Sereńko 27:10

Ińren go-baba do ińkin bạgi giḍiyińre hõ Probhu Isor do ińe hạr sãohãyińạ.

Sereńko 77:9

Isor do cetʼ dayakʼe hiṛińkeda? Uni do cetʼ edre iạte acʼakʼ dayaye bond dohoakada?

Kạhtukko 31:2

E bạbu, E ińakʼ kukhiren hopon, E ińakʼ manotakʼletʼren hopon, am do cetʼ iń metama?

Jesaea 14:1

Probhu Isor do Jakobe mãyãwaea; uni do arhõ Israele bachaoea ar onkoakʼ disạmreye duṛubea. Bidisiạ hoṛko do onko sãoteko seledokʼa ar onko do Jakobakʼ bõsrenko tulucʼko midokʼa.

Jesaea 49:14

Menkhan Sion doe meneda, “Probhu Isor do ińe bạgi giḍi akadińạ, uni doe hiṛińkedeńạ.”

1 Samuel 12:22

Probhu Isor do acʼakʼ maraṅ ńutum iạte acʼren hoṛko tisge bae bạgi daṛeakoa, ente uni do acʼakʼ sanatege acʼren hoṛe hoyocoakatʼpea.

Jesaea 54:10

Ente buruko do sahaṛokʼa ar ḍuṅgriko do ocogokʼa, menkhan ińakʼ asambheṛ daya do am khon tishõ baṅ sahaṛokʼa ar ińakʼ suluk reakʼ bondobos hõ baṅge ocogokʼa.” Am cetanre okoeyakʼ mãyã menakʼtae uni Probhu Isorge noa katha doe meneda.

Jirimiạ 51:5

Israel ar Jihudạ do phạdkoren Probhu Isor do bae bạgi akatʼkinạ, Israel do uni sonoticʼ samaṅre acʼakʼ disạmre ghạṭteye perecʼ akada.