Jesaea 48:3 - সান্তালী বাইবেল

³ Probhu Isore meneda, “Oka hoyakan ona do sedaeregeń menleda; ariń baḍae ocoleda ar ińakʼ moca do onae lại jạhirleda. Ona tayom ackageń onkakeda ar ona do hoyena.

Jesaea 48:3 Referans Kwoze

Jesaea 42:9

Ńelpe, lahateakʼ ghoṭnako do ghoṭao akana ar iń do nãwã ghoṭna reakʼ iń lại sodoreda; ar onako ạuri ghoṭaokʼrege ape ṭhen onań lạiyeda.”

Jesaea 41:22

Onako sạbud ạguiytape ar oka hoyokʼ ona lạiyabonpe. Lahateakʼ ghoṭnako reaṅ lạipe, jemon bon baḍae daṛeakʼ onako reaṅ mucạtʼ do cetʼ hoyokʼa mente; se darakanakʼ reakʼko lạiya bonpe cetʼ cetʼko hoyokʼa mente.

Josuạ 21:45

Probhu Isor do Israelko bhạlạiko reakʼ okae gokʼatʼko tahẽkan ona reakʼ mitʼṭecʼ hõ sarecʼ do baṅ tahẽlena, uni do jotogeye purạukeda.

Jesaea 45:21

Dela, mambla samaṅtape, dạkhiltape; ar mitʼsãote sopolhaepe. Niạ ghoṭna hoyokʼ ona do laha khon okoeye men akawatʼpea? Sedaeakʼ ona do lahare okoeye sodor akada? Iń Probhu Isorge cetʼ ona do bạń onka akada? Iń chaḍa ar cele Isorge bạnukʼkoa; iń do dhoromren Isor kạnạń, ar babańcaoicʼ hõ ińge. Iń chaḍa ar cele Isor hõ bạnuiya.

Jesaea 43:9

Sanam boṅgan hoṛ jạtrenko doko jarwa midokʼma ar hoṛko do mitʼ jaegareko hecʼ jarwakʼma. Onko modre ona do okoeko jạhir daṛeakʼa, ar pạhil reakʼko do okoeye udukʼ daṛeabona? Ar onkoakʼ kathako je, sạrikan ona sạbud lạgitʼ onko do akoren gohako ạgukoma jemon onko do ona ańjomkateko mendaṛeakʼ, “Noage sạriyakʼ kana.”

Jesaea 37:7

Ańjompe, iń do unire mitʼṭecʼ jiuiń kolea ar onate uni do mitʼṭecʼ sombate ańjoma ar acʼakʼ disạmteye ruạṛ calakʼa, ar iń do onḍege tarwaṛeteń makʼ gojea.’ ”

Jesaea 37:29

Iń upạrtem edre akana ar amakʼ bạḍại reakʼ katha do ińakʼ luturre hecʼakana ar onate iń do mũreń nakolmea ar mocareń jhinmea; ar oka hortem hecʼakan ona hortegeń ruạṛ gotʼkama.’

Jesaea 29:5

Menkhan amren locotʼ locotʼ bạiriko do lopotʼ dhuṛi lekako hoyokʼa; onko kurmutạhako do oṭaṅokʼkan bhusạ lekako hoyokʼa. Hẽ, mitʼ ripitʼrege phạdkoren Probhu Isor do huḍur, ot laṛao ar ãṭ saḍete, bharḍo ar birbão hoe ar jojomkan seṅgelteye sạjạikoa.

Jesaea 30:13

Onate niạ kại do ape lạgitʼ usul bhitre menakʼ oḍo oḍo paṛakʼ leka kana oka do oborokʼ lạgidokʼkan, one ona ackage obor ńurokʼ mitʼ ripitʼtege.

Jesaea 41:27

Iń do pạhilre Sioniń men akadea ar ńelkom onko doko hecʼakana. Jerusalem do mitʼṭecʼ bhage sombat emokʼicʼ hoṛiń em akadea.