Jesaea 48:20 - সান্তালী বাইবেল

²⁰ Ape do Babel khon oḍok calakʼpe, ar Babelrenko khon dạṛ pharakokʼpe. Ar rạskạ reakʼ aṛaṅte lại saḍepe ar noa jạhirpe, “Probhu Isor do acʼren golam Jakobe chaḍao akadea.”

Jesaea 48:20 Referans Kwoze

Jirimiạ 51:45

“E ińren hoṛko, Babel khon oḍok hijukʼpe. Apan ạpin jiwi rukhiyạitape. Probhu Isorakʼ jolokʼkan edre khon ńir pharakokʼpe.

Jesaea 52:9

E Jerusalem reakʼ jarkharakʼko, ãṭ aṛaṅte hulạsate sereńpe, ente Probhu Isor do acʼren hoṛko jiwi raṛecʼe emakatʼkoa ar Jerusalem doe chaḍao akadea.

Jirimiạ 51:6

Ape do Babel khon dạṛjoṅpe. Ar apan ạpin jiwi rukhiyạitape. Uniyakʼ kại iạte alope maraokʼa. Probhu Isor do hala hạli reakʼ okte seṭer akantaea; uniyakʼ oka kuṛại ona doe ńamgea.

Jirimiạ 50:8

“E Israelko, ape do Babel khon dạṛjoṅpe; Babelrenkoakʼ disạm bạgiyakʼpe ar pal laha lahate calakʼkan merom bodako leka hoyokʼpe.

Johan sodor 18:4

Ona tayom iń do serma khon ar mitʼ hoṛ roroṛ kaniń ańjomkedea, “E ińren hoṛko, ape do Babel khon oḍok hijukʼpe jemon uniyakʼ kại reakʼ bhạgiyạdarko alope hoyokʼ, ar okako sạjại unire ńurokʼ ona okaṭakʼge jemon alo paṛaoape.

Jesaea 63:9

Uni do onkoakʼ jotowakʼ dukreye dukena ar uniren goḍet do onkoe bańcaoketʼkoa. Uniyakʼ daya ar dulạṛte uni do onkoe chaḍaoketʼkoa; sedaeakʼ sanam dinkore onko doe tul rakapʼketʼkoa are ghõṛa idiketʼkoa.

Jesaea 49:13

E sermako rạskạte sereńpe; E pirthimi, hulạsokʼme; E buru-ḍuṅgriko, hulạsokʼpe; ente Probhu Isor do acʼren hoṛko jiwi raṛecʼe emakoa ar santao ocokʼkan acʼren hoṛko cetanreye mãyãkʼa.

Jesaea 26:1

Enhilokʼ Jihudạ disạmre niạ sereńko sereńa: Jihudạ disạmre kajak nagraha menakʼ tabona; Isorakʼ babańcaoge hoyokʼa ona reakʼ pạcri ar gaṛko do.

Johan sodor 18:20

Unre uni serma goḍet doe menkeda, “E serma, ona nagraha ḍahao maraoen iạte rạskạkʼme. E Isorren hoṛko, apostolko ar nạbiko hulạsokʼpe. Ape upạrte uni okae cekaletʼ ona lạgitʼ Isor do uniye bicạr akadea.”

Jirimiạ 51:48

Serma, ot ar onako tala reakʼ sanamakʼge Babel iạteko hulạs rạskạkʼa, ente makʼraoko do utạr secʼ khon hecʼkate unire jhãpko ema. Iń Probhu Isorge noa katha doń meneda.

Jirimiạ 50:2

“Ape do jạt jạtrenko ṭhen porcarpe ar lại jạhirpe, nisạn teṅgoepe ar lại jạhirpe. Danaṅ do cetʼge alope dohoya, bickom menpe, ‘eṭakʼko do Babelko ạidạrijoṅa; Bakʼal deboda doe lajao ocokʼa, Merodok debota doe chaka chun ocokʼa. Babelren boṅga murhutʼko doko lajao ocokʼa ar uniren boṅga muṭhạnko hõko chaka chunokʼa.’

Jirimiạ 31:10

“E Jạt jạtrenko, ińakʼ katha ańjompe; ar sạṅgiń disạmkore niạ katha lại jạhirpe, ‘okoe do Israelkoe chirchạturletʼko uni do onkoe jarwakoa ar gukʼpiko leka acʼakʼ palkoe rukhiyạitaea.’

Jesaea 52:11

Ma oḍokokʼpe, men ona jaega khon oḍok hijukʼpe. Ar chutakʼ jãhãn jinisko alope joṭeda. Ape okoe Probhu Isorakʼ bhajankope gokʼ idiyetʼ ape do ona jaega khon oḍok hijukʼpe ar saphakʼpe.

Jesaea 48:6

Ape do niạkope ańjomakada; ar noa sanamakʼ secʼpe koyokʼ horakada. Ape do cetʼ ona bape aṅgoca? Ńitokʼ khon iń do nãwã nãwãnakʼkoń ańjom ocopea oka do danaṅ reakʼakʼko kan.

Sereńko 126:1

Probhu Isor do tinre lahate leka Sione pherao ruạṛkeda, unre kukmũ ńelketʼ leka bon bujhạukeda.

Jesaea 12:1

Enhilokʼ am dom mena, “E Probhu Isor, iń do amiń sarhaomea, ente iń cetanre edrem sodorleda; menkhan ńitokʼ amakʼ edre do caba akana ar jiwi raṛecʼem emạń kana.

2 Samuel 7:23

Amren Israel jạtrenko leka dhạrtire ar eṭakʼ jãhãn jạtrenko menakʼkoa okoe do am jạtrenko hoeocoko lạgitʼ ar amakʼ ṭhonok sodor lạgitʼ onko chaḍaoko lạgitʼem calaolen? Ar eṭakʼ jạtrenko samaṅre amakʼ ńutumte amren hoṛko lạgitʼ maraṅ ar botoranakʼ kạmim kạmiakada, cetʼleka amren hoṛko Misor disạm khon eṭakʼ eṭakʼ jạtren ar debotakoakʼ ti khonem chaḍao ạguakatʼko?

Dosar Biboron 30:4

Serma reakʼ ses simạnakorepe giḍi ocokʼre hõ Probhu Isor do onḍe khone halaṅ samṭao ạgupea.

Jesaea 12:4

Ape do enhilokʼpe mena, “Probhu Isor sarhaoepe, ar uniyakʼ gun reakʼ katha lại pasnaope; uni okae ceka akatʼ ona do sanam jạtrenko baḍae ocokope ar lại pasnaope, uni doe maraṅ utạricʼ kana.

Jesaea 24:14

Onko do rạskạteko andoṛa arko sereńa. Onko do pạchim secʼ khon ãṭ aṛaṅte Probhu Isorakʼ ṭhonokko sarhaotaea.

Jesaea 42:10

E jalapuri cetante dãṛãnkan hoṛko, ar onare menakʼ sanamakʼko, E sạṅgiń disạmko ar onaren girobasokʼko, ape do Probhu Isor ńutumte mitʼṭecʼ nãwã sereń sereńpe, pirthimi reakʼ ses simạna khon uniyakʼ sarhao sereńpe.

Jesaea 43:1

E Jakob, okoe ame sirjạu akatʼme, E Israel, okoe ame benao akatʼme, uni Probhu Isor do ńitokʼ niạ kathae meneda, “Alom botorokʼa, ente am doń chaḍao akatʼmea. Iń do amakʼ ńutum ńumkateń hohoakatʼmea, am dom ińren kana.

Jesaea 44:22

Amakʼ ghạṭko do rimil lekań oṭaṅ giḍikakʼa ar amakʼ sanam kạiko do setakʼ reakʼ kuṛhạ lekań sạṅgiń akada. Iń ṭhen ruạṛ hijukʼme, ente ińge am doń chaḍao akatʼmea.”

Jesaea 49:6

Uniye meneda, “Eken Jakobakʼ bõsrenko bańcaoko lạgitʼ ar Israelren sarecʼ hoṛko ruạṛ ạguko lạgitʼ ińren golamem hoyokʼa ona do baṅa; ente ona do ḍherge komgea. Ona chaḍa iń do boṅgan hoṛ jạtrenko ṭhen hõ marsal lekań hoyocomea jemon am hotete goṭa dhạrtiren hoṛ do kại khon bańcaoko ńam.”

Jesaea 51:14

Bondi akanko do usạrageko aṛakʼ ocokʼa. Onko do kạd oṛakʼ reakʼ khạndṛuṅre bako gujukʼa, ar jomakʼte hõ bako ṭonṭakʼa.

Jesaea 52:10

Probhu Isor do sanam jạtrenkoakʼ mẽtʼ samaṅre acʼakʼ daṛeanakʼ sonot tiye sodortaea, ar dhạrti reakʼ sanam jaegaren hoṛko do aboren Isorakʼ babańcao reakʼ kạmiko ńela.

Jesaea 62:11

Probhu Isor do dhạrti reakʼ ses simạ hạbicʼe lại sodoreda, “Sionren kuṛi metaepe, ‘ńelme amren babańcaoicʼ doe hijukʼkana. Ńelme, uni okaṭakʼ kuṛạiye ńamakatʼ ona do acʼ sãotege menakʼtaea; ar acʼakʼ kuṛại do uni ṭhenge menakʼa.’ ”

Jirimiạ 31:11

Iń Probhu Isorge Jakob doń chaḍao ạguiyea ar onko khon hõ daṛeankoakʼ ti khoniń owareya.

Jirimiạ 31:21

“Ape do hor horte; udukʼakʼ cinhạko dohoype ar khunṭiko bạisạupe. Ar oka hortem senlen ona hor reakʼ katha disạime. E kũạri Israel, dela ruạṛ hijukʼme, amakʼ goṭa nagrahawante ruạṛ hijukʼme.

Jirimiạ 50:28

Ańjompe, Babel khon ńir paskao akan hoṛkoakʼ aṛaṅ do Sionre hecʼkateko lại jạhiretʼkana, aboren Probhu Isor do cetʼleka acʼakʼ oṛakʼ iạteye hala hạlikʼ kana.

Esra 2:1

Babelren raj Nebukadnesar do okoeko hoṛ bondikate Babelteye idiletʼko onko modren ḍherkoge Jerusalem ar Jihudạre apan ạpin nagraha ar atoteko ruạṛ hecʼena.

Sakariạ 2:10

Probhu Isore meneda, “E Sion-kuṛi, rạskạte sereńme ar hulạsokʼme, ente ińiń hijukʼkana, ar iń do ape talareń girobasokʼa.

Sakariạ 10:8

Iń do gol golteń hohoea ar mitʼ domteń jarwakoa. Onko doń chaḍaokoa ar lahate leka lekhare ḍherko hoyokʼa.