Jesaea 47:15 - সান্তালী বাইবেল

¹⁵ Okoeko soṅgetem kurumuṭuletʼ ar juạn jokhecʼ okoeko tulucʼem karbarletʼ onko do onkageko hoyokʼa. Onko mimitʼko do apan ạpin horteko mohnḍa akana; am bańcaome lạgitʼ mitʼ hoṛ hõ bạnukʼkoa.”

Jesaea 47:15 Referans Kwoze

Jesaea 56:11

Onko do lebṛa seta lekanako, onko do bikʼ bako baḍaea. Onko do bebuj gukʼpiko lekanako; jotokoge apan ạpin horteko ruạṛ calao akana ar apnarakʼ lab reakʼko kurumuṭu kana.

Jesaea 5:29

Kul eṅga lekage onkoakʼ hạnḍrạukʼ do; onko do dhạcri kul lekako hạnḍrạukʼa ar guńjrạukʼ kanako akoren sikạrko lạgitʼ. Onko doko ger ạtkirkoa; ar celege bako rukhiyạ daṛelekoa.

Jesaea 43:13

Hẽ, pạhil khon ini kangeạń. Okoege ińakʼ ti khon do ohoko rukhiyạ daṛelena. Ińiń kạmile khan ona do okoe hõ bako bạtil daṛeakʼa.”

Jesaea 46:7

Onko do tarenre ladekateko gokʼ idiyedea; ar uniyakʼ jaegareko dohoyedea ar onḍege uni doe tahenkana. Ar ona jaega khon bae ocogokʼkana. Ar jãhãege uni ṭhene rakʼlere hõ bae roṛ ruạṛeda, ar uniyakʼ duk-kosṭo khon hõ bae rukhiyạ daṛeaekana.

Jesaea 47:13

Am okaṭakʼ solham ńamakatʼ ona do ame laṅga ocoakatʼmea. Amren gukʼniko do samaṅ secʼko hijukʼma; ipilko ńelte okoe do cando candoko nạbiyetʼ onko do amre oka paṛao lạgidokʼkan ona khonko rukhiyạmema.