Jesaea 47:12 - সান্তালী বাইবেল

¹² “Am do kuṛi jokhecʼ khon okaṭakʼ mantar ar guni lạgitʼem kurumuṭu ạguakatʼ ona kạmime. Hoedaṛeakʼa ona do ame jo baha ocomea, ar botorem janam ocoketʼge.

Jesaea 47:12 Referans Kwoze

Nạhum 3:4

Noako do uni kusmbiyakʼ aema utạr loṭghuṭi iạte hoyokʼkana; uni doe cemkecʼgea are bukʼlạuicʼ era kana. Uni do acʼakʼ loṭghuṭi iạte jạt jạtrenkoe ạkhrińetʼkoa; ar disạm disạmrenko do acʼakʼ muhnite.

Jirimiạ 2:28

E Jihudạ, apnar lạgitʼ okoe debotakom benao akawan onko do unre okareko tahenkana? Muhinrem paṛaolenre amko bańcao daṛeam khan doko hecʼocoge, ente aema nagrahako menakʼtama ar debotako hõko ḍhergetama.

Jesaea 44:25

Bhonḍ nạbikoakʼ cinhạ doń ạuṛiyakʼ ocoytakoa ar ńeńelko do lelha lekań hoyocokoa. Iń do ạkilankoakʼ ạkiliń ạuṛiyakʼ ocoytakoa ar onkoakʼ bidiyạ doń bebuj ocoya.

Jesaea 19:3

Misorrenko doko hae nisạsokʼa, ar iń do onkoakʼ goṭawakʼko bạń jo baha ocoytakoa. Ente onko do boṅga murhutʼko ar gocʼ hoṛ ḍakʼkaoko, ar jan guruko ṭhen khon solhako hataoeda.

Jesaea 8:19

Hoṛko do tinre onko ṭhen calakʼko metapea one okoe do gocʼ hoṛko ar bạṛicʼ jiuko sãote helmelko dohoyetʼ arko biṛ biṛetʼkan, unre ape do cetʼ Isor ṭhen calakʼ lek baṅkantapea? Okoe jiwetʼ menakʼko onkoren hoykate cedakʼ gocʼko sãote sopolha lạgitʼ dope calakʼa?

Exodus 9:11

Gonokko do Mose samaṅre ar bako teṅgo daṛeada, ente onko hõ eṭakʼ Misri hoṛko leka ojo rakapʼatʼkoa.

Exodus 8:7

Ar gonokko hõ akoakʼ jạdu reakʼ jorte onkageko udukʼkeda. Onko hõ Misor disạmre roṭeko ạguketʼkoa.

Exodus 7:11

Pharao do ạkilan gunidarkoe hoho ạgu ocoketʼkoa. Ar onko hõ akoakʼ jạdu reakʼ jorte onkageko kạmikeda.

Johan sodor 9:21

Ona chaḍa khũn, jạdu, laṭghaṭ ar kombṛo, noako khon hõ mon bako ạcurleda.

Sereńko 129:1

Israel doe menma, “Gidrạń tahẽkan khonge hoṛko do ạḍiko santaoedeń kana.

Daniel 2:2

Ar acʼakʼ kukmũ reakʼ bhed baḍaejoṅ lạgitʼte uni do gonokko, gunidarko, muhnidarko ar kạldikoe hoho ạgu ocoketʼkoa. Arko hecʼen khan onko do raj samaṅreko teṅgoyena.

Daniel 5:15

Noa olakʼ paṛhaokate ona reakʼ bhed lạiyạń lạgitʼ muhnidarko ar eṭakʼ sopolhako iń ṭhenko ạgu ocolena, menkhan noa reakʼ mane do bako lại daṛeada,

Mikạ 3:7

Onate dorson ńeńelko doko lajao ocokʼa gonokko doko bemanot ocokʼa. Onko do jotoge mẽtʼãhãko danaṅtakoa, ente Isor do cetʼ roṛ ruạṛge bae emakoa.

Numeri 22:25

Gadha eṅga do Probhu Isorren goḍete ńelkede khan pạcri aṛe ńokʼte calakʼe ehopʼena. Onate Biliam do mitʼ jaṅga gasaoentaea. Unre Biliam do arhõ gadha eṅgae dalkedea.

Jeheskel 21:26

Iń Probhu Isorgeń meneda, amakʼ dạhṛi raṛaetam, ar mukuṭ do bojtam. Ente cetʼleka tahẽkan onka do ar baṅ hoyokʼa. Usulakʼ do copodokʼa ar copodakʼ do usul ocokʼa.

Daniel 2:11

Maharaj okae khojkan ona do ạḍitetʼ muskilgea. Debotako chaḍa ar celege maharaj ṭhen ona do bako sodor daṛeakʼa, ar manwa talare onko ma bako girobasokʼ kan.”