Jesaea 47:1 - সান্তালী বাইবেল

¹ Probhu Isore meneda, “E kũạri kuṛi Babel, am do dhuṛire duṛupʼme; E Babel am do siṅghạson bạgikate otre duṛupʼme. Ente Kakosiạ ar sukmạr do ar bako metama.

Jesaea 47:1 Referans Kwoze

Jirimiạ 51:33

Iń phạdkoren Probhu Isorgeń meneda, “Babel kuṛi do phosol enokʼ jokhecʼ reakʼ khạrại lekageye hoyakana; ar phosol samṭao leka uni samṭaoe reakʼ okte do usạrage hijukʼa.”

Sereńko 137:8

E Babelren hoponera, am dom ḍahao marao ocokʼa; am do cetʼleka ale cetanrem cekawakatʼ ar okoe amreye onkae uni doe bhạgangea!

Sakariạ 2:7

E Sionren hoṛko, ape okoe do Babelrepe girobasokʼkan, ape do ńir paskaokʼpe ar hijukʼpe.”

Jirimiạ 50:42

Onko do akʼ sar ar tarwaṛe sasapʼko kanako; onko do kurmutạha ar bin dayakʼ hoṛ kanako. Sadomte decʼ hijukʼ jokhecʼ, jalapuri reakʼ hud hud saḍe leka onkoakʼ sabad do; E Babel kuṛi, onko do lạṛhại reakʼ sajbajte amre jhãp em lạgitʼko hijukʼkana.

Jirimiạ 46:11

“E kũạri kuṛi Misor, am do Gileadte rakapʼ calakʼme ar haso reakʼ ran sunum ạgujoṅme. Am do ạuṛiyakʼge ạḍi lekan rankom lagao joṅkana; am do bam bogekʼa.

Jesaea 3:26

Sion reakʼ phaṭok duạr doko homor halaṅa; ar Sion do ujạṛ akante otreye duṛupʼkokʼa.

Jirimiạ 48:18

Probhu Isore meneda, “E Dibonren hoṛko, apeakʼ ṭhonok reakʼ ṭhạ̃i khon pheḍ hijukʼte khaṅgoṭ otre duṛupʼpe, ente Moabren dhaṅdhasericʼ do ape upạrte hecʼkate apeakʼ gaṛkoe dhaṅdhasertapea.

Jesaea 37:22

Uni upạrte Probhu Isore meneda, ‘kũạri kuṛi Sion am doko nisṛạumea arko landa-dhutʼama. Jerusalemren hoṛko do am tayomre bohokʼko rukuitakoa.

Sereńko 18:27

Am do nacar jạtrenkom rukhiyạyetʼkoa ar bạḍạiko dom tumbutʼ ocoyetʼkoa.

Johan sodor 18:7

Uni do acʼakʼ reaṅ tinạkʼ bạ̃ṛtiye sabasilen, ar tinạkʼ bạ̃ṛtiye umtạ umtilen, ṭhik unạkʼge saset ar duk emaepe, ente monreye hudiseda, iń ma rạniń hoyakan, ar rạnḍi doń baṅkana; ar oka lekatege bạń dukokʼa.

Jeheskel 28:17

Amakʼ mon do amakʼ mońjtetʼ iạte bạḍạiteye perecʼena ar amakʼ ṭhonok iạte amakʼ ạkil dom nosṭo akada. Onate iń do otreń lebda giḍikatʼmea; ar rapajko samaṅreń dohoketʼmea jemon onko do am ńelteko kusikʼ.

Jeheskel 26:16

Unre jalapuri aṛe reakʼ disạmkoren rapajko do akoakʼ siṅghạson khon pheḍkate akoakʼ raj kicricʼ ar noksa akatʼ kicricʼko totʼ giḍikakʼa. Ar botorte otreko duṛupʼa, ar jao okteko thar tharaokʼa ar am ńelteko torasokʼa.

Rak̕joṅ 4:5

Okoe bhage bhage jomakʼko jometʼ tahẽkan ńitokʼ onko do ṭonṭa iạte kulhireko lorao akana. Okoe do jeṅgetʼ arakʼakʼko horokʼetʼ tahẽkan onko do ńitokʼ torocʼ cetanreko giticʼ baṛaekana.

Rak̕joṅ 2:21

Koṛa hoṛ ar haṛamko do kulhi dhuṛireko guṛdạu akana; ińren juạn ar juạniko do tarwaṛeteko hạ̃n akana. Amakʼ edrekʼ dinre am do onkom gocʼketʼkoa; onko dom kaman sapha akatʼkoa, ar bam mãyã akatʼkoa.

Rak̕joṅ 2:10

Sion hoponeraren murubbiko do otreko duṛupʼ hapeakana. Onko do akoakʼ bohokʼre dhuṛiko ojokʼ akawana ar gõṛẽ kicricʼko horokʼ akada. Jerusalemren juạn kuṛiko do dukte ot secʼko kuḍbur hapeakana.

Jirimiạ 13:18

Probhu Isor do ińe metadińạ, “Am do raj ar uniren eṅgatem metaea, ‘siṅghạson ṭhen khon pheḍ hijukʼ ben, ente abenakʼ ṭhonokanakʼ mukuṭ do abenakʼ bohokʼ khon ńur akana.

Jesaea 52:2

E Jerusalem, beredokʼme, ar amakʼ dea khon dhuṛi koṭa ńurhạime ar siṅghạsonre duṛupʼme. E bondi akan Sion kuṛi amakʼ hoṭokʼ reakʼ sikṛiko raṛaetam.

Jesaea 26:5

Okoe usul ṭhạ̃ireko girobasokʼ kan onko doe copotʼ akatʼkoa; uni do ona cetan nagrahakoe copotʼ ocoyeda. Ona do ot hạbicʼgeye copotʼeda, ar dhuṛireye milạueda.

Jesaea 23:12

Uni doe menkeda, “E Sidonren hoṛko, apeakʼ rạskạ do caba akantapea, ente ape dope santao ocokʼkana. Ma beretʼpe, ar Kuprus dipte parom calakʼpe; onḍehõ jirạu do bape ńama.”

Sereńko 89:44

Uniyakʼ jakjomok dom caba utạrkatʼtaea; ar uniyakʼ siṅghạson dom gejerketʼtaea.

Jobakʼ 2:13

Ar ona tayom do eae siń ar eae ńindạ uni sãote otreko duṛupʼ tahẽyena. Ar uni do cetʼhõ bako metadea, ente uniyakʼ harkhet do ạḍitetʼ maraṅge tahẽkana.

Jobakʼ 2:8

Unre Job do torocʼre duṛupʼkate mitʼṭecʼ kelhatʼ hataokate gạdurokʼe ehopʼena.

Hagae 2:22

Iń do eṭakʼ eṭakʼ jạtren rapajkoakʼ siṅghạson koń ulṭạu giḍikatakoa ar onkoakʼ ektiạriń marao utạra. Iń do rãt gạḍiko ar onaren cakʼlao koń ulṭạu giḍikoa; sadomko ar aswariko do uniren boehawakʼ tarwaṛeteko gujukʼa.

Jona 3:6

Raj ṭhen ona khobor seṭeren khan uni hõ siṅghạson khone beretʼente acʼakʼ raj-kicricʼe totʼketʼtaea ar gõṛẽ kicricʼ horokʼkate torocʼreye duṛupʼena.

Jesaea 13:1

Amosren hopon Jesaea do Babel reaṅ dorsone ńamleda.

Jirimiạ 50:1

Babel, metakʼme Babelrenkoakʼ disạm reaṅ Jirimiạ nạbi hotete Probhu Isor do noa kathae menleda,

Jesaea 13:13

Ona iạte iń do sermań daldalao ocoya; ar phạdkoren Probhu Isorakʼ kurkurạukʼte uniyakʼ jaljalaokʼkan edre dinre pirthimi do ḍikạ ḍakekʼa.

Jesaea 14:1

Probhu Isor do Jakobe mãyãwaea; uni do arhõ Israele bachaoea ar onkoakʼ disạmreye duṛubea. Bidisiạ hoṛko do onko sãoteko seledokʼa ar onko do Jakobakʼ bõsrenko tulucʼko midokʼa.

Jesaea 21:1

Jalapuri-hahaṅkar reaṅ nạbi katha: Dạkhin disạmte birbao hoe sen idikʼkan leka, ona do hahaṅkar khon hijukʼ kana mitʼṭecʼ botoranakʼ disạm khonge.

Jirimiạ 51:1

Probhu Isore Meneda, “Ńelpe, Leb-Kamae, metakʼme Babel ar uniren hoṛko upạrte mitʼṭecʼ jarkhaokʼ hoe iń rakapʼ ocoya.

Jirimiạ 51:51

“Apepe meneda, ‘ale babotre henosta kathale ańjom akatʼte ale dole lajao ocoakana. Lajao do aleakʼ mẽtʼãhãe betʼ akatʼtalea, ente Probhu Isorakʼ oṛakʼ reakʼ sonot ṭhạ̃ikore bidisiạkoko bololena.’